اسأل مجرب وماتسألش طبيب

6
shares
شارك على فيسبوك
شارك على تويتر
شارك على لينكدإن
+
What's This?

كلامي النهاردة عن موضوع مهم جداً إسمه الـ Advocate marketing .. يعني أسأل مجرب.

“اسأل مجرب و ما تسألش طبيب” كلمة كلنا اتربينا عليها و ماعرفناش انها فعلا اسلوب حياة معظم الناس في العملية الشرائية.

كنت قريت بحث بيتكلم عن إن 60% من العملاء بيشتروا الخدمة او المنتج بعد استشارة أصدقاءهم ، و انا شخصيا في شغلي (في تسويق الخدمات الطبية) لما بعمل customer feedback survey بلاقي ان اكثر من 75% من المرضى جايين من طرف صديق أو قريب .. و طبعا الادارة فاكرين ان التسويق مالوش لازمة و ان الدكاترة هما اللي بيجيبوا المرضى.

وده لانهم ميعرفوش يعني ايه WOM أو ال Word Of Mouth  و يعني ايه Advocate Marketing  ، بس ماينفعش انت كـ Marketer انك ماتعرفش .

ال Advocate Marketing  ده من أقوى وسائل التسويق لفرقعه ال WOM و زي ما احنا عارفين ان ال WOM  هي قمه النجاح الاداري و التسويقي لأي منتج او خدمة.

 

طب يعني ايه Advocate Marketing ؟

بالعربي هو التسويق عن طريق شخص بيرشح المنتج أو الخدمة و بيدعمهم من غير مقابل، او بمعنى تاني انك بتقوم محامي يتكلم بلسانك عن المنتج أو الخدمة

 

طب يفرق ايه عن ال Affiliate Marketing  التقليدي؟

أقولك يا سيدي، ال Affiliate Marketing  ده بالاتفاق ، يعني انت عميل عندي فأنا مثلا هديلك نسبة أو أديلك خصم زيادة كل لما تجيبلي عملاء تانيين، انما ال Advocate Marketing  لأ “محامي ببلاش” من غير ماتديله أي مقابل.

 

طب بيتعمل ازاي؟

عندك كذا طريقة حسب ايه اللي يناسب شغلك و الBudget بتاعتك:

(1)

Boost Every Campaign  يعني اشهر حملتك التسويقية اللي انت عملتها

اديني مثال:  زي شركة عملت حملة تسويقية و فيها تصوير للأطفال و راحوا منزلين الصور دي على الSocial Media  هتلاقي بقى الامهات داخلين “الله نور عيني و حبيبي So cute   ” و هتلم خالات الواد و صحابها يتفرجوا ع الصور و يتكلموا قد ايه كانوا مبسوطين في الحملة بتاعتك.

(2)

Intended Advocacy  يعني مقصودة من الشركة انها تخلي الناس تتفاعل من خلال حملة تسويقية

اديني مثال:  شركة freelancer عملت مسابقة “اجمل صورة للوجو الشركة” و خلت الناس تبدع بقى لأن الجوايز كانت مبلغ محترم اكتر من نص مليون دولار، و شارك ناس كتير و كل صورة تاخد لايكات و شير و بدأت الناس تبدع و تكتب شعارات و اللي يطير طيارة و يركب لوجو الشركة عليها … كل ده خلى عدد المشتركين في الموقع بتاعهم يزيد باضعاف .. و مش بس كده دول من ساعت ماخلصت المسابقة من سنتين لحد النهاردة بيعرضوا الصور المشاركة و كل ما حد يلاقي صورته يعملها شير لصحابه.

Freelancer_Video

 

(3)

 

Community Initiated يعني ال Fans بتوعك هما اللي يعملوها من غير قصد منك و دي طبعا نتيجه لحملاتك التسويقية الفظيعة .

اديني مثال: زي كوكاكولا في رمضان اللي فات لما عملت “كوكاكولا أحلى مع” و شوفنا كمية الناس اللي اتصوروا بالكانزات اللي عليها اساميهم بيقلدوا فيها الاعلان و كمان الصفحة اللي طلعت تعمل تصاميم باسامي الناس.

RO2YA-34591-2

طب ايه مميزات ال Advocate Marketing  ؟

1- بيزود ثقة الناس في المنتج لأن زي ما قلنا الناس بتشتري اللي صحابهم بيشتروه

2- تأثيره مباشر جداااا

3- اكتر حاجة تدعم الWOM

انا مقتنع تماما ان ال Advocate Marketing لازم يبقى أولوية عند كل أصحاب القرار في الشركات ، بس خد بالك قبل ما تفكر فيه لازم تعرف 3 حاجات:

1- لازم تبدأه وانت عندك عملاء كتير بيثقوا في منتجك و خدمتك و متابعين ليك

2- لازم تكون عامل positioning  صح و في رسالة معينه انت عايز الناس توصلها عشان ماتروحش منك شمال

3- لازم تكون قدها : يعني تستحمل الناس اللي ممكن تقول اي تعليق سلبي لانك بتعتمد على ال Community  بحلوه و مره . بس ده مايخلكش تخاف على قد مايخليك جاهز و مستعد انك تتفادى الكلام السلبي و ترد عليه صح

في واحد اسمه Hank Barnes  ده خبير في ال Market Research كان متوقع ان 2014 هتبقى the year of Advocate Marketing  و فعلا كلامه طلع صح بدليل ان يوميا بتلاقي مقالات و مناقشات عن الموضوع ده الى جانب ان شركات كتير بقت تهتم بيه لأ كمان تلاقي شركات بتكافئ ال Most Advocate Customer  و بدأ يظهر برامج كمبيوتر تحددلك مين ال Most Advocate customers  بالتفاصيل .

انا شخصيا مقتنع بكلام الحاج Hank ان 2014 هي سنة ال Advocate Marketing

انت رأيك ايه؟

شارك على فيسبوك
شارك على تويتر
شارك على لينكدإن
+