البداية التقليدية
أثارت الحلقة الأخيرة لبرنامج الإعلامية ريهام سعيد غضب عارم على مواقع التواصل الإجتماعي بعد ما نشرت صور خاصة لواحدة من فتيات ضحايا التحرش ، والتشهير بها مما اعتبره المشاهدون تصرف غير مهني وغير أخلاقي بالمرة. كل ده كان طبيعي جداً وبيحصل بعد كل حلقة، خاصةً إن الإعلامية مشهورة بمواضيعها المليئة بالسقطات الأخلاقية والمهنية، تقدر تتفرج بالفيديو مثلاً على أبرز سقطات ريهام سعيد من هنا
نقطة تحوّل
لكن الجديد المرة ديه، إن بدل ما يتعمل هاشتاج يتم فيه مهاجمة الإعلامية بشكل شخصي ، وبالتالي يكون رد الفعل مزيد من الإنكار أو التجاهل أو الجدال، بدأ الغضب ياخد منحى تاني لما مجموعة قرروا يتوّجهوا إلى تكنيك ضغط جديد: وهو عمل “إيفينت على فيسبوك: حملة لمقاطعة الشركات الراعية لبرنامج صبايا الخير” كوسيلة للضغط على الشركات المعلنة وبالتالي الضغط على القناة لوقف البرنامج. الصفحة جمّعت أكتر من 10 آلاف شخص، وسجل حضور للإيفنت 1500 شخص.
كمان حملة على الموقع الشهير “أفاز” لجمع توقيعات من ناشطين لغلق البرنامج:
والنتيجة
قوة السوشيال ميديا أجبرت مجموعة من البراندات والرعاة للبرنامج إنها تستجيب وتوقف رعايتها للبرنامج:
1- Evy Baby (راعي للبرنامج)
2- Aloe Eva (معلن)
3- Vitrac (معلن)
4- Beyti Milk (معلن)
5- Almarai Egypt (معلن)
6- Fine Egypt (معلن)
7- AlAraby Group (راعي للبرنامج)
8- Persil (معلن)
9- Clear (معلن)
10- Dawny (معلن)
11- Vatika (معلن)
12- Freska (معلن)
13- TODO (معلن)
14- Dove
وساعد (ومازال يساعد) في تشجيع الرعاة والمعلنين للمقاطعة الإعلامي “باسم يوسف” بتويتة:
ومنشن باسم يوسف لفودافون جاب نتيجة:
كمان الأكاونت الرسمي لسلطان سعود القاسمي كان بيؤيد قرار الوقف:
والأكاونت الرسمي لهشام منصور بيشجّع كل البراندات انها تتضامن وإلا هاتفقد مصداقيتها:
ولو عملنا تحليل بسيط لكلمة “ريهام سعيد” على تويتر هانلاقي إن المعدل الطبيعي اليومي كان 400 تويتة في اليوم، بينما إمبارح بس كان أكتر من 5000 تويتة، والنهاردة 15000 تويتة!
رد فعل قناة النهار
رد فعل القناة كان من خلال خبر قريناه على المصري اليوم ذكر إن الإعلامي خالد صلاح هايستضيف الإعلامية ريهام سعيد ، مما جعل صفحة الحملة تشكك في نية القناة الجدية لوقف البرنامج وإن هي مجرد حلقة لتلميع الإعلامية مش أكتر، وبيطالبوا بقية البراندات بمقاطعة البرنامج.
بينما كان في جانب متفائل من جانب الصحفي المشهور أحمد رجب:
في النهاية، ديه قوة السوشيال ميديا اللي لو عرفت تستخدم التكنيك الصح العفوي تقدر تحقق اللي هي عايزاه، فهل هاتقدر تنتصر على قوة الميديا والتليفزيون؟، ده اللي هانعرفه خلال الساعات القليلة الجاية ، واللي هانحدّث بيه مقالنا ده. شاركونا رأيكم.
شارك في كتابة هذا المقال: عبد الرحمن محمد – محمد عمر
