6 أسباب لحضور قمة Creative Industry  النسخة الرمضانية 2016

شارك على فيسبوك
شارك على تويتر
شارك على لينكدإن
+

حدث واحد يجمع كل المبدعين !

صناعة الإعلانات من الصناعات المميزة في مصر، واللي بنشوف فيها كم كبير من الإبداع، وبنحس معاها كمستخدمين أو عاملين بالمجال بسعادة كبيرة ، كل ده بيبقى وراه مطبخ كبير وقصص وحكايات مبتنتهيش .. لكن هو حدث سنوي واحد وكبير بيتكلم عنها وبيقولنا أشياء كتير من ورا الكواليس .. الحدث ده هو اللي كلنا نعرفه بإسم: Creative Industry.

Creativegypt (579)

قمة Creative Industry هو الحدث الوحيد والأكبر في مصر اللي بيجمع كل اللي شغالين في قطاع صناع الإبداع زي المبدعين وشغلهم في الإعلانات والتسويق والأفلام والتصوير و النشر والموسيقى و الإبتكار في مجال البيزنس بشكل عام. والسنة ديه ، تحديدًا في ٥ سبتمبر ، هتنطلق فعاليات قمة Creative Industry في نسختها الخاصة بشهر رمضان اللي هتكون في قصر المانسترلي بعد النجاح اللي حققته القمة السابقة اللي كانت في أبريل ٢٠١٦ والنسخة الخاصة برمضان من القمة اللي كانت في رمضان ٢٠١٥.

النسخة الرمضانية السنة ديه في “يوم واحد بس” هايجمع كل الصناع و اللاعبين الأساسين في صناعة الديجيتال ماركتينج والميديا بشكل عام و اللي هيكون من ضمنهم creative directors, leading creative executives, brand and marketing managers, drama producers, digital experts and media buying agencies واللي هيتكلموا عن إزاي نجحوا انهم عملوا حاجة مختلفة ومميزة في رمضان ٢٠١٦ وسط كتير من المنافسين.

٦ أسباب لازم تكون في قمة Creative Industry في نسختها الرمضانية ٢٠١٦:

١- هتكون واحد من بين خبراء اللي موجودين في قمة Creative Industry:

وسط ٦٠٠ محترف من ضمنهم creative directors, producers, celebrities منتظرين الحضور في قمة Creative Industry ، وهيكونوا موجودين في Creative Industry في نسخته الخاصة بشهر رمضان علشان يتكلموا عن الإبداع في الإعلانات والدراما والديجيتال ماركتينج اللي كان موجود في رمضان ٢٠١٦.

Creativegypt (795)

٢- هاتقابل مجموعة مميزة من المتخصصين: 

في قمة Creative Industry نسخة رمضان ٢٠١٦ هيكون في مجموعة متنوعة من المتخصصين والخبراء في مجال الإبداع أهمهم: 

            – Marian Makary, Head of Communications at Orange

            – Ahmed Emad, Regional Media Manager, Mondelez International

            – Tamer Alphonse, Industry Manager for Telecom Sector Egypt & North Africa at Google

            – Hesham Soliman, Producer and CEO, Hama Film Productions

            – Dany Azzi, Creative Director at FP7/RUH

٣- جدول أعمال القمة هيكون مميز جداً و هيكون في حاجات كتير مختلفة :

أجندة القمة هيكون فيها عدد كبير من المناقشات والموضوعات بين مجموعة من المحترفين وهيكون فيها كلام كتير عن الأفضل و  الأكتر نجاحًا في إعلانات رمضان ٢٠١٦ وانتاج الدراما وأفضل الحملات التسويقية اللي اتعملت أونلاين. الأجندة كلها بتركز على أهم الموضوعات اللي بتشغل اي حد شغال في creative industry بشكل عام ومواضيع كتير منها التغيير اللي حصل في ميزانية الإعلانات في الشركات والجمعيات الخيرية السنة دي.

Creativegypt (655)

٤- الخبرات والنتائج و التحليلات اللي هايتم إعلانها هتقدر تستفاد بيها في شغلك لرمضان اللي جاي: 

لكل الناس اللي بتخطط لشهر رمضان اللي جاي وللسنة الجاية ، احضروا قمة Creative Industry لأنها هاتكون فرصة كويسة جدًا علشان تعرفوا وتتعلموا من كل التحليلات والمناقشات والمناظرات والخبرات في مجال الإبداع اللي هتكون على كل شغل رمضان السنة دي، وكمان تكوّنوا شبكة علاقات تفيدكم في شغلكم الفترة الجاية.

٥- هتكون جزء من المناقشات! 

مش هاينفع تبقى شغال في الصناعة وانت مش بتحتك باللي فيها .. القمة هاتتكلم عن مواضيع كتيرة، وهاتكون مش مجرد مستمع بل جزء من مناقشات حول معايير ومتغيرات جديدة في مجالي الدراما والديجيتال ماركتينج بتأثر على ثقافتنا وكذلك على صناعة الإبداع ممكن ماتكونش تتخيل قوة تأثيرها قبل كدة.

٦- دراسة وتحليل أكبر المشاكل الخاصة بصناعة الإبداع في مصر والشرق الأوسط:

في قمة Creative Industry هيتكلم الخبراء عن أهم المشاكل اللي بتواجه اي حد شغال في المجال زي التركيز على الشغل “الإعلانات و الحملات التسويقية” بشكل عام في رمضان بس مقارنة بالوقت اللي باقي من السنة وتأثير ده على قنوات الميديا المختلفة و على العاملين في صناعة الإبداع.

Creativegypt (672)

في النهاية الأسباب كتير والفوايد أكتر .. زوروا موقع Creative Egypt علشان تعرفوا معلومات أكتر عن Creative Industry وتابعوا هاشتاج #CreativeIndMENA  علشان تعرفوا كل حاجة أول بأول.  ولو جاوبت على السؤال الجاي ده صح هاتدخل سحب على 5 تذاكر مجانية لحضور الحدث:

Powered byTypeform
شارك على فيسبوك
شارك على تويتر
شارك على لينكدإن
+