تجربة تويوتا راف4: المعنى الحقيقي للتفكير خارج الصندوق

8
shares
شارك على فيسبوك
شارك على تويتر
شارك على لينكدإن
+
What's This?

البداية ..

الحملة اللي هانتكلم عنها النهاردة كانت لشركة تويوتا اللي كانت عايزة تسوّق لموديل جديد عندها إسمه Toyota Rav4

2014-toyota-rav4-04

واللي اتصنعت خصيصاً للزبائن اللي بيحبوا المغامرة في الهواء الطلق ، يعني نوع الناس اللي في الأجازة مش بيقعدوا على الإنترنت أو يخرجوا مع أصحابهم ويقعدوا في كافيه أو يروحوا يتسوقوا في مول العرب، وإنما نوع الناس اللي بيقضوا اجازتهم في ركوب الدراجات والمشي لمسافات طويلة.

Google plus cover 1 copy

المشكلة ..

كانت المشكلة إن تويوتا زي أي شركة عربيات عايزة تسوّق للموديل بتاعها وعندهم ويب-سايت وعايزة الفئة المستهدفة ديه إنها تحجز test drive من عليه، وزي ما إحنا عارفين، ف ال test drive يعني إنك تجرب تركب العربية بنفسك وتشوف إمكانياتها وديه واحدة من التكتيكات المهمة جداً لأي موديل بينزل جديد، وتقريباً عندنا في مصر بتتعمل بدون إعلانات أو أي أفكار مجنونة –حسب معلوماتي يعني- وإنما من خلا التواصل مع مجموعة من الشركات إنها تبعت مجموعة من الموظفين عندها عشان يعملوا ال test drive.

test+drive

المهم .. إزاي هاجيب الناس ديه تقعد على الويب-سايت وتحجز وهم أساساً علاقتهم مع الإنترنت مش قوية؟

 

الحل ..

عايزين حل يخللي الناس ديه تخش على الويب-سايت .. وفي نفس الوقت نخلق جو من المغامرة اللي هم بيحبوه .. إممم .. ويا سلام لو تقدر تعمللي ده في الأجازة ! .. طب إزاي؟

IQ_052313-617x416

هننقل الويب-سايت للشارع !

بدون مبالغة، هو ده اللي عملته شركة Hellocomputer  بالتعاون مع Thingking و DraftFCB JHB و Black Envelope Films. عملوا ايه يعني؟ .. راحوا عملوا بووث في مكان عام وبعتوا كام واد وبنت يوزعوا فلايرات ويتكلموا عن الموديل بتاع العربية ويخلوهم يحجزوا على الويب-سايت؟ .. لأ .. عملوا outdoor website ، إيه؟ .. أيوة زي ما بقولك كدة .. اللي هو ازاي يعني؟ .. يعني نقلوا الويب-سايت برة الإنترنت تماماً وبعيد عن اللابتوب والديسكتوب والآيباد والموبايل .. عملوا ويب-سايت تفاعلي في المكان اللي بيتواجد فيه الزبون .. وهو راكب الدراجة!

مش فاهم اللي حصل؟

الشركات التلاتة عملوا التالي:

1-      تم حجز تراك ركوب دراجات طوله 1.8 كيلو في بريانستون لصالح الشركتين في اليوم ده.

2-      راكبي الدراجات بدأوا في ممارسة هوايتهم بقطع المسافة ديه.

3-      بعد أول 50 م .. راكب الدراجة وهو ماشي بيلاقي يُفط مكتوب عليها ورا بعض 60% ، 80% ، 100% downloading (وكأن الموقع بيحمّل يعني لغاية لما يفتح)

4-      بيوصل راكب الدراجة بعد كدة للصفحة الهوم واللي بتظهر مجموعة من التابات اللي هاتحمل المحتوى اللي الشركة عايزة تعرّفه للراكب (وموجود أصلاً على الموقع) زي:

–          الموديلات Models

–          الأمان Safety

–          الأثاث الداخلي interior

–          الديزاين design

وباستخدام نظام بكرات وتصميم بالخشب للموقع وعجلات دوارة كبيرة وأشجارمتبطنة بأكياس هواء + موتورات وواي فاي وأدوات كتير + سينسور بالآشعة تحت الحمرا بحيث أول ما الراكب يقرب من الحتة اللي معمول فيها الصفحة تقلب التاب لوحدها وتوريله المحتوى اللي فيها.

5-      ومع مروره في يُفط مرسوم عليها علامة تويتر فلما يخبطها بإيده يقدر يـ تويت على الأكاونت عنده فتظهر للناس اللي مش موجودة في التجربة ديه.

6-      في نهاية التراك لو عجبه الموضوع يقدر يخبط على ختم فتطلعله ورقة بحجزه لل test drive عشان يقدر يجربها بنفسه.

7-      رفعت الشركة كمان التجربة أونلاين عشان تنقل المغامرة اللي مش موجودين بنفسهم وتخلق ال word of mouth

ديه مجموعة من الصور عن التجربة:

rav4_outdoor_site_7

2014-toyota-rav4-website-62

toyota-rav4-outdoor-website_campaigns

toyota-rav4-outdoor-website_campaigns_01

rav4-gears

01-2AOU

 toyota-rav4-outdoor-website-600-79992

وده فيديو للقصة كاملة:

هل التجربة نجحت ولا فشلت؟

 

حققت التجربة النتايج التالية:

1-      39 ألف مشاهدة على يوتيوب.

2-      398% زيادة لعدد الزيارات على الويب-سايت

3-      433% زيادة في معدل حجز ال test drive للموديل

نتعلم ايه؟

1-      شوف الفئة المستهدفة بتاعتك فين وبيحبوا إيه، واعمل زيهم. خليك على قد مستواهم، إبهرهم.

2-      التنفيذ أهم مليون مرة من الفكرة نفسها، ماتحرقش الفكرة الحلوة بتنفيذ سيء.

3-      اتعلم قاعدتين مهمتين: الأولى: اربط الأونلاين بالأوفلاين – التانية: اربط الأونلاين بالأوفلاين.

4-      عيد تعريف مصطلح “التفكير برة الصندوق” بعد ما تقرأ المقال ده.

شارك على فيسبوك
شارك على تويتر
شارك على لينكدإن
+