جميع تحديثات Instagram لعام 2016

شارك على فيسبوك
شارك على تويتر
شارك على لينكدإن
+

سنة 2016 كانت سنة مختلفة مليانة بأحداث وتغييرات كتيرة وكمان التغيرات والأحداث دي انعكست على الSocial Media بشكل عام وعلى Instagram بشكل خاص واللى شهد تحول جذري في السنة دي. 2016  هي كانت سنة انطلاق Instagram وزيادة عدد المُستخدمين إلي 500 مليون مُستخدم نشط شهرياً وأغلبنا كان مستغرب جداً لما لاقينا Instagram  بيقلد Features كتيرة موجودة في Snapchat، لكن بصراحة الراجل مارك مأثرش في الأول عرض على Snapchat  إنه يشتريه بس هو رفض وفتها مارك قال

” If I cannot buy it, I will make it ” 😀

 وهنا بدأت المعركة وعمل stories  و الــ Features اللي هنتكلم عنها :

snapchat-vs-instagram-1024-535

  • خاصية القصص (Stories) عملت ضجة كبيرة وهي عبارة عن إنك تقدر تشوف الصور في شكل Slideshow والمتابعين ليك يقدروا يشوفها ولكن بتختفي بعد ما يمر عليها  24 ساعة وتقدر تضيف رسومات وتكتب على الصور وتحط Emotions وتلون الــ Text  وتقدر تحفظها على الموبايل أو تشيلها نهائي وتقدر تحدد مين اللي يشوف الــ Stories ، هتلاقيها موجودة في أيفون أعلى الزواية اليسرى، الــ stories على Instagram  سهلة في الاستخدام. انك تقدر تغير في ال slide ذهاباً وإياباً بشكل بسيط ولكن الميزة دي مش موجودة في سناب شات ، مش هتقدروا تعملوا تعليقات  ولا لايك على stories  زي سناب شات .

  • خاصية الــ stickers هتلاقي زرار جديد عليه “Smiley face” أعلى يمين الشاشة ولما تضغط على الزرار هتفتح قائمة مُحددة من الــ Stickers تصميمها على حسب حالة الطقس والوقت الحالي والمكان وتقدر تضيفها على الصور أو مقاطع الفيديو .

  • لو حد عمل سكرين شوت من المحتوى الخاص بيك بيبعتلك رسالة كوسيلة للحفاظ على انها منصة آمنة .

  • من الـ Features اللي استنسخها انستجرام هي أن الرسائل، الصور، الفيديوهات بتظهر ليك مرة واحدة لما بيجليك بيها Notification   وبعد ما تفتحها تختفي .

  • الميزة اللي تخلي Instagram  مُرشح أقوى للنجاح من Snapchat هي  Explore Tab فهو بيساعد على اكتشاف المزيد من الأخبار، يساعد آلاف الناس على اكتشاف محتوى جديد وعمل Follow  لأكونتات جديدة كل يوم  ويرشح Stories  بناءً على الهاش تاج اللي بتستخدمها، المواضيع والصور اللي بتابعها وتعمل عليها لايك وعشان يزود من  recommendations  الـ Stories بياخد بياناتك وتفاعلك على الفيسبوك وده على عكس Snapchat مش بيرشح ليك أي محتوى جديد ودي خاصية مُهمة لأننا “نعيش لنكتشف” .

instagram-android-7-0

وبعد ميزة الــ Stories  أضاف Instagram ميزتين على الفيديو :

Zoom While Recording Video وهي انك تقدر تعمل zoom على الفيديو وانت بتسجل، كل اللي تعمله هو التسجيل بالموبايل من أعلى لأسفل ، لتكبير أو تصغير أي شخص ودي ميزة مكنتش موجودة قبل كده ولكنها كانت متاحة على Snapchat  وده السبب إن مارك اخدها وضافها لInstagram.


