أهلًا بكم في إعلانجي بشكله الجديد

شارك على فيسبوك
شارك على تويتر
شارك على لينكدإن
+

أهلاً بيكم في إعلانجي بشكله الجديد. الموضوع بسيط أوي على فكرة .. اتفضلوا معانا!

21 شهر .. اتعودتوا مننا خلالهم  إننا الواجهة اللي بتلاقوا فيها محتوى أصلي Original Content من العيار التقيل Rich Content في شكل مقالات وتقارير وآراء  في مجال التسويق والدعاية في فروعها المختلفة على قد ما نقدر وتغطية لحملات إعلانية برة أو جوا مصر. كمان حاولنا على قدر الإمكان إننا نشارك معاكم قوائم كتب عشان تعرفوا أكتر، أدوات عشان تشتغلوا أحسن، وإعلانات عشان نلهمكم بأفكار أفضل.

ومن أجل تجربة أفضل لكل قرّاءنا وانطلاقاً برضه من رؤيتنا لنفسنا خلال ال5 سنين الجاية؛ قررنا نعمل في اللحظة ديه rebranding كامل لهوية البراند بتاعنا بما فيه تغيير اللوجو والألوان وكمان ديزاين الموقع عشان يكون: سنّه أصغر، حيوي أكتر، بسيط أكتر، ملهم أكتر، يعرض محتوى أكتر في مساحة أقل، يكون إجتماعي أكتر socially، وكمان يبقى friendly أكتر على الموبايل، ومتفاعل أكتر interactive. 

كل ده كان ممكن يقف عند مستوى الويب-ديزاين وبس، وممكن نحتفظ باللوجو والهوية القدية، اللي كان التاج-لاين بتاعها: “إثراء المحتوى العربي الإعلاني” ، لكن الخطوة ديه جاية لأن الهوية القديمة شكلت على مدار الشهور اللي فاتت  صورة مش دقيقة/ مش كاملة عن البراند بتاعنا وهي إن نقطة قوتنا الأساسية في إننا محتوى “عربي” وبس، بينما هويتنا الحقيقة زي ما فريقنا شايفها، وهي بتمثل القيمة المضافة اللي بنقدمها للمستخدمين هي: “أفضل الخبرات Best Practices” مع “تبسيط المعرفة Simplifying Knowledge” أكتر من كون المحتوى نفسه يبقى “عربي”. يعني “العربي” جزء من كل، وإثراء المحتوى العربي جزء من الهدف لكنه مش الهدف الأساسي Core Purpose. وده معناه إننا ممكن نفتح من بكرة نسخة بأي لغة إن شاء الله “صيني” طالما المستخدمين بتوعنا بيقروا بيها، لكن تظل الهوية الأساسية core identity هي في وصفة المحتوى نفسه اللي بتجمع بين الخبرة المجرّبة اللي بينقلها بلوجرز إعلانجي نتيجة لممارساتهم وشغلهم بإيديهم وبين البساطة في نقل المعرفة بشكل تفاعلي وممتع مش ممل من خلال لغة بين الفصحى والعامية وبتشتمل على أدوات تفاعلية داخل المحتوى عشان تخليه محبب للقاريء وفي نفس الوقت متكسرش قيمته العلمية. وليس في “اللغة” التي لا تعتبر عائق لتوسّعنا وإنما مجرد إمتداد لهويتنا extended identity.

ممكن طبعاً نتناقش في النقطة ديه كتير، وممكن نختلف، لكن الحقيقة في النهاية إن الهوية اللي احنا بنمثلها “المستقبل” أكبر من الصورة اللي اتخلقت عندك كمستخدم نتيجة “الماضي”  .. وإحنا كفريق وكمؤسسين للبراند شايفين نفسنا كدة، وشايفين النقطة اللي بننافس بيها كدة .. ولهذا خلينا الهوية بشكلها الجديد تعبّر عن المعنيين: التقل والبساطة في نفس الوقت، و قررنا نغيّر التاجلاين بتاعنا إلى: Simplifying Best Practices تبسيط أفضل الخبرات، ويبقى الشعار slogan بتاعنا في 2016 هو: Knowledge is priceless المعرفة لا تقدّر بثمن، لأن فعلاً المعرفة لا تقدّر بثمن، ونقل المعرفة ومشاركتها للآخرين قيمة أغلى من أي شيء ولا يمكن تقديرها غير بالإمتنان والإحترام اللي بنكنه كفريق لكل شخص اتعلمنا منه ولو معلومة صغيرة نوّرت لينا الدنيا أكتر، ولأن المعرفة مالهاش حدود، فنقل المعرفة برضه مالهوش نهاية.

e3langicover

وكعادتنا كل شهر 4 ، كنا سعداء بتجربة أحمد سمير كرئيس للتحرير السنة اللي فاتت، واللي بيها والنهاردة يعود أحمد لمدرجات البلوجرز ويتقدم أحمد خالد  لرئاسة تحرير إعلانجي من الآن وحتى شهر إبريل 2017، ونأمل إن أحمد يتعلّم من التجربة ديه مهارات جديدة تفيده في كتابة محتوى sharable أكتر، ويثري المحتوى على الموقع زي ما فعل أحمد سمير وأكتر.

الكلام كتير، لكن حاولت أختصره على قدر الإمكان وهايبقى في فرص أكتر في المستقبل إننا نتكلم عنه أكتر، يحضرني هنا في المقام الأول والأخير إني أتقدم بالشكر نيابة عن موقع إعلانجي لكل من:

1- متابعينا وقراءنا: لأن لولاكم ماكانش المشروع ده نجح في خطواته الأولى ومكمل في خطواته الجاية.

2- ماجد مرسي: الفنان صاحب فكرة وتنفيذ عملية ال rebranding.

3-كريم عيسى: الفنان العظيم صاحب الأنيماشن GIF واللي انضم حديثاً للفريق.

4- فريق البلوجرز على إعلانجي: أحمد سمير – أحمد خالد – أحمد عبد السلام – أحمد سالم – معاذ شهاب – مصطفى فتحي – مي فتحي – أحمد النجار – ماجد مرسي – محمد عادل – هيثم إبراهيم – أحمد جبريل – محمد حافظ – فاطمة السيد – أحمد فاضل – كريم سمارة.

5- شركة منبع: على إستضافتها للموقع وخدماتها المتفانية ودعمها التقني الدائم لينا.

6- شركة NerdsArena: المبدعين اللي عملوا الويب-ديزاين والتطوير الجديد لموقع إعلانجي.

7- Digital Boom: شريكنا الجديد واللي هانعلن تفاصيل تعاوننا سوا قريباً.

شكراً ليكم جميعاً، ونتمنى لكم تجربة أفضل مع إعلانجي الجديد. هايظهرلكم إستطلاع رأي على الموقع خلال الاسبوع ده أتمنى تشاركونا فيه تعليقاتكم على الشكل الجديد.

شارك على فيسبوك
شارك على تويتر
شارك على لينكدإن
+