دونت تيكس آند درايف – 9 حملات إعلانية للتوعية بخطر كتابة الرسائل النصية أثناء القيادة

7
shares
شارك على فيسبوك
شارك على تويتر
شارك على لينكدإن
+
What's This?

من الحملات اللي أفكارها مش بتخلص، ودايماً هاتلاقي حد بيتناول الموضوع بطريقة مبدعة creative أكتر من اللي قبلها هي الحملات اللي بتتكلم عن العادة السيئة اللي بيقوم بيها كتير من السائقين أثناء قيادتهم للسيارة وهي “كتابة رسائل نصية Texting – سواء إيميل Email أو رسالة SMS) فبيؤدي ده إلى حوادث مرورية مهولة. وده اللي دفع شركات كتير ومؤسسات إنها تعمل حملات تحت رسالة: Don’t Text & Drive . وده طبعاً كنوع من المسئولية المجتمعية وبينبع من القيم Values  والثقافة Culture اللي بيشجّعها البراند وبيعرّف نفسه بيها (عشان كدة بتتجه ليها أكتر شركات العربيات وشركات الموبايل):

ده مثلاً إعلان عملته Effect Agency في إسكندرية:

• وبغض النظر ، تعالوا نشوف إزاي ممكن تعبر عن الرسالة ديه بأكتر من فكرة (بس بشكل كرييتف وفيه مجهود ومخ اشتغل) :

9- We Save Lives:

حملة قامت بها Y&R/Bravo بعنوان: The more you type, the more dangerous it gets. Don’t text and drive. واستخدمت فيها الفكرة البسيطة اللي كنا بنعملها زمان واحنا صغيرين، كلما هاتحط مكعب فوق التاني، كل ما كان البناء (البرج) اللي بتعمله فرصته إنه يميل ويقع أكتر، فاستخدم الفكرة concept ده وحط العربية فوق، كلما هاتكتب حرف في إيميل  أو رسالة نصية وانت بتسوق كلما ما فرصتك إنك تعمل حادثة هاتكبر.

we-save-lives-im-on-my-way-see-you-print-370758-adeevee[1]

8- ACP – Portuguese

الفكرة هنا ذكية جداً، مستخدمش العربية وهي بتخبط الست، إنت فعلاً مش محتاجها، كل اللي محتاجه هي الرسالة نفسها وهي بتقوم بالدور ده، لأن “الموضوع عمره ماكان مجرد كتابة رسالة نصية طول ما إنت سايق” زي ما قال الإعلان.

7- Vereniging

الجميل في الفكرة ديه كمان إنه إستخدم مع ال visual إحصائية بتقول إن 40 شخص بيموتوا أثناء قيادة السيارة وهم بيستخدموا الموبايل.

6- فورد Ford:

هنا إستخدموا كل إشارات المرور وحطوها مكان الحروف. لما هاتشوف إعلان زي ده من المفترض إنك تفتكر إنك سايق، فتبطل كتابة وتركز في السواقة تاني.

ford[1]

5- Brake:

هنا الفكرة تقليدية شوية، بس التنفيذ كويس، إستخدام الخطوط اللي شبه اللي بتكون في الرسائل النصية على الموبايل، وكمان كلمة: Got the MSG? ، “هل الرسالة وصلت؟”. بمعنى رسالة الإعلان.

Brake_Dont_Text_And_Drive_3_ibelieveinadv[1]

بالمناسبة ده إعلان لشركة Zain العراقية ، مستخدمة نفس الرسالة/ الفكرة ( بالحرف 😀 ) :

كانوا يخلوهم في الإعلان التاني ده أحسن:

4- بي إم دابليو BMW:

هنا كمّل صورة العربية النقل بالحروف اللي بيكتبها في الرسالة النصية، عشان رسمله صورة ذهنية إنك هاتخبط فيها لو فضلت مكمل.

3- فولكس فاجن Volkswagen:

فكرة إن واحد بيكتب لحد رسالة عشان يقوله إنه هايشوفه في ..، فبينما هو بيسوق عمل حادثة فالشركة بتقوله: دلوقتي لا مش هاتشوفه. هنا العبقرية إنه مستخدمش صورة نهائياً ، بس عبّر عنها بشكل ذكي.

 

2- فودافون:

الفكرة حلوة جداً، استخدام محادثة أدت في النهاية مع كل كلمة إلى إنه يلبس في العمود ، كمان التنفيذ كان شكله جميل:

 

1- فيات Fiat

هنا وصلنا لأفضل إعلان في المجموعة، واللي استخدمت رسالة قوية: يا تشوف البنت يا تشوف الحرف. وأجمد حاجة فيه إنهم استخدموا التكنيك بتاع ال optical illusion أو الخداع البصري، ياتشوف اللون الأبيض “الحرف”، يا تشوف اللون الأسود “البنت اللي شايلة بلونة” وإنت رايح تخبطها:

للأسف حاولت أشوف إعلانات مصرية بتشجع الثقافة ديه بس ملقيتش، ويمكن ده تقصير كبير من شركات الموبايل (فودافون – موبينيل – اتصالات) وشركات العربيات كلها (إلا لو هم شايفين إن ديه مش مشكلة في البلد يعني) ، فلو معاك إعلان كمان حلو، ابعتهولنا على: [email protected] واحنا هانكمّل بيه المقال. وإوعى تقرأ المقال ده أو تشيره وإنت سايق 🙂

شارك على فيسبوك
شارك على تويتر
شارك على لينكدإن
+