لمحتوى بصري من الآخر: 4 أدوات و 4 نصائح ماتفوتهومش

139
shares
شارك على فيسبوك
شارك على تويتر
شارك على لينكدإن
+
What's This?

لو انت بتشتغل في مجال السوشيال ميديا يبقى اكيد عارف اهمية المحتوى البصري لنجاحك و نجاح الفكرة اللي بتمثلها .. وبالتالي أكيد فاهم كمان أهمية ان يكون ضمن الفريق اللى بتشتغل معاه مصمم / مصممين جرافيك مبدعين و شاطرين. طيب ليه ماتكونش انت كمان الديزاينر دا؟ وتعمل التصميم اللي تحبه في الوقت اللي انت عايزه وبوجهة نظرك الخاصة .. ؟

في المقال دا هانتكلم في المقام الاول عن الـ  Online tools اللي ممكن تستخدمها و تسعفك في الشغل بشكل كويس جدا و تعمل بيها تصميمات شكلها احترافي. وهانديك كمان نصائح تخليك تعمل الـ Visual content (محتوى بصري) بتاعك بأفضل صورة ممكنة.

أولاً الـ Tools :

1 – Picmonkey

الموقع دا انا بستخدمه من قديم الأزل من قبل حتى ما اشتغل في السوشيال ميديا ، والحقيقة انه كان ولازال بالنسبة لي كنز على الأنترنت.

image1

مميزاته:

– الموقع بيعتبراسهل المواقع فى عمل الـ collage لكن بيعيبها ان شكلها تقليدي شوية.

– تقدر تضيف تأثيرات مميزة جدا لصورك من عليه.

– تقدر تعدل حجم الصور وابعادها عليه.

– تقدر تعدل فى الصورة نفسها و تضيف بعض تأثيرات المكياج و الإضاءة لو انت مصور/ مصمم مبتدئ وماتقدرش تعمل دا فى الفوتوشوب.

– الموقع بيواكب كل جديد بيحصل في حياة الناس زي دخول المدارس او بداية فصل الصيف او الاعياد و بيضيف كل فترة اختيارات جديدة تناسب الحدث الحالي.

image2

– مؤخرا اضاف تحديث مميزوهو انك تقدر تستخدم عليه اى فونت انت مسطبه على جهازك.

image3

عيوبه: عيبه الوحيد حالياً في وجهة نظري انه مابيدعمش الفونتات للغة العربية.

 

2 – Canva

image4

دا بقى موقع بيقولك هاتبقى مصمم جرافيك .. بالذوق او بالعافية.

مميزاته:

– الموقع موفر Templates لأشهر مواقع السوشيال ميديا بمقاساتها المثالية عشان يوفر عليك وقت ومجهود. يعني لو عايز تصمم cover photo للفايس بوك هاتلاقي، تويتر موجود ، بوست ل pinterest او حتى cover لكيندل وغيرهم كتير.

– تقدر تعمل سيرش على اى حاجة انت عايز تضمنها فى التصميم بتاعك وهو بيطلع لك اختيارات كتيرة تختار منها و تسحبه للتصميم بتاعك وتبدأ تظبط مكانه و مقاساته … الخ

– اختيارات الـ Collage هنا مميزة جدا ومتفردة و لما جربتها لقيتها احلى بكتير من اللي موجودين فى  PicMonkey

– وطبعا الفلاتر و التأثيرات دي حاجة اساسية وهاتلاقي منها كتير مميز و بيخدم تصميمك .

– الموقع بيقولك انك تقدر تبحث على اللى انت عايزه من خلال مليون اختيار لكل حاجة . تخيل عدد الاختيارات اللي قدامك بقى .. ؟

عيوبه: عيبه الوحيد إن الموقع بطئ شوية وانه طبعا برضو مابيدعمش فونتات اللغة العربية.

*دا تصميم عملته في السريع باستخدام الموقع ولأني كنت مزنوقة برضو في الشغل و مافيش فرصة أتواصل مع مصممين احترافيين. الأدوات بسيطة جدا لكن الشكل النهائي بيكون جيد:

image5

3 – Easilly / Infogr.am

– الموقعين دول هم اسهل و افضل موقعين اون لاين لتصميم انفوجرافيك بسيط و فى نفس الوقت يخرج بشكل احترافي و مرضي.

image6.PNG

image7.PNG

– الموقعين مليانين تصميمات جاهزة و عناصر متعددة تقدر تغير فيها بالشكل اللى يرضيك ويخدم الكلام اللي بتقوله.

