دليل إعلانجي الكامل لاستخدام Google Analytics (الجزء الأول)

33
shares
شارك على فيسبوك
شارك على تويتر
شارك على لينكدإن
+
What's This?

ازاي تقدر تنشيء GA goals وفقًا لهدف منتجك الرقمي؟

اتحكالك في شغل الديجيتال ماركيتنج عن أهمية انك ” تقيس ” نتيجة شغلك؟ ولو معرفتش اللي أنت بتعملوا نتيجته ايه هتلف في دايرة مقفولة؟ بتفكر وتخطط علشان تنفذ وتراقب نتيجة مجهودك وتعدّل وتشتغل تاني وتقيس تاني؟ لو بتشتغل سوشيال ميديا، أو حملات مدفوعة، أو SEO، أو Email marketing، أوSMS، أو أي قناة ديجيتال ماركيتنج يبقي لازم تقيس علشان تحسن كفائه خطوتك الجاية. من هنا تيجي أهمية ال digital analytics وقدرتها على دعم اتخاذ القرارات التسويقية ببيانات أقرب إلى صواب منها إلي الخطأ بشكل احترافي،  وطبعًا Google Analytics  يحتل الصدارة وكذلك أهمية معرفتك بيه وكيفية استخدامه بدماغ متكلفة.

عايز تعرف ايه أهم صفحات موقعك، أو أكتر دولة بيدخلك منها زائرين، أو أي digital marketing channel بتدخل أكبر عدد زائرين؟ أيًا كان نوعية البيانات اللي أنت محتاج تعرفها لموقعك أو تطبيقك ف Google analytics هيساعدك كتير.

Google Analytics أداه زي أي أداه تحليل .. ممكن تستخدمه استخدام هاوي أو استخدام محترف، والغرض من المقال ده انه يعلمك ازاي تستخدم GA بشكل فعال وصحيح زي ما هو مقترح من Google لأن المساعدة اللي ممكن يقدمهالك GA اقوي بكثير من ما أنت تتخيل! وأنا في الحقيقة مفترض معرفتك بالأساسيات زي كيفية وضع الكود في منتجك الرقمي علشان تبتدي تشوف بيانات وأهم المصطلحات (Dimensions and metrics) الموجودة في تقارير GA.

لوعندك منتج رقمي بتشتغل عليه (موقع او تطبيق موبايل)  لازم يبقي عندك Google Analytics خاصة انه Free (في نسخة مدفوعة بس في الأغلب مش هتحتاجها)  علشان تشوف طبيعة تفاعل المستخدمين مع المنتج وتحسن منه. بس في الأول محتاج  تجاوب على شوية أسئلة:

1:  ايه الأهداف اللي منتجك الرقمي بيسعى لتحقيقها

2:  مين الفئة اللي بيستهدفها

3: ايه أهم مؤشرات الأداء اللي لازم تقيسها

4: ايه نوعية التعديلات اللي يهمك تطبيقها على البيانات قبل ظهورها في تقارير GA

5: مين الأشخاص اللي هتشارك معاهم تقارير GA وايه اللي انت محتاجهم يشوفوه

لما تجاوب سؤال الهدف من وجود منتجك الرقمي هتقدر تحط  GA goals تساعدك تعرف نسبة تحقيق الأهداف من قِبل زوار منتجك وكمان تعرف اكتر عن تفاعل المستخدمين اللي بيحققوا الأهداف. الأهداف في Google analytics  ليها 4 أنواع:

1- أولهم أهداف لقياس مدة تفاعل مستخدمي الموقع (يعني مثلًا لو أكتر من دقيقتين يتحسب conversion) وتسمى duration goals.
2- أو أهداف لقياس وصول المستخدمين لصفحة معينة ليها دلالة معينة عندك (زي الوصول لصفحة thank you بعد التسجيل)  وتسمى destination goals.
3- أو أهداف لقياس عدد الصفحات اللي شافها مستخدم في ال session (يعني مثلًا أكتر من 10 صفحات في المرة يبقي conversion) وتسمى pages/screens per session goal.
4- أهداف لقياس حدوث فعل معين زي مشاهدة فيديو وتسمى event goals.

نصيحة…لو مش عارف أهداف البيزنس بتاعك ممكن تتحاور مع المسئولين أو الإدارة علشان تفهم اكتر!

