بمناسبة شهر رمضان؛ أعلنت بالأمس خدمة “مزادي” وأبليكاشن “ميجا خير” التابعين لشركة TA Telecom ومؤسسة “مجدي يعقوب للقلب” فتح أول مزاد خيري عن طريق الموبايل على كرافتة د.مجدي يعقوب ، وثمن المزاد في النهاية هايروح كتبرع لمؤسسة مجدي يعقوب للقلب.
الخطوة تعتبر branding ذكي لخدمة المزادات على الموبايل “مزادي” بالتعاون مع “ميجا خير” من خلال استغلال تريند الأعمال الخيرية والتبرعات، وطريقة ذكية عشان تخللي المستخدمين يجربوا الخدمة بتاعتهم في سبيل الحصول على حاجة تعتبر “أيقونة” مهمة في حياة البعض وهي كرافتة “د.مجدي يعقوب” (مين ميحبش يكون لابس كرافتة د.مجدي؟) .. وكمان استغلال لتريند د.مجدي معقوب على السوشيال ميديا في ال 4 أيام اللي فاتوا بعد نزول إعلان “ارسم قلب” وتحقيقه أرقام قياسية في المحدثات على السوشيال ميديا.
وفي خلال أقل من 24 ساعة، وصل ل 9600 جنيه:
الحملة ديه نقدر نحطها في قائمة أفضل حملات التبرعات اللي اتعملت في رمضان 2016 وأتمنى إنها تحقق أرقام أكبر من كدة، في حين إن البعض لسه بيعتبر المزادات على التيشرتات والجزم والكرافاتات للعيبة والفنانين والشخصيات المشهورة في سبيل الخير، الحاجة اللي العالم كله بيعملها وبيقدرها، هي من أمور الهيافة:
عندي علبة مضاد للإكتئاب اخدت منها حباية واحدة ، بعد ما أنتحر ان شاء الله هتتباع في مزاد علني ، ومتبرع بقيمتها لمركز مجدي يعقوب ✋
— الپرنس (@Ahmad_aly_) November 18, 2015
