إزاي تعمل ماركيتنج من التراب؟

337
shares
شارك على فيسبوك
شارك على تويتر
شارك على لينكدإن
+
What's This?

من أكبر و اهم المشاكل اللى بتقابل أى content creator (اللي بيقوم بتحضير المحتوى) هى إنهم مش عارفين يجيبوا content (محتوى) منين !  .. أنا نفسى قبل ما أكتب المقالة دى مكنتش عارف هكتب عن إيه بالظبط. 

مع إن فى الحقيقة فى مصادر كتير نجيب منها content زى ..

1-اننا نسأل الـfans ايه اللى هم مستنينه مننا او محتاجين يعرفوه و ساعتها نقدملهم طبعا أكتر من اللى هم محتاجينه كمان (بس ده طبعاً في أسوء الظروف). 

2-أو نحاول نعرف ايه اللى ممكن يكونوا محتاجينه من غير ما نسألهم و ده يحصل بإننا نحاول نحط نفسنا مكانهم ونسال الاسئلة اللى هم ممكن يسألوها عشان نعرف هم بيفكروا فى ايه. 

3-و ممكن كمان نجيب content (محتوى) من المنافسين competitors و ده من خلال اننا نتكلم فى حاجة هم متكلموش عنها خالص فا نبقى مميزين عنهم ونقدم حاجة الناس مش عارفينها

4-أو ممكن نشوف ايه اللى الـcompetitors اتكلموا فيه و نزود احنا عليه و نقول اللى هم نسيوا يقولوه فى الموضوع اللى اتكلموا فيه و بكده نثبت اننا thought leaders مثلا. 

زى ما انتوا شايفين فى مصادر كتير للمحتوى بس فى مصدر معين مبيخلصش خالص وانا شخصيا بعتبره كنز مبينتهيش!

الكنز ده هو الـ news والـ updates اللى بتحصل حوالينا و ممكن نطلع منها بنك content  .. و ده ببساطة لأن الاخبار بتحصل حوالينا كل ثانية فى منها اللى يخص المجال بتاعنا و ممكن يكون ميخصش المجال بتاعنا خالص بس احنا ممكن نكون نستغله فى المجال بتاعنا

وده من خلال اننا نستخدم طريقة اسمها الـnewsjacking

طب يعنى ايه newsjacking ؟

الـnewsjacking معناه الحرفى هو “اصطياد الاخبار”  .. و المقصود منه استغلال الاخبار و الاحداث اللى بتحصل حوالينا بسرعة لللإستفادة منها فى اننا نعمل real time marketing 

خليك عارف ان الاخبار مبتخلصش .. ولو استفدت منها فى الوقت الصح هتعمل نتيجة مبهرة 

طب ايه هو الوقت الصح ده ؟ 

المرحلة اللى بتقع بين ظهور الخبر و بداية معرفة معلومات كتيرة عنه هى دى المرحلة اللى المفروض تعمل فيها newsjacking بمعنى انك تكون من اوائل الناس اللى يتكلموا عنه بعد ما يحصل على طول ( ويا سلام لو انت اول واحد كمان )

Screenshot_3

طب هو ايه أهمية الـnewsjacking ؟

الناس عموما بيحبوا الاخبار الجديدة اللى لسه نازلة بيحسوا ان الـbrand   واحد منهم كده بيعيش نفس اللى بيعيشوه فى نفس  اللحظة فا بيحبوه و يبقوا مرتبطين بيه جدا وخصوصا لما الـbrand بيربط الخبر بالحاجة اللى هو بيقدمها فا بيحسوا كمان انه brand ذكى و سريع 

فا انت لو استخدمت الـnewsjacking ده بيساعدك انك توصل لناس كتيرة من الـtarget بتاعك و بيخلى ناس كتير يتكلموا عنك لأنك لو عملت newsjacking صح بيبقى نسبة ان الـpost بتاعك يتـviral كبيرة 

وده بالظبط اللى حصل مع صفحة Taskty.com  لما استغلوا الجو المترب اللى احنا فيه لصالح خدمة هم بيقدموها فى البوست ده :

Screenshot_4

اللى عمل الـpost ده هو newsjacker لازم يكونله تحية كبيرة 

وده لأنه قدر يستغل خبر او حدث كبير ويهم كل الناس فى انه يسوق للبراند بتاعه و يخلى ناس كتير يتكلمه عنه و يتفاعله معاه، وده باين من الـengagement العالى على البوست و يمكن تقريبا ده أكتر post عليه engagement فى الـpage. ومش بس كده .. ده الفرق بيبان جدا لما الصفحة نزلت post عن نفس الخدمة  قبل كده كان الـengagement أقل بكتير وده يظهر فى البوست ده:

Screenshot_5

طبعا الفرق بين الـpost ده و الـpost ده باين جدا من ناحية الـengagement و رايح فى صالح البوست اللى معمول بطريقة الـreal time marketing 

حتى الـ likes و الـ reach بتوع الـpage زادوا جدا بسبب الـpost اللى معمول بطريقة الـreal time

بعد ما شوفتوا النتايج دى .. لازم نبقى عارفين ان الافكار البسيطة ممكن تعمل نتايج كبيرة بس احنا ننفذها بذكاء .. 

دلوقتى كلنا بقينا عارفين ازاى ممكن نعمل marketing من التراب اللى فى الجو و العفرة ! 😀 .. قولولى بقى ايه أحسن مثال شوفتوه على الـnewsjacking  قبل كده ؟

شارك على فيسبوك
شارك على تويتر
شارك على لينكدإن
+