Social Media Monitoring ماذا يقولون عنك على السوشيال ميديا؟ – أهم 15 أداة مجانية في الـ

305
shares
شارك على فيسبوك
شارك على تويتر
شارك على لينكدإن
+
What's This?

اتكلمنا قبل كده عن ان من اهم الـrules لأى براند بيشتغل على الـsocial media هى انه يكون بيسمع كويس .. بيسمع بمعنى انه يعمل monitoring كويس اوى ويشوف الناس بتتكلم عنه ازاى على السوشيال ميديا او كمان عشان يعرف ايه التريند اللى الناس بتتكلم عنه عشان يقدر يستغله ويعمل newsjacking عليه.

طيب ليه الـmonitoring بيكون مهم كده ؟ 

 

1- لأن دى حاجة بتساعدك كبراند انك تتابع الأنشطة activities اللى بتعملها او الحملات التسويقية marketing campaigns اللى بتنفذها.

2- كمان ده بيساعدك كبراند انك تعمل تفاعل engagement مع المجتمع community اللى بيتابعك او الناس اللى ممكن تكون مهتمة بالحاجة اللى بيقدمها البراند بتاعك.

3- كمان بيساعدك جدا كبراند انك تقدر تعمل دعم لعملائك customer support بشكل أفضل وده لأن لو فى عميل بيشتكى من حاجة تخص البراند بتاعك حتى من غير مايعملك مينشن ان تقدر ترد عليه وتبينله انك مهتم تحل مشكلته ودى حاجة مهمة جداً

مثال: النهاردة @lumia egypt عملت حركة ذكية جدا ممكن نشوفها هنا:

Screenshot_8

طبعاً زى ما واضح إن أمير مكنش عامل مينشن لـ lumia egypt لكن هم قدروا يوصلوله و يردوا عليه بطريقة ذكية، لأنهم كانوا صاحيين !

“الحاجات اللى زى كده بيكون ليها رد فعل كويس أوى لأنها بتبين قد ايه البراند ده فاهم سوشيال ميديا .. وكمان بتحسس الشخص اللى كاتب التويتة مثلا انهم مهم بالنسبة لهم وبتزيد من نسبة اهتمام الناس بيهم”

كمان قولنا ان من اهمية الـ monitoring إنك تشوف ايه التريند اللى شاغل الناس على السوشيال ميديا وتعمل عليه newsjacking والـnewsjacking بإختصار معناه الحرفى هو : “اصطياد الاخبار” .. والمقصود منه استغلال الاخبار و الاحداث اللى بتحصل حوالينا بسرعة لللإستفادة منها فى اننا نعمل real time marketing (كنا اتكلمنا قبل كده عن الـnewsjacking بالتفصيل فى المقالة ديه) سواء كان الهدف هو إنك تحقق هدف بيعي بحت Leads Generation (داونلوودز على الموبايل – ترافيك على الموقع – بيع منتجات أو خدمات) أو براندنج Branding بحت تتكلم فيه عن شخصيتك الواحدة وتعبر عنها طول الوقت.

مثال: ويمكن ده من أشهر الامثلة اللى حصلت مؤخرا بالطريقة دى من كيت-كات كندا Kit-Kat لما استغلت تعطل الفيسبوك وربطته بالسلوجان بتاعها:

Screenshot_9

طبعاً النوع ده من الـtweets او الـposts بينتشر جداً Viral لأنه بيدل على ذكاء البراند اللى عملها وبيبين قد ايه هو updated بالاحداث اللى حواليه، وده بيعبّر في البراندنج عن مستوى إسمه الإستجابة Response في موديل CBBE (هانتكلم عنه بالتفصيل لاحقاً)

Screenshot_10

نيجي بقى للجزء العملي:

ودلوقتى لو عايز فعلا تكون brand “فايق” على السوشيال ميديا ومتابع كل حاجة بتحصل، في أدوات social monitoring tools كتير ممكن تستخدمها بجانب ما يوفره لك فيسبوك وتويتر في ال admin panel في كلمة Mentions.  فحسب موقع brandwatch.com دول أفضل أدوات مجانية Top 15 Free Social Media Monitoring Tools ممكن تستخدمهم:

1) Hootsuite

2) TweetReach

3) Klout

4) Social Mention

5) Twazzup

6) Addictomatic

7) HowSociable

8) IceRocket

9) TweetDeck

10) Mention

11) Topsy

12) Followerwonk

13) SumAll

14) Simply Measured

15) Google Alerts

نصيحة عملية: ابدأ بـ Mention / Google Alerts / Hootsuite

الخلاصة: على السوشيال ميديا لازم تسمع كويس أوي عشان تعرف تتكلم كويس وتعرف هتتكلم فى ايه، زمان ده ماكانش متاح، دلوقتي بقى متاح، وكل ثانية إنت بتتأخر فيها عن مواكبة التطور ده، هاتخسر كتير، لأن بعدها هايكون في تطور أكبر،  الديناصورات مش هاتستحمله وهاتنقرض.

لو شوفتوا أمثلة كويسة على الـ social monitoring قبل كده قولولنا عليها وكمان لو حد جرب tool كويسة ياريت يقولنا عليها برضه. وهانتكلم في مقال تاني عن تجربة بعض الأدوات ديه وأهم التريكات اللي هاتحتاجها مع استخدامها.

للتواصل معايا على لينكد-إن LinkedIn تقدروا تتابعوني من هنا

شارك على فيسبوك
شارك على تويتر
شارك على لينكدإن
+