Facebook Events هذا العام؛ تحديثات جديدة لـ

167
shares
شارك على فيسبوك
شارك على تويتر
شارك على لينكدإن
+
What's This?

فيس بوك هيزود 6 تحديثات بخصوص الايفينتات خلال السنة دي و اللي جاية

فيس بوك قرر انه يهتم شوية بجزئية الايفينتات ودا اللي قاله Aditya Koolwal وهو مدير المنتجات في فيس بوك واللي قال انه حاليا بيتم عمل شوية اختبارات لتحديثات بخصوص الايفينت في منها اللي هيحصل خلال السنة دي وفي اللي هيحصل خلال السنة الجاية:

1-  الايفينتات هتظهر بشكل اكبر على التايم لاين : ودا لانه هيخلي اي ايفنت عام انت هتاخد فيه اكشن هيظهر على التايم لاين عند اصحابك زي بالظبط كدا لما يتعملك تاج في صورة او تعمل لايك لبوست فبيظهر على التايم لاين.

2- توصيات لايفينتات محتمل اهتمامك بيها :  هيظهر توصيات لايفينتات انت ممكن تكون مهتم بيها على التايم لاين عندك ودي هتبقى بتظهر على حسب دا خلال الأسبوع او خلال الشهر او الحاجات اللي انت مهتم بيها او الحاجات اللي الفيس بوك شايفك بتدور عليها كتير.

3- خاصية على الفيس بوك ماسنجر :  انه هيبقى في خاصية على الفيس بوك ماسنجر بتتيح لك  انك تقدر تعمل شير لاي ايفنت مع اصحابك من غير ما تخرج برا الابلكيشن عشان تجيب اللينك.

4- عمل شات مع الاشخاص الموجودين في الايفينت :  هيبقى في امكانية انك تقدر تعمل شات سواء لشخص معين او تعمل جروب شات للناس اللي في الايفينت دا عن طريق الفيس بوك ماسنجر.

5- عمل دعوة لاي حد خارج الفيس بوك :  خلال السنة الجاية هيتيحلك انك تقدر تعمل ايفنت لناس برا الفيس بوك وانه هيبقى عن طريق الايميل ومن خلاله هيقدر يعمل اكشن من غير ما يكون مضطر انه يستخدم او يعمل اكونت على الفيس بوك.

6- ابلكيشن خاص بالايفينتات :  في احتمالية انه يبقى في ابلكيشن مخصوص لايفنتات ودا هيبقى مش قبل السنة الجاية.

فى النهاية .. فيس بوك كل فترة بيصدر تحديثات كل منتج من منتجاته ، تتوقع يكون إيه يكون التحديث اللي جاية للفيس بوك؟

شارك على فيسبوك
شارك على تويتر
شارك على لينكدإن
+