هذا ما فعلته كوكاكولا ولم تفعله معظم البراندات الكبرى

شارك على فيسبوك
شارك على تويتر
شارك على لينكدإن
+

مفيش شك ان السنة دى معظم الناس مهتمة اوى بالاعلانات و بيتابعوها و يستنوها زى ما بيعملوا مع المسلسلات و يمكن فى ناس بقت تعتبر الاعلانات أمتع من المسلسلات. بس للأسف كل الناس ركزت مع الاعلانات فى التلفزيون بس ! – طبعا محدش يقدر ينكر ان التلفزيون فى رمضان واصل لكل بيت و نسبة المشاهدة بتكون عالية – لكن المشكلة ان البراندات اللى ركزوا انهم يعملوا اعلانات .. نسيوا يركزوا على المكان اللى الناس بتقعد فيه اطول وقت .. المكان اللى الناس كلها بتحلل فيه الاعلانات السنة دى .. السوشيال ميديا !

لو ع المشاهدات ممكن بنظرة سريعة نعرف ان نسبة مشاهدة الاعلانات على السوشيال ميديا كانت كبيرة حيث ان اعلان فودافون مثلا عمل أكتر من 1,700,000 مشاهدة على يوتيوب .. الـ teaser بتاع اعلان بيبسى لما نزل اتشاف أكتر من 1,300,000 مشاهدة على يوتيوب فى خلال 3 ايام بس !

طيب امال ايه الموضوع ؟

الفكرة كلها فى رأيى ان معظم البراندات نسيت او كسلت .. عدم اعتمادهم فى التركيز على السوشيال ميديا فى campaigns رمضان  كان ملحوظ لأى حد مهتم بالسوشيال ميديا. الوضع فضل كده لحد ما بدأت كوكاكولا تبدأ بالـteasing للـ campaign بتاعتها.

فى رأيى البراند اللى بيعتمد على السوشيال ميديا بيكون أذكى .. بيعرف يوصل لناس كتير بسرعة فى وقت قليل و مجهود أقل .. ده غير ان اصلا السوشيال ميديا بتخلى البراند أذكى .. اهم قاعدة من قواعد السوشيال ميديا ماركتنج هى ( listening ) طبعا الـ marketer الأذكى هو اللى بيسمع أكتر.

وده اللى كوكاكولا قررت تعمله السنة دى .. تسمع كويس عشان تعرف تنفذ كويس .. الموضوع بسيط يا جماعة، تعالوا مع بعض نشوف ايه اللى عملته كوكاكولا:

مبدأيا اول حاجة قالوها كانت: “احنا سامعينكوا” !

الكلام اللى مكتوب فى الديزاين ده كان هو الكلام اللى منتشر فى السوشيال ميديا على لسان الشباب .. وده يدل انهم فعلا كانوا بيتابعوا ايه اللى بيتقال عنهم قبل ما ينزلوا بالحملة. فى نفس البوست ده فى كومنت اتعمل عليه likes كتير وده خلا كوكاكولا تاخد بالها ان ده رأى ناس كتير، ولذلك هم لتانى مرة عشان بيعرفوا ( يسمعوا ) قدروا يستغلوا الكومنت ده لصالحهم بطريقة عبقرية!

123

كوكاكولا لتانى مرة بتقول احنا سامعين وعملوا التنويه ده قبل ما ينزلوا باعلانات الحملة على طول:

كوكاكولا ضربت عصافير كتير اوى بالفكرة البسيطة دى ، أهمها طبعا انهم فضلوا جنب جمهورهم اللى بيسمعوه كويس وانتصروا للسوشيال ميديا واهميتها. وده خلاهم يبانوا فى نظر كل الناس انهم عايزين بيخدموا الناس أكتر ما يعملوا اعلانات.

– طبعا فكرة الحملة نفسها ( #ثانية_تفرق ) هى حملة global يعنى معمولة فى كذا دولة قبل مصر لكنها فكرة مميزة وبتتكلم عن حاجة بنعانى منها كلنا وهى الحكم المتسرع !

