كيف تسبب بوست مصري على فيسبوك في اغلاق أحد فروع جولدز جيم؟

7
shares
شارك على فيسبوك
شارك على تويتر
شارك على لينكدإن
+
What's This?

“بوست ع الفيس ممكن يقفل الشركة” !

امبارح صفحة Gold’s Gym DreamLand (أحد الفرانشايزس لـ Gold’s Gym في مصر) نزلوا البوست ده على فيسبوك:
(ترجمته بالعربي -فيما معناه-: “ان ده مش شكل يليق ببنت”)
البوست يحمل سخرية وهجوم واضحين على البنات اللي وزنهم زائد ، مما أدى إلى هجوم كبير جدًا على تويتر وفيسبوك:

لكن صفحة Gold’s Gym العالمية و Gold’s Gym Egypt سرعان ما نزّلوا اعتذار ووصفوا إن البوست ده ضد مبادئ Gold’s Gym وضد ما تؤمن بيه كبراند .. وكمان أشارت الصفحة العالمية إلى إنها هاتمشي في إجراءات تعسفية صارمة زي إنها هاتراجع أي محتوى قبل ما ينزل على السوشيال ميديا وقد تصل الإجراءات إلى غلق الفرع ده! (وهو ما حدث صباح اليوم وتم غلق الفرع)
 

الحادثة زي ما انتشرت على تويتر وفيسبوك ، كمان انتشرت في الميديا بشكل واسع، ومواقع زي Adweek و Huffpost و Yahoo News و News.com اتكلمت عنها. ولو دخلت على جوجل النهاردة هاتلاقي ال Doodle بتاعتها:

 

والخطأ الواضح في البوست ده إن المباديء المتفق عليها في العالم كله بقت إيجابية أكتر وبتتجه إلى إن مش شكل الشخص يبقى إزاي ، مش هو ده الهدف ، على قد ما يكون صحته عاملة ازاي؟ ، هل نظامه صحي وأكثر سعادة وحبًا للحياة ولا لأ بغض النظر عن شكله عامل ازاي، وده اللي عبرت عنه مثلًا حملة “Every Body Happy” :

طيب نتعلم إيه؟

والدرس اللي بنتعلمه من حادثة زي ديه وحوادث مشابهة إن “السوشيال ميديا” سواء اعتبرتها PR Channel أو واحدة من الـ Digital communication channels .. فهي مش مجرد “حط لنا بوست عالفيس” زي ما بنسمع كتير جدًا .. ديه مذاكرة كاملة وتقمّص تام لروح ومباديء البراند كويس ، وتدريب طويل للي ماسكين السوشيال ميديا عندك عشان تبقى متأكد مليون في المية إنهم فاهمين البراند وبيتكلموا بصوته ومتلبسينه تمامًا مش مجرد عارف عنه معرفة سطحية، ولما بيمسكوا الأكاونت النهاردة فهم قدام مسئولية كبيرة ومعاهم رسالة بيعبروا عنها بعدد لا محدود من الأفكار لكنها كلها بتعبر عن نفس القيم، نفس الصوت، نفس البراند.
 
ده اللي بيخللي صفحات زي تودو ، ديوركس ، نسكافيه على سبيل المثال لا الحصر شاطرة أوي .. وبيخللي صفحات تانية لبراندات كبيرة فاشلة جدًا وقد تسبب إغلاق البيزنس كله زي ما حصل مع Gold’s Gym Dream Land.

شارك على فيسبوك
شارك على تويتر
شارك على لينكدإن
+