3 أسباب تجعل حملة EgBank “سهل وذكي” تستحق المشاهدة

495
shares
شارك على فيسبوك
شارك على تويتر
شارك على لينكدإن
+
What's This?

رغم إن نادرًا ما هاتشوف Comparative Advertising على التليفزيون وخاصةً في رمضان .. إلا إن بنك EGBANK بحملته الإعلانية الجديدة “سهل ذكي” (من تنفيذ وكالة Kairo الإعلانية) إدانا الفرصة ديه عشان نتكلم عنها شوية.

إيه هو ال Comparative Advertising؟

نوع من أنواع الإعلانات Advertising Appeals اللي بينتمي للـ Humor Appeals (الكوميدية) واللي فيه بيلجأ البراند إلى عرض فكرته من خلال مقارنة كوميدية بين حاجتين جنب بعض: (1) زي إنك تجيب حاجة ما حصلت قبل وبعد استخدام المنتج/الخدمة بتاعك ، (2) أو لو المستخدمين استخدموا المنتج/الخدمة بتاعك ولو ماستخدمتهوش هايحصل ايه ، (3) أو إنك تقارن بين حال المستخدم مع المنتج/الخدمة بتاعك وحالهم مع المنافسين.

إمتى أستخدم ال Comparative Advertising؟

النوع ده مش مشهور أوي بين ال Advertising Appeals الأخرى، وبيستخدم أكتر في الإعلانات المطبوعة Printed Ad مش في التليفزيون TV Advert. وهو بيختلف عن المقارنة العادية التقليدية بتاعة إيريال وبرسيل أو بين الكاميرا بتاعة الموبايل ده والموبايل التاني، لأن الأخيرة ديه مقارنة عادية مش مقارنة كوميدية تحمّل إيفيه أو مشهد كوميدي عشان كدة بقول إنه مش مشهور أوي.

تعالى مثلًا نبص على المثالين دول:

sarcsasm3

funny_ads_18

ليه بقى حملة EGPBANK تستحق المشاهدة؟

1- لأن في وسط ما البراندات كلها ما بتتجه للـ Sarcasm & Surprise Appeals الشائعة الإستخدام .. بنلاقي براند بيورينا نوع تاني من الإعلانات وإن الـ Appeals واسعة ومش ضيقة على نوع واحد ولا تيمة ثابتة من الإعلانات ، خاصةً ال Humor.

2- إن أهم حاجة في الإعلان إنه يكون “فعّال Effective” قبل ما يكون “مبدع Creative”، إنت ممكن تعمل أكتر إعلان كرييتف في الدنيا بس في النهاية مش فعّال ومش بيغيّر حاجة في وجهة نظر المستخدم ويخليه ياخد Action شرائي. وده اللي حققه إعلان EGBANK إنه وصلّ الرسالة بشكل فعّال جدًا وزرع جوايا رغبة إني أروح وأجرب البنك ده سواء كنت فرد أو بيزنس.

3- لأن البساطة حلوة Simple is beautiful ، مش محتاج إنك تعقّد الدنيا على المشاهد ولا تحط إضافات كتير للوصفة، وممكن توصّل رسالتك بكل بساطة ووضوح، وكل ما كنت بسيط كل ما ده أثّر بشكل إيجابي على إعلانك وتم استدعاء ال Value اللي بتقدمها من خلال إعلانك بسرعة Recall. مش زي ما إعلانات تانية بيغلب فيها الإيفيه وال Humor على المنتج نفسه فبتنسى المنتج أو الخدمة أو القيمة أو القرار الشرائي وبتفتكر بس الإيفيه والنكتة وبينتشر بين الناس من غير ده ما يؤثر إيجابًا على البيزنس ، أومال احنا بنعمل إعلانات ليه؟

وفي نهاية المقال ده، عايز أطلع بنتيجة تأثير النوع ده من الدعاية في مصر .. ياريت تشاركني رأيك في الإستطلاع ده (ملحوظة: قد يستلزم ظهور المحتوى القادم بعض الوقت):

شارك على فيسبوك
شارك على تويتر
شارك على لينكدإن
+