أنا عن نقسي أكتر نوع استخدمتوا  وأنا شغال على موقع الأضواء هو ال destination goals  اللي كنت من خلاله بقيس عدد الناس اللي بتسجل في الموقع. طيب…هو ايه المشكلة لو أنت معملتش setup للأهداف في GA. ايه المشكلة يعني! المشكلة ان ده مش منطقي لان أكيد موقعك أو تطبيقك ليه هدف! عايز من الناس اللي بتزور المنتج ايه؟ يسجلوا؟ يتفرجوا على حاجة في الموقع؟ يحملوا ملف معين؟ يشوفوا صفحة معينة؟ أكيد في هدف وده معناه اكيد انت محتاج تقيس نسبة تحقيق الهدف…بس كدة.

أنت ممكن تبقي اهداف البيزنس بتاعك الأساسية ملهاش علاقة بالمنتج الرقمي بتاعك بس ممكن تحط micro goals يكون ليها دلالة للهدف الأساسي زي مثلًا انك تقيس كام واحد راح لصفحة عنوان المحل بتاعك وأنت هدفك الأساسي ان الناس تزور المحل.

طيب تعالى مع بعض نشوف ازاي تعمل setup for a destination goal in in GA بالصور:

أول حاجة هتخش على Admin وهيظهرلك المنظر ده. دوس على Goals

image001

ظاهر هنا goals موجودة بالفعل علشان انا عملت creation ليهم. هتدوس على +New Goal

 image002

بعد كدة هيطلب منك تحديد طبيعة الهدف المطلوب من المستخدم. لو حاجة من دول إختار، ولو لا اختار custom

 

 image003

 

الخطوة التالية هتختار فيها نوع الهدف نفسه. مكتوب الأنواع الأربعة اللي كلمتك عنهم. هنختار منهم في المثل ده ال destination goals وهندوس Continue

image004

في ال goal details هتكتب اللينك اللي وصول المستخدم اليه هيتحسب goal. ممكن تخلي اللينك محدد عن طريق اختيار equals to، أو غير محددة عن طريق اختبار begins with. في حالة equals to لازم يكون اللينك اللي المستخدم يوصله مطابق بالحرف للينك اللي أنت مدخله، وعلشان كدة أنصحك تتأكد من اللينك كويس. لو Begins with يعني أنت لو كاتب .alaladwaa.com/thankyou.html وفي لينك تاني في موقعك عنوانه .aladwaa.com/thankyou.aspx  هيتم احتسابه كهدف تم تحقيقة. بعد كدة هتدوس save وتبقي أنشأت أول هدف في GA

image005

ملحوظة هنا:
هتلاقي في حاجة اسمها Value وحاجة اسمها funnel ودول اختياريين زي ماهو موضح. ال value معناها ان كل هدف يبقي ليه قيمة مادية يساويها. يعني مثلًا قيمة تسجيل المستخدم في موقع الأضواء تساوي عندي (وفقًا لحساباتي) جنية. هحولها للدولار وهحط  رقم. ايه فائدة ده؟ في أي تقرير هتلاقي جنب العمود اللي فيه عدد الأهداف المحققة هتلاقي عمود ثاني اسمه Goal value هيتم حساب فيه القيمة المادية للأهداف وفقًا للمبلغ اللي أنت حددته للهدف الواحد.

ثاني حاجة اسمها Funnel اللي بتحدد فيها المسار اللي أنت عايز المستخدم يمشي فيه علشان يوصل لل destination url اللي يؤكد تحقيق هدفك. يعني مثلًا المستخدم بيخش على الصفحة الرئيسية، وبعدين صفحة تسجيل الحساب، وبعدين إنشاء الحساب، وبعدين تأكيد إنشاء الحساب، وبعدين صفحة البيانات الشخصية. ممكن تخلي ال funnel دي إجبارية لقياس هدفك، يعني لو المستخدم وصل لل destination url بتسلسل مختلف الهدف ميتحسبش، أو ممكن تخليها اختيارية.

وزي ما باين هنا. ده الشكل لما تحدد القيمة للهدف وتختار تسلسل funnel معين مثلًا:

image006

وبكدة تبقي أنت زي ما قولنا أنشأت أول هدف ليك. هتلاقي كل تقارير GA فيها جزء في الأخر على اليمين اسمه conversions اللي هيظهر فيه بيانات وفقًا للأهداف:

image007

بكدة نكون خلصنا الجزء الأول .. وفي المقالات القادمة هنجاوب على بقية الأسئلة المطروحة.

شارك على فيسبوك
شارك على تويتر
شارك على لينكدإن
+