اقرأ أيضاً: ماتحكمش بسرعة | حملات إعلانية أخرى شبيهة بكوكاكولا

كوكاكولا موقفتش على كده وبس .. لكن كمان قررت:

تعتمد على الـ الـ  UGC أو User Generation Content

بمعنى انها تشجع الناس انهم هم اللى يعملوا الـ content

1234

طبعا فكرة زى دى هتخلى كل الناس تشارك .. تعالوا نتخيل لو فى مليون واحد عملوا صورتهم بالهاشتاج ده .. كوكاكولا هتدفع مليون جنيه فى تطوير القرى وقصاد ده هيبقى فى مليون بوست و تويت فيه الهاشتاج بتاع الحملة! .. فكرة تانية عبقرية مكانتش هتتعمل من غير السوشيال ميديا 

 

اللى عملته كوكاكولا ونساه معظم البراندات الكبيرة :

1- انهم سمعوا كويس

2- انهم ركزوا على السوشيال ميديا كويس اوى 

طب ليه بقول ان معظم البراندات التانية نسيت او مركزتش على السوشيال ميديا فى رمضان ؟ .. تعالوا نبص على بيبسى المنافس التقليدى لكوكاكولا عمل ايه على السوشيال ميديا فى رمضان ؟


بيبسي PEPSI

فى اول يوم رمضان صفحة بيبسى غيرت الـ cover والـ p.p بصور تدلة على الكامبين بتاعتهم ( خيوط من نور تجمعنا ) .. ونزلوا ببوست تهنئة بمناسبة رمضان:

4444

بعدها بكام يوم نزلوا بفيديو تيزر، وبعد كده نزلوا بالاعلان بتاعهم من 10 ايام ومن ساعتها مفيش اى تواجد لبيبسى  على الفيسبوك ! .. من 10 ايام مفيش حاجة ليها علاقة برمضان او غير رمضان !

555

طبعا عدم التركيز على السوشيال ميديا واضح جدا من بيبسى لدرجة انهم مقالوش اى حاجة عنعن مشاركة بيبسى فى مشروع إنارة أول قرية فى مصر بالطاقة الشمسية و ده يمكن اللى كان مقصود بيه جملة ( خطوط من نور تجمعنا ) لكن الخبر ده عرفناه من خبر فى جرنان مش من صفحتهم !

6666

اقرأ أيضاً: 10 أسباب جعلت هؤلاء يكرهون إعلان بيبسي – الـ 33 إعلان الأكثر إبداعاً لبيبسي

ده كان بالنسبة لبيبسى .. لو بصينا على صفحة فودافون مثلا هنلاقى انهم عملوا اعلان  عجب ناس كتير وكانوا  مركزين السنة دى على فكرة العيلة واللمة لكن مظهرش منهم مجهود كبير على السوشيال ميديا.


فودافون VODAFONE

مجرد engagement posts لكن مفيش اى ظهور لـcampaign واضحة للسوشيال ميديا:

7777

77777

اقرأ أيضاً: تفاصيل الحرب بين فودافون وإتصالات


إتصالات ETISALAT

* يمكن زى ما كان فى ناس كتير شايفة اعلان فودافون احسن من اعلان اتصالات ( المارد بقى اخضر ):

لكن فى نفس الوقت اتصالات فى رأيى كانت فايقة اكتر على السوشيال ميديا من خلال انهم عملوا برنامج عبارة عن فوايز مدتها صغيرة بإسم (البريك ) من تقديم الفنان احمد أمين اللى اتشهر بحلاقاته على اليوتيوب بعنوان ( ازاى تعمل اى حاجة فى 30 ثانية ).. اخيارهم لفنان محبب لجمهور السوشيال ميديا كان اختيار كويس جدا وده لأن البر نامج بيتقدم بس على السوشيال ميديا:

Screenshot_9

ده غير كمان استخدامهم لـ engagement posts ذكية ومرتبطة برمضان زي:

qqqq

بس الحقيقة فكرة الفوازيرفى براندات كتير عملتها، فمفيش جديد يعني.

اقرأ أيضاً: فضيحة إتصالات الكبرى في رمضان 2015


موبينيل MOBINIL

لو جينا لموبينيل هنلاقيهم طول الوقت بيلعبوا على فكرة #فاعل_خير الهاشتاج اللى ظهر قبل رمضان ومكناش نعرف مصدره لحد ما ابتدت موبينيل تعلن عن الحملة بتاعتها:

صصصص

لكن موبينيل كانت تقدر تستغل الحملة فى الديجيتال ماركتنج بصورة افضل من كده وده وضحناه قبل كده فى المقالة دى

في النهاية؛ من وجهة نظري  إن اكبر البراندات فى مجال الاتصالات و المشروبات فى مصر مكنوش مهتمين أوى بالديجيتال ماركتنج و السوشيال ميديا زى ما شوفنا فى طريقة تعاملهم بس ده ماعدا كوكاكولا فى رأيى ان كوكاكولا انتصرت للسوشيال ميديا فا انتصرت فى سباق السوشيال ميديا !

شارك على فيسبوك
شارك على تويتر
شارك على لينكدإن
+