الديجيتال ميديا في 2016: أحدث تقارير We are social

224
shares
شارك على فيسبوك
شارك على تويتر
شارك على لينكدإن
+
What's This?

 

كلنا عارفين الدراسة الشهيرة اللي اكتشفت إن 74% من المسوّقين بيحسبوا إنهم فاهمين عملائهم وهم ولا فاهمين ولا حاجة. وإن ما يقرب من 26% فقط هم اللي فاهمين عملائهم نظراً لإنهم بيعتمدوا بشكل كبير على الـInsights المتمثلة في التقارير والإحصائيات والدراسات اللي بتتعمل في التريندز الخاصة بالصناعات المختلفة وسلوك المستهلكين بينما الأغلبية بيعتمدوا بشكل أساسي على التكهنات والإنطباعات الشخصية. الأرقام بتوفر علينا مجهود وتكلفة كبيرة، لأنك طالما فاهم المستخدم وفاهم الصناعة بالأرقام هاتقدر تاخد القرارات السليمة وتوّجه ميزانيتك بالطريقة الأصح.

النهاردة جبنالكم واحدة من أهم التقارير في مجال الديجيتال والسوشيال ميديا. تقرير We Are Social لـ 2016 ، واللي بيرصد مجال الديجيتال والسوشيال ميديا وسلوك المستخدمين في العالم وفي الوطن العربي وكمان مصر خلال سنة كاملة. تعالى نقرأ التقرير كله من خلال البريزنتيشن ديه:

:ومن أهم الملاحظات الي لازم تشوفها في التقرير ده بالنسبة لمصر والشرق الأوسط هي

1- نسبة الـ Growth في مستخدمين السوشيال ميديا من الموبايل في الشرق الأوسط 66 % رغم ان الزيادة في مستخدمي السوشيال ميديا كان 13% بس .
*وده يخليك توجه كل استراتجيات تواجدك على السوشيال ميديا للإهتمام بمستخدمي الموبايل. 

2- لو لاحظت زيادة مستخدمي الويب في الشرق الأوسط بنسبة 17 % في حين زيادة مستخدمي السوشيال ميديا بـ 13% بس
* وده يديك مؤشر ان الحياة مش سوشيال ميديا بس وانك لازم تهتم بالتواجد على الويب بشكل عام

3- لو كنت مسئول عن براند متواجد في مصر فأهم مؤشر هو ان نسبة الزيادة في مستخدمي السوشيال ميديا اكبر من نسبة الزيادة في مستخدمي الويب بشكل عام وده
بيعني تحول نسبة من مستخدمي الويب لمستخدمين لشبكات السوشيال ميديا
* وده لازم يخلي التواجد على السوشيال ميديا لازم تكون من اولوياتك في عالم الديجيتال

4- كان النصيب الأكبر لتصفح الأنترنت عامة في مصر لمستخدمي اللاب-توب بيليه الموبايل ويليهم التابلت وده يؤكد على ضرورة تصميم موقعك تصميم يناسب كل احجام الشاشات دي عشان يناسب كل المستخدمين

5- معظم مستخدمي السوشيال ميديا في مصر هما من مستخدمي الموبايل بنسبة 82 % من اجمالي مستخدمين السوشيال ميديا وده يخليك تهتم بالتفاعل معاهم بشكل مختلف والي من ضمنها نوع الإعلان الجديد الي اصدره الفيس بوك Canvas وده نوع من المحتوي الموجه فقط لمستخدمي الموبايل والي بيديهم تجربه مختلفه وبالتالي
هيأثر على تفاعلهم مع البراند

لتحميل التقرير كاملاً من هنا

وشاركونا أهم الأرقام اللي أثارت انتباهكم
شارك على فيسبوك
شارك على تويتر
شارك على لينكدإن
+