– موقع  Easilly كمان أطلق خدمة جديدة من ايام وهي خدمة الـ Groups –  واللي تقدر من خلالها تكون جروب وتضيف فيه الناس و تتبادلوا التصميمات اللى عملتوها و الأراء حواليها كمان

مش متأكدة ان الخدمة دي بتقدم شئ جديد اوي او استثنائي لكن ممكن نستنى ونشوف هل هايكون فيها جديد ولا لأ.

4 – Slidly

دا موقع متخصص فى عمل الـ  Slide show وبرضو بمنتهى السهولة

image8.PNG

– بتعمل اكاونت عليه وبتربطه بالفيس بوك مثلا و هو بيبدأ يستورد منه الصور اللي ممكن تكون حابب تضمنها فى السلايد بتاعك او بترفع الصور من جهازك مباشرة .

– الموقع بيوفر لك امكانية الدخول ليوتيوب واختيار اى فيديو موسيقي عشان تكون هي الخلفية الموسيقية للسلايد بتاعك .

– لو انت اخترت ان السلايد بتاعك يكون Public المشتركين في الموقع هايقدروا يشوفوه ويبدوا اعجابهم بيه كمان عن طريق اللايك

– الموقع متوفر كـ mobile application لهواتف الآيفون بس .

image9.PNG

تقدروا تتفرجوا على سلايد انا عملته كتجربة للموقع من هنا


ثانياً النصائح:

– كل الناس بتقول ان المحتوى البصر و تحديدا الصور هي اللي بتجيب التفاعل الأكبر على السوشيال ميديا . بس مش معنى كدا انك تحط اى صورة وخلاص. فيه حاجة دلوقت مجتاحة العالم اسمها انستجرام ودا مش بس لسهولة استخدامه لكن كمان بسبب الفلاتر المميزة اللي انستجرام بيوفرها للكل و بتخلي كل صورة بروح مختلفة ودي حاجات ماكنش حد بيعرف يعملها الا بالفوتوشوب و انستجرام فجأة وفرها للكل. عشان كدا انت لازم تستخدم انستجرام بشكل او بآخر. وبرضو مش اى استخدام .. شخصن المنتج اللى انت بتمثله او ادمجه فى حياة الناس اليومية وشوف لو كان حد عادي هايدمج المنتج دا في صوره اليومية هايكون ازاي .. واعمل كدا في الصور اللي هاتنزلها على انستجرام. (يعني كوكاكولا مثلاً عبارة عن شخص فرحان طول الوقت وبيحب الفرحة .. يبقى الصور اللي هاينزلها كلها بتعبر عن الفرحة والضحكة والسعادة .. وتخليك تحس معاه انه مبسوط وفرحان – إنت بقى البراند بتاعك مين شخصيته؟)

– انقل الصور أم فلاتر وشكل حلو دي لفيس بوك .. هاتجذب شريحة جمهور لا بأس به وهايحبوا يدخلوا صفحتك مخصوص عشان الصور المميزة دي .. و من هنا ممكن تبدأ تقنعهم باللى بتقدمه.

– استخدم الانفوجراف كتير .. الشكل دا من التصميميات مميز جدا. لو انت بتقدم معلومات تقيلة و كتيرة للناس ليه تكتبها فى مقال او تقرير لما ممكن تجمعها بشكل ذكي و مختصر و جذاب في تصميم واحد. أفضل مكان تحط عليه الانفوجراف كامل هو موقع: Pinterest

*ابعد تماما عن انك تحط الانفوجراف على فيسبوك وخاصة لو كان طويل لان فيس بوك هايـ Shrink it  و هايضيع ملامحه تماماً .

– إدي مساحة للصورة الاصلية إنها تظهر اكتر و قلل المساحة اللي بيشغلها الـ text عليها. دا هايجذب عين الفانز اكتر و هايخليهم يهتموا بالبوست و مايحسوش انك بتحاول تبيع لهم و خلاص ، واهتمامهم دا بينعكس على اهتمامهم بانهم يقرأوا المكتوب على الصورة او يبصوا على اللوجو بتاع البراند او يدخلوا الصفحة يفهموا اكتر ايه الموضوع.

– الريتش اللى ممكن توصل له لو رفعت الفيديو على صفحة الفيس بوك مباشرة اعلى بكتير من اللي ممكن توصل له لو رفعت الفيديو على يوتيوب و بعدين عملت شير للينك على فيس بوك.

أتمنى يكون الموضوع أفادكم 🙂

شارك على فيسبوك
شارك على تويتر
شارك على لينكدإن
+