دليل إعلانجي الكامل لاستخدام Google Analytics (الجزء االثاني)

شارك على فيسبوك
شارك على تويتر
شارك على لينكدإن
+

اتكلمنا  في المقال اللي فات (الأول) عن أهمية Google Analytics كأداه رائدة في ال digital analytics، وأهمية تحديد أهداف منتجك الرقمي، وأنواع الأهداف، وكيفية إنشائها بإستخدام GA. تحديد الأهداف وتظبيط ال setup بتاعها كان البداية.

طيب لو احنا عرفنا محتاجين زوار الموقع او التطبيق  يحققوا هدف ايه من خلال زيارتهم،  مثلًا انهم يسجلوا حساب جديد أو يشتروا حاجة، السؤال التاني مين بقي اللي المفروض أصلًا يسجل أو يشتري؟ هل كل زوار منتجك الرقمي هما دول اللي أنت بتستهدفهم للتسجيل (ده مش منطقي لو أنت قولت اه!)، ولا محتاجين نعمل عملية فصل علشان نركز على الشريحة المستهدفة اللي أنت المفروض عارفها مسبقًا؟

 خليني أضرب المثل بشغلي حاليًا مع عميل من UK:  موقع Ecommerce متخصص في مختلف أنواع الإضائات. الموقع في الأساس بيستهدف عملاء في المملكة المتحدة (لأنه مش بيوصل خارج نطاقها) عمرهم بيتراوح من 35-65، وأغلبيتهم رجال. طالما أنا عارف مين الشريحة المستهدفه يبقي ده هيساعدني أعرف أنا محتاج أكوّن segment على أساس ايه.

يهمني أشوف الشريحة دي أخبارها ايه في تحقيق الأهداف. كام واحد منهم بيشتري وبيشتري بكام مثلًا؟ مش منطقي اني اكوّن شريحة لبنات من 18-24 من أمريكا واتابع أدائها عن قرب—هما أصلًا لو في زوار بالخصائص دي عندي في الموقع اللي أنا واخده كمثال، فايه السبب؟ وهبقي عايز اشوف ادائهم ليه؟

ملحوظة: أنا ممكن أكون راسم تخيل لشريحتي المستهدفة، والاقي ناس تانية بتحقق أهدافي. ممكن أكون مركز على الرجالة، والاقي الستات بيتفاعلوا أكتر، وممكن أكون مركز على London والاقي Edinburgh أحسن.. ده وارد وده بنتعلموا من المتابعة الدايمة…بس ده لا يتعارض مع الكلام اللي احنا بنقوله.  

طيب هي الشرائح/segments في GA بتتكون على أساس ايه؟

أنت ممكن تقسم البيانات لشرائح حسب حاجة من دول أو ميكس من كذا حاجة مع بعض:

  • Demographics (Age, gender, language, etc.)
  • Technology (Operating system, browser, device category, etc)
  • Behavior (No. of sessions, session duration, days since last session, etc.)
  • Date of first session
  • Traffic sources (Social, referral, organic/paid search, email, etc.)

GA بيسهل عليك وبيقدملك predefined/system segments ممكن تستخدمها على طول زي شريحة الناس اللي بتتصفح من الموبايل لوحدها او ال new or returning users لوحدهم. والخيار التاني أنك أنت اللي تبني الشريحة بشكل يدوي حسب اللي انت محتاجه.

  أنا عن نفسي من أكتر ال segments اللي استخدمتها كانت ال converters and non-converters segments. يعني بروح ل GA واقوله بعد اذنك افصلي اداء الناس المسجلة في الموقع لوحدها، والناس اللي مش مسجلة لوحدها علشان أشوف في أي تقرير -مثلًا- ده عمل كام جلسة  ( ال sessions) وده وعمل كام جلسة، وده بيشوف كام صفحة وده بيشوف كام صفحة، الخ.

ملحوظة: ال converters/non-converters segments مش  متاحة غير لو أنت حاطط أهداف. معظم ال segments التانية ممكن تستخدم بدون إنشاء أهداف عادي.

تعالى نشوف مع بعض فرق شكل البيانات في أحد تقارير GA من غير استخدام segments وبإستخدام ال segments:

في شكل التقرير الأول أنت شايف عدد الزوار والجلسات اللي اتعملت من مصر وعلشان انا حاطط goal فأنت شايف عدد الناس اللي سجلوا مثلًا من مصر. حلو؟

image001

بص في شكل التقرير نفسه بعد لما قسمت البيانات بالمسجلين وغير المسجلين.  دلوقتي انت شايف المسجلين عاملين كام جلسة وكام زيارة ومتوسط وقت الجلسة الخ،  ونفس الكلام ينطبق على شريحة الغير مسجلين. هي دي ميزة ال segments.

image002

GA بيديك بيانات خام ولازم التعديلات اللي تدخلها عليه تكون حسب فهمك لمنتجك واهدافة وفتئه المستهدفه وكل ما يتعلق بوجودة.

تعالى نشوف مع بعض ازاي نقدر نختار segment معين سواء موجود جاهز او هنعمله احنا بشكل  يدوي.

أول حاجة هتدوس على + Add segment الموجودة فوق في أي تقريرأنت فاتحه (أو من ال admin)

image003

هتلاقي قدامك كل ال segments المتاحة. دوس على system لو عايز تشوف ال predefined لوحدهم و custom لو عايز تشوف اللي انت عملتهم لوحدهم. ممكن تختار ايًا من ال segments الجاهزة قدامك وتدوس Apply. ولو عايز تعمل custom segment جديد دوس على الزرار الأحمر + New segment

image004

 

ملحوظة: أنت ممكن تقارن 4 segments مع يعض بحد أقصى في أي تقرير

 هنا بقى هتلاقي كل الأبعاد اللي ممكن بيها تبني custom segment. أنا هنا مثلًا دوست على Technology وحددت اني عايز شريحة المستخدمين اللي بتستخدم Windows 7 ومتصقح Chrome ودوست Save. وزي ما أنت شايف على الشمال GA بيقولك دول يمثلوا كام session وكام user من الإجمالي.

image005

 بعد اضافة الشريحة هتلاقي بيانات كل التقارير متقسمة وفقًا للشرائح زي ما وريتك في الأول خالص التقرير الخاص بالدول كمثال.

في كلام أكتر ممكن يتقال في جزء ال segments، بس كبداية ده اللي أنت محتاج تعرفه. هنجاوب على السؤال الثالث ان شاء الله في المقال الجاي 🙂

شارك على فيسبوك
شارك على تويتر
شارك على لينكدإن
+