ليه محتاج تحضر مؤتمر Arab Affiliate Summit 2017؟

شارك على فيسبوك
شارك على تويتر
شارك على لينكدإن
+

السنة دي، وللمرة الرابعة، هيتم تنظيم مؤتمر AAS  أكبر تجمع للمسوقين بالعمولة في الوطن العربي. المؤتمر بقاله 3 سنين بيتعمل وبيستضيف مجموعة مميزة جدا من المهتمين والخبراء في المجال ده، وناجح في إنه دايما يكون بداية لعدد كبير جدا من المهتمين بالمجال، ومجال تطوير مهم ومساحة لزيادة المعرفة واختبار طرق جديدة وأفكار مختلفة في المجال.

المؤتمر السنة دي أكبر من كل سنة فاتت، وبيشمل مجموعة من المفاجآت اللي تخلي حضور المؤتمر تجربة مهمة جدا لأي حد عايز يتعرف على التسويق بالعملة أو حابب يدخل المجال، أو مهتم بتطوير معرفته بيه:

 

السنة دي فيه ورش عمل Workshops:

السنين اللي فاتت، المؤتمر كان بس بيشتمل على محاضرات متنوعة في المجال، لكن السنة دي فيه مجموعة مميزة من ورش العمل، وهتبقى فرصة ممتازة لاكتساب خبرة عملية وتجربة حاجات مختلفة بشكل مباشر مش بس معرفة نظرية.

شوف قايمة ورش العمل وسجل من دلوقتي قبل ما تخلص من هنا!

 

حضور أكبر مسوقي العمولة في العالم!

السنة دي في مفاجأة كبيرة وتطوير مهم للمؤتمر، هيكون من ضمن المتحدثين 2 من أكبر وأتقل الأسامي في مجال التسويق بالعملة والتسويق بالمحتوى:

نيل باتيل Neil Patel:

 

تقريبا أكبر وأشهر الأسامي في المجال، بيدخل على المدونة بتاعته أكتر من 3.5 مليون مستخدم شهريًا! وشريك مؤسس لـ Crazy Egg, Hello Bar و KISSmetrics. اسم كبير وملهم ومعلم تقيل أوي، هيدي محاضرة وورشة عمل ما ينفعش يفوتوك!

والعبقري Charles Ngo، واحد من أكبر وأهم المتحدثين في المجال، وصاحب مدونة Charles Ngo الشهيرة لتعليم التسويق بالعمولة والمحتوى بتاعه بيقراه ملايين شهريا.

 

ومش هم دول بس الأسامي الحاضرة للمؤتمر، ممكن تشوف ليسته المحاضرين هنا.

 

محتوى بيتقدم لأول مرة في المنطقة العربية:

المحتوى اللي بيتقدم السنة دي مختلف عن كل سنة، اتقل وأعمق بكتير جدا!

لأول مرة حد بحجم Neil Patel هيتكلم عن الGrowth Hacking. وتراك كامل عن تقنيات الcashback وازاي تبدأ موقع E-commerce من الصفر تماما. ومش بس كده، السنة دي لأول مرة هيكون فيه تراك كامل عن الFacebook Ads بس بمحتوى متقدم جدا، وكمان Google Analytics.

والجزء اللي أثار انتباهي شخصيا هو محاضرات Oliver Kenyon و Com Mirza عن إزاي تستغل الأفيلييت في بناء Assets ليك والاستثمار بشكل سليم.

أجندة المؤتمر السنة دي غنية جدا، وتستاهل إنك ما تفوتش ولا session ولا workshop وتفرغ نفسك تماما ال3 أيام دول لحضور كل حاجة!

عشان تعرف أكتر، شوف أجندة المؤتمر من هنا

 

فرصة للتشبيك وتكوين علاقات Networking:

كونه أكبر مؤتمر تسويق بالعمولة في العالم العربي بيديك فرصة كبيرة للتشبيك والتعرف على المهتمين بالمجال وتكوين علاقات وصداقات مع العاملين فيه، وكمان التعرف على معظم شركات التسويق بالعمولة سواء المعلنين او شبكات الافليت  والي بتقدر تتواصل معاهم بشكل مباشر في الوطن العربي وتقوي علاقاتك بممثيلنها .

 

إمتى المؤتمر وإزاي تحضر؟

المؤتمر هيكون يوم 12-13-14 أكتوبر  في إنتر كونتننتال سيتي ستارز.
سجل دلوقتي عن طريق موقعهم، والحق تذكرتك من بدري
من هنا (احجز من هنا)

 

شارك على فيسبوك
شارك على تويتر
شارك على لينكدإن
+