Switch between front and back Cameras التبديل الأمامي والخلفي للكاميرا وهي إنك تقدر تبدل الكاميرا للأمام أو الخلف وأنت بتصور الفيديو عن طريق الضغط مرتين على الشاشة أثناء التسجيل وأيضاَ الخاصية دي موجودة على سناب شات من أكتر من سنة.
b5jhm7riaaap5h9

Instagram مكتفاش بالــ Features  اللي اخدها من Snapchat هو كمان أخد من الفيسبوك المُميزات اللي هنتكلم عنها :

  • تقدر تعمل Save للبوست أو الفيديو اللي عجبك ، هتلاقي العلامة دي  تحت البوست أو الفيديو وهتلاقي كل البوستات اللي عاملها Saved موجودة في ايفون لما تدخل على البروفايل الخاص بيك ومحدش يقدر يشوفها غيرك والخاصية دي مُفيدة جداً للمسوقين في إنها تعتبر سلة للتسوق.

  • خاصية البث المباشر على الهواء ودي من الخصائص الرئيسية المُميزة من الفيسبوك لايف.

  • تقدر تعمل Like على التعليق من خلال رمز <3  والخاصية دي مُفيدة جداً لو كان بروفايل شخصي هتساعدك لبناء Community  ولو براند هتكون ايجابية جداً للجمهور وتشجعهم على شراء مُنتج لما يشوفوا رأي عميل والناس بتدعم الرأي من خلال اللايك .

  • خاصية Shop Now من خلال عرض الصور على انستجرام والضغط على زرار “تسوق الآن” تقدر توجه المستهلكين إلي موقعك للحصول على معلومات أكتر عن المنتج .

  • تقدر تعمل Mention لشخص مؤثر على السوشيال ميديا (influencer) من خلال Stories  وده هيفيدك للترويج وزيادة نسبة المشاهدة ، شكل @Mention  بتتعمل في Stories  زي ما بتتكتب في التعليق وبيجلك بيها Notification  ودي زي Tag  اللي على الفيسبوك.

  • See More Links : موجودة أسفل الــ Stories عشان تشوف معلومات أكتر عن الأكونت وهو مُطبق على الأكونتات الموثوق فيها  ودي مُشابهة لــ See More اللي موجودة على الفيسبوك لما يكون البوست طويل.

  • (Verified accounts) يعني عليها العلامة الزرقة وهي تعني أن الحساب مُوثق وقريباً هتكون موجودة على الحسابات الشخصية.

  • Carousel ads وهي إنك تقدر تضيف أكتر من فيديو ويكون مدته 60 ثانية ويظهر في شكل Carousel Ads كبوست واحد على Instagram وتكون تكلفته لكل الف ظهور اي cost per thousand impressions  تقدر تدمج ما بين الصور الثابتة والفيديو الحد الأدنى لها 3 والحد الأقصى بس 5

  • ممكن لجميع المستخدمين الآن تقرر كلمات مُعينة لما الجمهور يكتبها تختفي تلقائياً وده من Setting الجزء الخاص بىComments هتلاقي hide inappropriate comments بالإضافة إلي انك تقدر تمسح تعليق أو تعمل تقرير للتعليقات الغير مُناسبة أو تعمل Block لأكونت .

  • Save Draft بيسمحلك بحفظ كل التغيرات والتعديلات اللي عملتها على الصور وتفاصيل المكان من غير نشرها وعشان توصلها تعمل Back  لأي مرحلة من مراحل Photo editing

  • بعد زيادة عدد المُستخدمين لــ 500 مليون مستخدم شهرياً ده معناه أن في منهم 80% مش أجانب وبلغات مختلفة عن الانجليزي فبالتالي أعلنت انستجرام انها تخطط لإضافة خاصية الترجمة الآلية قريب جداً هتلاقي زرار الترجمة موجود على Stories وعلي Bio بلغتك .

