الإبداع الذي رفد صاحبه

305
shares
شارك على فيسبوك
شارك على تويتر
شارك على لينكدإن
+
What's This?

أي ماركيتيير Marketer بيفتكر إن أهم ميزة فيه انه يبقى شخص مبدعCreative  وعنده أفكار مجنونة وماتعملتش قبل كده. وطبعاً من كتر ما بنشوف الاعلانات بتاعت الشركات العالمية زي كوكاكولا ، بيبسي، وشركات العربيات ، والموبيلات، وبنشوف قد إيه بيعملوا أفكار مش طبيعية .. وطبعا ده بيبهر الماركيتيير Marketer  قبل البني آدم الطبيعي.

لكن .. النهاردة أحب أقولك إن الكلام ده مش صح .. وإن أهم ميزة إنك تكون Active Listener .. يعني مستمع فعال أو متفاعل، بمعنى إنك لازم تكون بتسمع كويس وبتلم معلومات كويس وتتفاعل مع المعلومات دي عشان تطلع بأفكار مبدعة وفي نفس الوقت تكون ناجحة، لأن الافكار المبدعة ساعات كتير بتكون سبب في رفد صاحبها!. طب ازاي؟

إديني مثال: شوف اعلان مرسيدس ده مبدع قد ايه:

الفكرة المجنونة جداً ديه بتوضح ميزة مهمة جدا في العربيات المرسيدس اللي هي ال Stability

لكن اللي حصل بقى إن صاحب الفكرة دي غلط غلطتين:

1.  انه مسمعش كويس : يعني مكنش مجمع كل المعلومات عن العملاء بتوعه. لانه استخدم الفراخ في الاعلان وطلعت اشاعات مغرضه ان الاعلان ده تسبب في موت الاف الفراخ و ده خلى شركة مرسيدس تعدل التعليق المكتوب تحت الفيديو (هيبان لو فتحت الفيديو من على يوتيوب) و راحوا كاتبين ان الفيديو لم يتسبب في موت الفراخ ، و زي ما انتم عارفين: إن الشعوب الاوروبية بتهتم بالفراخ اكتر ما احنا بنهتم بعيالنا ! .. فقاطعوا مرسيدس!

2.  انه مفكرش في رد فعل المنافسين على اعلان زي ده و مخدش باله ان الفرخة حيوان ضعيف جدا، و ده خلى شركة قوية زي جاجور تعمل اعلان ضدهم:

شوفوا اعلانCreative  زي ده عمل مشاكل قد ايه و تسبب في خسائر ازاي و سمعت “بس مش متأكد” ان صاحب الفكرة و التنفيذ اترفد من شغله.

ونيجي بقى ونقول إن الإبداعCreativity  ليها أصول مش مجرد اعلان مطرقع وخلاص، الإبداع بنختصره في كلمة:CITE 

  • Customer Focused = C يعني تكون مركزة على الشريحة المستهدفة و ثقافتهم وطريقة تفكيرهم
  • Idea = I  تكون فكرة مبدعة و متكررتش و متكونش ليها خلفيات مش كويسة عند الناس.
  • Touch Points = تقدر تعملها تطبيق على قنوات التسويق المختلفة من غير ما الفكرة تبوظ.
  • Engage = E  إن الفكرة تعمل ارتباط بين العميل والمنتج أو الخدمة بتاعتك وتخليه يتفاعل معاك

يعني مايبقاش هدفك كله إن الفكرة تكون خياليه، لأ ، يبقى هدفك إن الفكرة تحقق الهدف المطلوب منها لأننا وظيفتنا في النهاية البيع قبل ما تكون الابداع وإنك تقول بصوا أنا عظيم وبعمل أفكار مجنونة ازاي. 

شارك على فيسبوك
شارك على تويتر
شارك على لينكدإن
+