العملاق آبل طل علينا يوم الخميس بخبر جديد وهو تعيين تور مايرن كـ نائب الرئيس للتسويق وهو اعلى منصب في التسويق في أبل وده معناه انه هيكون مسئول عن كل حاجة متعلقة بتسويق منتجات آبل.
مين هو تور مايرن واشتغل فين قبل كده ؟!
الحقيقة ان تور من أبدع العقول على مستوى العالم في مجال التسويق والإعلانات قبل ما ينضم لآبل في المنصب الجديد كان بيشغل منصب المدير الإبداعي في واحدة من أكبر وكالات الدعاية والإعلان في العالم : جراي
لمدة سنتين وقبلها كان مدير مكتب جراي في نيويورك وقبلها كان المدير الإبداعي لنفس المكتب، قضى 8 سنين من عمره في مدرسة من أكبر مدارس الدعاية والإعلان وهي من أفضل سنين عمره على حد وصفه.
“My eight years at Grey aren’t just the best years of my career; they’ve been the best years of my life,”
تور طلّع حملات مبدعة في جراي وأخد هو وجراي جوائز كتيرة جدا منها أفضل وكالة دعاية في 2015 و 2013 حسب موقع
adweek.com .
من الـ الحملات المبدعة اللي عملها تور مع جراي حملة
e-trade
وحملة تانية ل DirecTV:
في بداية حياة تور مايرن درس واشتغل في الصحافة الرياضية وده من احد الاسباب اللي خلته متعود دايما على الديدلاينز.
تور محبوب جدا في مجال الإعلان ومشهور بانه مدير شاطر بيعرف ازاي يدير فرق ويخلص الشغل ويطلع المنتج النهائي للنور من غير شو وكلام كتير.
تفتكروا ايه التغيير اللي هيعمله مع شركة كبيرة زي أبل وهل استراتجيات أبل في التسويق هتتغير ؟!
