الحملة الأكثر جنوناً على جوجل سيرش من سنيكرز – إنت مش إنت وإنت جعان

شارك على فيسبوك
شارك على تويتر
شارك على لينكدإن
+

سنيكرز snickers أحد براندات الشيكولاتة المشهورة جداً اللي نزلت السوق سنة 1930، في سنة 2010 أطلقوا حملة بعنوان “إنت مش إنت وإنت جعان” وكان ليها تطبيق عبقري جداً في عالم الديجيتال هانستعرضه من خلال المقال ده.

اتفرج على أحد إعلانات الحملة في مصر من هنا الأول:

المشكلة:

بناءاً على مشكلة (حقيقة) إن ناس كتير مننا على محرك البحث جوجل بيكتبوا كلمات غلط أثناء البحث، زي twiter بدل twitter أو Busness بدل business مثلاً والأمثلة كتير جداً:

Image of campaign

فسنيكرز استغلت الموقف ده خاصةً إننا واحنا جعانين مش بنبقى مركزين وبالتالي هاتزيد معدل الأخطاء اللي من النوعية ديه.

Image of campaign

الحل:

سنيكرز اشتغلت من خلال Google Adwords من إنها تتارجت أكتر الكلمات شيوعاً اللي بنكتبها غلط mis-spelling وبالتالي لعبت على إنها تطلع إعلان ليها لما تطلع نتيجة البحث تقوله فيها: Yu cant spel properlie wen hungrie (مش هاتعرف تكتب السبيلنج صح وانت جعان – وطبعاً كتبتها غلط بنفس الطريقة).

النتيجة:

ولأن مش كون الفكرة مجنونة ومفرقعة بس فده يخلينا نحكم على نجاحها، وإنما في النهاية إحنا بنبص على الأرقام، فالحملة ديه حققت أرقام قياسية جداً: 500 ألف وصول reach خلال يومين بس من بداية الحملة و أكتر من 558 ألف إنطباع impressions خلال 51 ساعة.

وديه كانت واحدة من التطبيقات العبقرية في عالم الديجيتال لحملة بعيداً خالص عن السوشيال ميديا والإعلانات التقليدية؛ نتعلم منها إننا لسه مطلعناش أوي برة الصندوق.

فريق عمل الحملة:

Screenshot_5

شارك على فيسبوك
شارك على تويتر
شارك على لينكدإن
+