سيث جودين والبقرة البنفسجي

شارك على فيسبوك
شارك على تويتر
شارك على لينكدإن
+

“سيث جودين ” واحد من خبراء التسويق

:أعلن إنه ضد حاجتين بشكل صارخ

1- المُنتجات التقليدية والشركات التقليدية

 2- الميزانيات الضخمة للإعلانات

 خلينا نِحكي قِصة أشهر كتاب لـ سيث جودين وإسمه البقرة ذات اللون البنفسجي- purple cow

 

purple cow

 فِكرة الكِتاب هو وضحها بمثال , قالك تخيل لو أنت ماشي فى الشارع وشفت بقرة هتلفت نظرك أو هتقول للناس ده فى بقرة هناك!  طب تَخيل إنك قابلت في يوم بقرة لونها بنفسجي إيه رد فِعلك ؟!! هاتصورها وتشارك في نَشرها كأي نوع من الأفكار والمنتجات اللي بتتحول لـ شكل  وتلاقي نَفسك مجبر عالمشاركة في التفاعل عنها وكل ده وصاحب المنتج ” البقرة ” مابذلش أي مجهود سيث جودين  بيقول فى كتابه إن لازم منتجك يكون مميز بشكل أكبر , مختلف بوضوح , وفَسر وِجهة نَظره في النُقطة دي لما طرح سؤال قَوي وهو

Why not specialist ?

Why you need to compete?

  ده كان رَده عالنُقطة رقم واحد , واللي كان هو ضِدها شكل كامل و هى انك يكون عندك منتج تقليدي مش مميز.

النُقطة التانية المرتبطة بالميزانية الضخمة للإعلان , هنا إتكلم عن الشركات اللي بتستخدم مُعظم أرباحها علي إنها تِزود كم إعلانات جديدة , والموضوع أصبح دايرة
كاملة , بتبدأ من إن الشركات تعمل أكبر كم إعلانات , فالتوزيع يزيد , وعملية البيع تتم بشكل أكبر , والأرباح تزيد فيعملوا إعلانات أكتر  , هِنا جملته كانت واضحة وليها عِلاقة بـ النقطة الأولي واللي ليها عِلاقة بنوع المنتجات اللي بيدعو لوجودها أو إنتاجها , فـ قال

– Stop advertising , Start innovating –

 إنك تخصص كم الميزانية الرهيبة دي من وجهة نَظره ده أكبر دَليل علي عدم الثقة في منتجك * بغض النظر طَبعآ عن تساؤلك دِلوقتي لما تُقول طَب مالسوق كله فيه نفس الكثافة من الإعلانات والميزانيات فاللي هايوصل – أكتر – هو اللي هاياخد السوق * فـ هنا هانرجع لطلبه في النُقطة الأولي لما قال

Why not specialist ?

Why you need to compete?

وهنا بيقول إنتَ ليه مِش مميز؟ , ملكش مِنتج أو خدمة مميزة مَثلآ , إنتَ ليه محتاج تنافس أو بتاخد نَفسك لنقطة الإضطرار للمنافسة فتدخل في نُقطة كُل أما تكثف بشكلأ وسع , كل أما تِوصل لكم أكبر , فبالتالي تِحقق ربح أكبر واللي هاتبدأ تِصرفه عالحملة اللي بعدها علي طول كأنك بتلف حوالين نفسك.

فِـ هِنا بيقول إنك ممكن تِوفر , أو تخصص جزء من ميزانيك الضِخمة أو تسخر كُل إمكانياتك لـ مصممين من طراز مُحترف في إنك تِنتج مِنتج مميز , واللي بالتأكيد

مِحتاجة خِطة تسويقية مُبتكرة عَشان تِحقق الـ ” بربل كاو “وتستفاد مِن كم المميزات المصاحبة ليها وده طَبعآ في وجود قدرة تسويقية متناسبة ومتناسقة مع تَميز المنتج

ده بقي الـ Talk بتاع  Seth Godin  في Tedx  شوفوه هتستفادوا منه كتيرجداً

فى النهاية .. اهتم بأنك يكون عندك منتج مميز و مختلف , شكراً لوقتكم.

لو عايز تبدأ مشروعك بطريقة صح، ديه سلسلة من 3 أجزاء كتبها محمد عادل تقدر تقرأهم من هنا.

شارك على فيسبوك
شارك على تويتر
شارك على لينكدإن
+