إزاي تعمل customer education ؟ .. إتعلم من Durex

260
shares
شارك على فيسبوك
شارك على تويتر
شارك على لينكدإن
+
What's This?

إنك تسوق لمنتج ليه علاقة بالجنس  في مجتمع منتشر في كلامه الإيحائات الجنسية أو بيحب بيتكلم في الحاجات دي، الموضوع هيبقى سهل ينتشر وطبعا صفحة  Durex for Him على فيسبوك خير مثال سواء اتفقنا او اختلفنا معاها لكن هما قدروا يحققوا انتشار وتفاعل.

من وجهة نظري إن الظروف وطبيعة المنتج هي اللى ساعدتهم على ده، لكن لو حبوا ينتشروا في مكان أو مجتمع ليه ثقافة مختلفة وفكرة الكلام عن الجنس مش مألوفة فيه، هل هينجحوا ؟

الإجابة هنعرفها من الـCampaign اللى عملتها Durex في الصين علشان تعمل Customer Education للناس وتخليهم يتكلموا عن المنتجات الخاصة بيهم، وهيجي حد هنا يسئل هو الموضوع محتاج Education ؟  دي بضاعة هتصطاد زبونها .. وترقي نفسها وتبقي نمرة واحد ” على رأي الأستاذ جميل راتب ” 😀

لكن زي ماقولت ان طبيعة المجتمع بتختلف وفي الصين الكلام في الموضوع ده غير مألوف علشان كده Durex فكرت بشكل مختلف علشان تعلم الناس ازاي يتكلموا وتخليهم يتفاعلوا معاهم.

الفكرة انهم عملوا Online Sex museum ” متحف Online علشان الناس تدخل تتفرج ” .. وده كان الفيديو الدعائي للحملة :

 

الدخول للمتحف بيكون عن طريق QR Code وموجود في المتحف رسومات لمنتجات الشركة، استعانوا ببعض الفنانين علشان يرسموا ليهم المنتجات اللى هتكون موجودة في المتحف ومجرد ما هتضغط على أي منتج بيبدأ يوضحلك بيانات المنتج وإيه استخداماته.

وفي أول يوم من إطلاق موقع المتحف عدد الـViews كان مليون View !

وبالفعل الشركة نجحت في إنها توصل للناس بالشكل المناسب وتخليهم يتكلموا عن المنتج الخاص بيها بما يتناسب مع ثقافة المجتمع ده.

فكرة الCustomer Education كتير من الشركات بتعملها علشان تبني Relation مع العميل وتكسب ثقته.

durex sex museum

• ومثال تاني على الشركات اللى بتعمل فكرة الـCustomer Education هي  شركة Tramontina في البرازيل لما قدموا  The Bible of Barbecue:

وده عبارة عن كتاب بيوضح للناس فكرة الـBarbecue وازاي بتتعمل وكمان ايه الأدوات اللى محتاجينها علشان يقدروا ينفذوها ، وطبعا الأدوات دي هي أدوات الشركة لأنها شركة متخصصة في أدوات المطبخ.

• كمان شركة Pantene ، وحملة Shine Strong:

الحملة كان هدفها تشجيع البنات والسيدات على انهم يقللوا من استخدام كلمة Sorry لأنهم بيستخدموها بشكل مبالغ فيه، علشان كده الشركة أطلقت الحملة علشان يعلموا البنات والسيدات انهم يكونوا أقوى.

• ولو اتكلمنا على الـSocial Media هنلاقي كتير من الـWebsites والـInfluncers في المجال بيقدموا محتوى للناس علشان يعملوا Education للCustomer زي مثلا موقع socialmediaexaminer واللى بيقدم مقالات في الـSocial Media وبيقدم شرح مفصل عن كل Social Platform وازاي تستخدمها بشكل Professional.

• كمان JonLoomer وده أحد المتخصصين في الـFacebook Marketing واللى بيقدم محتوى رائع عن كل ما يخص الـFacebook.

• ولو اتكلمنا عن كتابة المحتوى من أفضل المواقع اللى هتقدر تتعلم منها ازاي تكتب محتوى هو موقع Copyblogger لأنه بيقدملك مقالات وكتير من الكتب المجانية اللى هتتعلم منها ازاي تكتب بشكل يجذب الناس وتقدر تحقق الـBusiness Goals من خلال المحتوى اللى بتقدمه.

كل الأمثلة اللي فاتت ديه تقودنا إلى سؤال المقال:

هستفيد إيه لما أعلّم الـCustomer ؟

1- بتكسب ثقة العميل:

لما تقدم محتوى بيعلم الـCustomer ده بيساعدك انك تكسب ثقته وكمان هو بيعتبرك من الخبراء في المجال وده بيخلي عند العميل ثقة انه يشتري المنتجات أو الخدمات اللى بتقدمها.

 

2- بتقدر تعمل Brand Awareness:

كل ما كان المحتوى اللى بتقدمه قوي ومفيد للـCustomer ده هيكون دافع ليه انه ينشر المحتوى الخاص بيك وبالتالى عدد أكبر من الناس هيشوفوا المحتوى وده بيساعدك انك تنتشر بشكل أكبر وكمان بتقدر نجذب عملاء جدد. 

3- بيكون عندك Happy Customers:

المحتوى اللى بتقدمه للـCustomer علشان يتعلم منه واللى بيوضحله إيه المشكلات اللى عنده واللى ممكن إنك تساعده في حلها عن طريق المنتج أو الخدمة اللى بتقدمها ده بيخلق عند العميل توقع أفضل تجاه المنتج أو الخدمة اللى بتقدمها. بمعنى ان بدل ما العميل بيشتري الخدمه أو المنتج اللى بتقدمها بدون ما يكون عنده تصور كامل وفهم للفائدة اللى هياخودها وده بيولد عنده فهم خاطئ عن المنتح أو الخدمه، لكن انك تعلمه ده بيساعدك في تكوين  قاعده من العملاء اللى فاهمين كويس انت بتقدم إيه وكمان عارفين الفائدة اللى هتعود عليهم لما يشتروا منك وده هيأدي إلى إنهم هيكرروا عملية الشراء.

أتمنى تكون الأمثلة اللي فاتت ألهمتك بفكرة جديدة تعلّم بيها ال customer بتاعك .. لو حابب تشاركها معايا وتسمع رأيي ، اكتبها في كومنت.

شارك على فيسبوك
شارك على تويتر
شارك على لينكدإن
+