أسوأ كوابيسك عند إدارة الصفحات على السوشيال ميديا

227
shares
شارك على فيسبوك
شارك على تويتر
شارك على لينكدإن
+
What's This?

إنك تشتم أشهر إعلامي في مصر بهتاف للأولتراس على حساب تويتر الرسمي للشركة اللي أنت شغال فيها ! .. أو إنك تكتبي قائمة الغذاء لزوجك كخبر على صفحة أكبر موقع إخباري بدلًا من ال “شات”! .. أم أن تحتفل بالثورة في عيدها الأول ، على حساب تويتر الرسمي لإحدى شركات الإتصالات، واللي شاركت في حرمان الأهالي في مصر من الاطمئنان على أحبائهم من الشباب الموجودين في الشوارع لمدة يومين (28-29) يناير 2011 ! .. أو أن تكتب هذا الخبر: “يحضر الرئيس العرض الآن ومعه رئيس مجلس الوزراء ولفيف من الوزراء” وتبدل حرفًا واحدًا في هذا الخبر!

If-you-know-what-i-mean

أخطاء تبدو قاتلة.. واللي عملها الله يرحمه.

أكيد جميع “الأدمنز”  انتحروا  أو أدمنوا شرب الكلة تحت كوبري إمبابة .. أو منفيون في سيبيريا دلوقتي.

10654058_10152650941926215_883087025_n

تتضائل أخطائك الآن قدام اللي قريته ؟ .. ممكن.

لكن في الحقيقة في أخطاء أسوء من كل اللي فات ده بكثير ! .. مع العلم إن كل من سبق ذكرهم لم يتعرضوا لأية عقوبات مجحفة !

0

 

ما هي الأخطاء الشائعة عند إدارة الصفحات؟

1- تبديل حسابك الشخصي على تويتر بحساب الشركة أو العميل Client  اللي أنت بتدير صفحته: زي اللي حصل في مثال شركة الموبايل أو هتاف الأولتراس المذكورين فوق.

2- تغيير الصورة في branded template  مع نسيان تغيير نص الكلام المكتوب: زي المثال المرفق ده

10578990_10152650941946215_142994119_n

3- تبديل منشور بين صفحتين لشركتين مختلفتين: زي ما قمت أنا بوضع منشور لشركة عقارات في صفحة جمعية خيرية أهلية .. والعكس مش ممكن تتخيله.. قمت بطلب تبرعات على صفحة شركة العقارات متحدثًا بلسان الجمعية 😀

4- الرد على تعليق بحسابك الشخصي بدلًا من حساب العميل Client.

5- كتابة رسالة إلى أحدهم مستخدمًا حساب العميل Client على فايسبوك أو تويتر: كما حدث من أحد الأصدقاء وقام بسب المرسل إليه ولعنه مستخدمًا حساب ال Client !

كل ما سبق لا يقع ضمن كوابيس إدارة الصفحات على السوشيال ميديا .. ويمكن تعريفه ببساطة كأخطاء بشرية واردة الحدوث طوال الوقت. ولكن هناك أخطاء أكبر من ذلك هي ما تحتاج تصحيح وتقويم .. ومينفعش نرميها على الجانب البشري.

إنت عارف إيه بقى بجد اللي حرام؟

0s12200829163815

وهو الكابوس الحقيقي عند إدارة صفحة على السوشيال ميديا؛ إنك:

1- تسلم المحتوى بعد الميعاد النهائي Deadline

 

2- تعمل محتوى لا يمت بصلة للملخص اللي إداهولك العميل Client brief

 

3- تمسح كل التعليقات السلبية على الصفحة بدون مناقشة مع أصحابها

 

4- تكرر نفسك طول الوقت

 

5- ما تدورش على الجديد وتحاول تتعلم منه

 

6- ما تتابعش الصفحة أول بأول وتحسن من تفاعلك مع زباين الصفحة

 

7- متعرفش تتصرف مع كل الأخطاء البشرية واردة الحدوث المذكورة بالأعلى

 

img-2391021-7-batman_slaps_robin_by_lovelyobnoxious-d4zd0s4

وإيه الفرق بين الأخطاء دي واللي قبلها؟ .. وليه بنقول على كل الكوراث اللي في الجزء الأول من المقال أنها أخطاء بشرية واردة الحدوث وإزاي بنبسط الموضوع بالشكل ده؟

 الفرق الرئيسي هو أنك مش مذاكر شغلك صح .. وأخطاءك دي ليها علاقة بشخصيتك في الشغل .. مش هفوة أو لحظة عدم تركيز ممكن تقع فيها مرة وتتعلم حتى لو طيرت client أو طرت أنت شخصيًا.

كملوا معانا الموضوع ده في التعليقات واحكولنا عن الأخطاء اللي عملتوها أو قابلتكم.

أما عن إزاي تتلافى كل الأخطاء والمشاكل دي، وإزاي أصحاب المشاكل اللي فوق تعاملوا مع الأخطاء دي، وإزاي لو وقعت فيها تعرف تتصرف فده ممكن نقوله في المقال الجاي.

شارك على فيسبوك
شارك على تويتر
شارك على لينكدإن
+