تعرّف على ال Programmatic Advertising – الجزء الأول

17
shares
شارك على فيسبوك
شارك على تويتر
شارك على لينكدإن
+
What's This?

مقدمة:

الانسان دايما في محاولة انه يريح نفسه ويريح دماغه وبيحاول يخلي كل حاجة تحصل بشكل اوتوماتيكي . دا هو الي حصل في advertising industry الفترة دي . وهي ان الناس بتشتري وتبيع اعلانات بدون ما يكلموا بعض وبدون تدخل بشري تقريبا. سنة دي الي هي 2016 من المفروض ان يوصل حجم استخدام ال programmatic advertising ل 20 مليار دولار!

 

تعريف programmatic advertising:

بيع او شراء مساحات اعلانية بدون تدخل بشري بشكل اوتوماتيكي.

Programmatic advertising بيسمح للناشرين او اصحاب شركات الاعلانات او اصحاب المواقع الكبيرة انهم يبيعوا الاعلانات بتاعتهم عن طريق SSPs او supply side platforms . يبيعوها لشركات الاعلانات وال agencies وال media buyer الي بتشتري الاعلانات دي عن طريق ال DSPs او demand-side platforms وطبعا الموضوع دا بيتم باستخدام ال artificial intelligence technologies.

ولتبسيط الدنيا الموضوع عامل زي سوق الجمعة كدا للاعلانات! ناس عندها مواقع فيها اماكن للاعلانات عرضت علي الناس الي عاوزه تشتري الاعلانات دي في مكان واحد الي هو سوق الجمعة بس الاختلاف ان مفيش ناس بتعمل الموضوع دا بيتم بشكل اتوتوماتيكي الكمبيوتر هو الي بيبيع وبيشتري وطبعا مفيش سوق جمعة بيتقابلوا فيه.

ليه ال programmatic advertising مهم؟

من فترة كانت ال advertising industry قائمة علي فكرة ان الناس الي عندها مساحات اعلانية تجيب شخص ( sales ) يبيعلها الاعلانات دي . او انها تروح لشركة من الشركات الي بتعرف تبيع تبيعلها الاعلانات دي او انها تدي حقوق حصرية لشركة ما هي الي تبيع الاعلانات. فبفرض ان موقع اسمه A من المواقع الكبيرة بايع حقوق الاعلان عليه لشركة اعلانات، وجت شركة C عاوزه تعمل اعلان علي الموقع دا . الي بيحصل هنا ان واحد من شركة C هيروح يكلم موقع A يقوله عاوز اعمل عندك اعلان بيقوله روح كلم شركة الاعلانات الي معانا. فشركة الاعلانات حد من عندها يكلم الشخص الي شركة C ويقعدوا مع بعض ويظبطوا مع بعض وفي الاخر يمضية علي العقد والخ من الصداع الي بالشكل دا.

ايه الي حصل هنا ؟

1- موظف بياخد مرتب كبير جدًا من الشركة مهمته انه يشتري الاعلانات.

2- كلم موظف بياخد مرتب كبير جدًا من الشركة مهمته انه يبيع . + بياخد نسبة من المبيعات دي .

= فلوس كانت الشركات اولي بيها فعلشان كدا عملوا النظام دا علشان يوفروا فلوس اكتر فيرخصوا الاعلانات بشكل اكبر فيكسبوا اكتر .

ايه المختلف هنا ؟

البرنامج اوتوماتيك عارف انك عندك مساحة اعلانية عاوز تبيعها .. فيروح عارضها اوتوماتيك من غير ما انت ما تتدخل .. وشركات الاعلانات الي عاوزه تشتري اعلانات بتكون عندها برنامج برده بيشتري الاعلانات اوتوماتيك . عن طريق platform!

البرنامج بيبيع الاعلان لشركة الاعلانات الي عاوزه تشتري عن طريق ال RTB او Real-time bidding .. فكرة ال bidding متعارف عليها .. وهي عامله زي المزاد الي يدفع اكتر.

وال Real-time bidding عبارة عن مزاد بيحصل علي المساحة الاعلانية دي في ال Real-time ودا طبعا ميزة من مزايا ال programmatic advertising الي هي لو الناس هي الي بتشتري الاعلانات هتشتريها ازاي في الكام ملي ثانية دي ؟.

نخلي بالنا ان ال Real-time bidding مش هو كل ال programmatic advertising هو جزء بسيط منه .. فيه انواع تاني زي:

1- Programmatic Direct . ودا عبارة عن ان البرنامج يشتري من البرنامج بدون مزاد .

2- حاجات تاني ممكن تدور عليها او نتكلم فيها في مقال تاني .

طيب عرفنا مفاهيم ال programmatic advertising:

نيجي نعرف بيحصل ازاي اصلا.

• بفرض ان موقع ما بيستخدم النظام دا, عنده مساحات اعلانية و فيه زائر دخل الموقع . بيتم ارسال البيانات الي يبتم جمعها من ال user الي دخل الصفحة وطبعا بيتبعت ال behavior و ال interest بتاعه وكمان ال context بتاع الصفحة .

• الكلام دا كله يتبعت لشركة ال ad exchange الي فيه امثلة كتير ليها زي مثلا . double google ad exchange المعلومات الي اتبعت دي بيتعمل عليها Real-time bidding شركات كتير لو مهتمه السيرفر يشوف مين فيهم هيدفع اكتر ويظهر الاعلان بتاعه . والكلام دا كله طبعا بيحصل في اجزاء من الثانية علشان كدا كان لازم يبقي programmatic لان لو هيجيبوا موظف يعمل بيد علي كل يوزر يدخل يبقي مصر كلها هتشتغل موظفين في الاعلانات .

Screenshot_35

• اخيرا وليس اخرا فوق كنت كتبت ان لما اليوزر بيدخل بيتبعت البيهيفيور بتاعه والانترستس وكان لازم تسأل نفسك سؤال . بيجيبوا الحاجات دي عني ازاي ومنين

قاعدة عامة: لو لقيت حاجة ببلاش ومش بتدفع فلوس عليها اعرف انك انت اللي بتتباع.

1- فيسبوك ببلاش: يبقي الداتا بتاعتك بتتباع .. ولو مش بشكل مباشر فيسبوك بيستخدمها علشان الاعلانات

2- جوجل بلاش: بيقي الداتا بتاعتك بتتباع .. ولو مش بشكل مباشر برده جوجل بستخدمها علشان الاعلانات .

3- فيه مواقع third party : مهمتها انها تبيع الداتا علشان شركات الاعلانات تشتغل صح.

وزي ما قلنا في البداية ان حجم الانفاق علي ال programmatic advertising هيوصل ل 20 مليار السنة والي كان 14 مليار السنة الي فاتت .. نقدر نقول ان عدد الشركات الي بتشتغل في الموضوع دا في المنطقة العربية تتعد علي صوابع الأيد بس ياترى الفترة الي جايه هنشوف اي جديد هنا ؟

انتظروا الجديد في الجزء القادم.

شارك على فيسبوك
شارك على تويتر
شارك على لينكدإن
+