عشر خطوات لبناء ولاء العملاء

شارك على فيسبوك
شارك على تويتر
شارك على لينكدإن
+

لو انت عندك براند Brand معين بيقدم منتج أو خدمة أكيد بتدور إن العميل بتاعك يحبك وما يبقاش شايف غيرك من المنافسين. فبكل الحب النهارده هنتكلم عن الـ Customer loyalty واللي هي بالعربي: ولاء العميل (وديه درجة عالية أوي من الحب).

يعنى إيه؟!

يعني إن العميل يكون عنده ولاء لبراند Brand معين هو بيحبه، سواء كان الولاء ده ناتج عن المنتج أو الخدمة اللي أنت بتقدمها أو الجودة أو يكون عنده رضا عن البراند Brand أياً كان جودة الخدمة اللي إنت بتقدمها أو إنه يكون بيحبك لله في لله كده

طيب .. بعد ما عرفنا يعنى إيه ولاء العميل Customer loyalty .. إزاي تخلي العميل يكون عنده ولاء للبراند Brand بتاعك؟ .. تعالوا نشوف مع بعض:

 

1. تواصل مع عملائك Communicate with Customers

لازم يكون فى تواصل بينك وبين العميل بتاعك ممكن يبقى عن طريق الـEmail سواء كنت هتبعتله أخبار عن البراند نفسه أو عن العروض الجديدة اللى انت بتقدمه، ولازم يكون فى قاعدة بيانات لكل العملاء اللى عندك علشان يكون فى تواصل بين الـBrand والـ Customers بتوعك.


 

2. قدّم خدمة عملاء محترمة Provide Great Customer Service

من الحاجات المهمه واللى بتأثر على ولاء العميل هي خدمه العملاء. كل واحد فينا له تجربة في الموضوع ده. فيهم اللي بيحاول دايماً يرضيك ويهتم بمشكلتك ويحاول يحلها، وفيهم اللى ما بيعملش ده، وعلشان كدة لازم تكون مهتم جدا برأي العميل فيك.

ااا

 

3. إهتم بولاء الموظفين Build Employee Loyalty, Too

ماينفعش يبقى “باب النجار مخلع” تبقى بتدوَّر على أن يكون العميل بيحب البراند بتاعك، ويكون الناس اللى بتشتغل في المكان نفسه معندهمش ولاء له، لازم تعرف إنه طول ما أنت بتحاول تكسب ثقه الموظفين بتوعك أكيد هما هيكونوا مبسوطين إنهم بيشتغلوا فى المكان ده، وده بينعكس على العميل بتاعك.

fff

 

4. درّب الموظفين Train Employees Thoroughly

الناس اللى بيشتغلو معاك لازم تدربهم كويس جداً لأن هما واجهة الشركة، وكل ما كان التدريب كويس كل ما كان أداءهم أحسن في التعامل مع العميل


 

5. عروض .. عروض .. عروض Provide Customer Incentives

إنك تعمل عروض على المنتج أو الخدمة بتاعتك زي مثلاً إنك تقول للعميل اشترى اتنين وخد واحدة هدية أو تعمل خصم على منتج معين أو تقدم له حاجه ببلاش لو اشترى منك.. لازم تتأكد إن الحافز اللي بتقدمه للعميل بتاعك بيخدم الـBrand نفسه مش بيتعارض معاه.

نكرر تاني: لازم تتأكد إن الحافز اللي بتقدمه للعميل بتاعك بيخدم الـBrand نفسه مش بيتعارض معاه


 

6. عرّفهم بمنتجاتك Promote Product Awareness

اتأكد إن فريق العمل بتاعك فاهم هو إيه هو المنتج اللى بيقدمه وعارفين كل حاجه عنه، كمان عارف إيه نقاط القوة اللي فيه مقارنة بالمنتجات المنافسة علشان يقدروا يقدموه للعميل بأفضل شكل.

7. السمعة Build a Reputation for Reliability

واحدة من الحاجات المهمة جداً واللي بتفرق مع العميل إنك تقوله إنك هتقدم الخدمة كذا في الوقت المحدد، زي مثلاُ لو هتطلب أوردر من مطعم وقالك بعد نص ساعة لازم يكون موجود فعلاً فى الوقت المحدد.

ليه؟ .. لأنه لو اتأخر عن معاده ببقى أنت خلاص أخدت فكره إن المطعم ده بيتأخر في مواعيده، وبالتالي ده بيحط الـBrand نفسه في مشكلة إنه مش صادق في كلامه مع العميل.


 

8. إصنع سياسة خدمة عملاء قابلة للتطوير المستمر Be Flexible with Policies

ما ينفعش لو العميل طلب خدمة ضد سياسة أو نظام الـBrand إنك تقوله “ممنوع”، من غير ما يكون فى في سبب واضح أو من غير ما تسمع وجهة نظره، لازم تسمع وتشوف المشكلة من وجهه نظره هو وتحاول تحلها .. انسى خالص كلمة ممنوع بدون أسباب أو إنك تسمع للعميل


 

9. ماتخليش التكنولوجيا تأثر عليك Don’t Hide Behind Technology

العميل لازم يحس انه بيكلم شخص، مش إنسان آلي، حد يتجاوب معاه حسب مشكلته. المشكلة دى بتحصل كتير فى شركات بيقولو على خدمه العملاء عندهم حافظين، ما ينفعش تتعامل مع العميل على إنك حافظ لو سألك كذا ترد بكذا.


 

10. نادي على عملائك بأسمائهم Address Customers by Name

ده باختصار كده لما تتصل بخدمه العملاء في أول مرة فياخد بياناتك، وتانى مره تلاقيه بيقولك أهلاً يا أ/ أحمد.. لازم تفكره إنك مهتم بالعميل بتاعك وإنك تكون عارف بيناته، دى بتقربك من العميل بتاعك والعميل نفسه بيحس إنه مهم.

لللل

 

الإنفوجرافيك اللى جاي بيوضح قيمة إن يكون العميل عنده ولاء loyalty للـ Brand بتاعك وأنت هستفاد إيه من ده:

06f7852f332f90761b1b9b3ebc1cd93c

منتظر آرائكم 🙂

شارك على فيسبوك
شارك على تويتر
شارك على لينكدإن
+