  •  Analytical Tools بتظهر بس على البيزنيس بروفايل وهتلاقيها في على يمين الابليكيشن “chart icon “و دي بتوفر ليك Demographics، Insights ، Top Posts

  • من التحديثات اللى اتضافت  تاريخ نشر الصورة أو الفيديو بس بدون تحديد التوقيت اللي انتشرت فيه الصورة .

    البروفايل البيزنيس زي البروفايل الشخصي ولكنه مُتطور بيكون موجود فيه زرار اسمه contact جنب زرار Follow/Following  ولما تضغط على Contactبيطلب منك ان تضيف  البريد الإلكتروني، أرقام تواصل، خريطة بالمكان (Get Direction) .


  • بعد نجاح الاعلانات المدفوعة على Facebook وأثبتت قوتها وترويج المنتجات للجمهور المناسب في الوقت المناسب بعد ما شارك فيه أكتر من 2.5 مليار منُتج ، قرر الفيسبوك أن ده الوقت المناسب لامتداد الإعلانات إلي Instagram .

  • تقدر تشوف عدد مرات مشاهدات الفيديو وتقدر تشوف مين اللي عمل لايك

  • Instagram بتخطط ايضاً انها تحط وصف للشركة تحت الإسم التجاري لها وده بيشبه الي حد كبير شكل صفحاتFacebook .

دي كانت تقريباً أغلب الــ Features  ولكن برده Instagram مكتفاش بكل ده وقدم Features  تانية زي :

instagram-enabled-multiple-account-switch-for-pro-users

  • تقدر تعمل switch بين أكتر من حساب  بدون دخول وخروج طول الوقت والحد الأقصى هو 5 حسابات فقط

  • Boomerang Clips: Boomerang دي أبليكشن مُنفصلة عن Instagram وموجودة من سنة ولكن ملهاش شعبية كبيرة ، بتعمل
    فيديو لمدة ثانية واحدة أو من خلال صور مُتعددة بيعمل الفيديو (إعادة المشهد بشكل متواصل) اتعمل تحديث للإبليكشن اسمه Boomerang Clips من خلال الــ stories بتظهر ليك وده بيكون مُمتع للمسوقين في خلق أفكار جديدة ومُمتعة


  • خاصية Hands Free video mode وهي أنك تسجل الفيديو من غير ما تفضل طول الفيديو دايس على الزرار عشان تكمل الفيديو في الآخر .

  • ممكن تقفل الـComments على البوست قبل ما تنزله من خلال Advanced Setting  واختار Turn off commenting  وبكده تمنع أي شخص يعمل تعليق على البوست ولو غيرت رأيك تقدر ترجع للقائمة وتعمل Turn on comments  .

  • انستجرام بيعرض ليك محتوى أكتر من خلال Tab جديدة إسمها Picked for You يعني اختارنا لك ودي موجودة من ضمن Explorer Tab ومن خلالها بيختار ليك فيديو مخصوص بناءً على تفاعلك ومشاركاتك واهتماماتك وده بيركز بس على الفيديو و بيثبت أيضاً ان وجود الفيديو على Instagram في نمو كبير ونمى بنسبة 150% في خلال 6 شهور.

  • من التحديثات اللي قدمها لينا انستجرام هو إن بيكون في على سطح الفيديو action زي مثلاً Go To Website  أو   Got To App Store  يخلي المستخدم ياخد Action  لما يشوف الإعلان لزيادة التفاعل ولما عملوا Test  كانت النتائج مُشجعة لتنفيذ التحديث وزاد التفاعل بنسبة  80%

الخـــــــــــــــــــــــــــلاصة :

انستجرام = فيسبوك + سناب شات وكمان أضاف Features  أكتر ولسة هيطور أكتر وأكتر هل Instagram هيتفوق على Snapchat في 2017 ولا Snapchat هيفاجئنا كالعادة ده اللى هنتابعه ان شاء الله في 2017.

المصدر : wersm.com

 

شارك على فيسبوك
شارك على تويتر
شارك على لينكدإن
+