امبارح نشرنا تقرير نقلًا عن أكتر من مصدر أبرزهم The Economic Times واللي كان بيتكلم عن اتجاه شركة كوكاكولا الجديد في الهند لتقليل المنتجات القائمة ع الكوكا “براند كوكاكولا” وانتاج منتجات صحية اكتر وقايمة على الفاكهة وأقل سعرات حرارية calories. النهاردة لقينا خبر مهم جدًا على npr* بيتكلم عن مسابقة أطلقتها الشركة للعلماء والباحثين لاختراع مُحّلي sweetener جديد يكون مصدره الطبيعة، وقليل أو لا يحتوي على سعرات حرارية calories، وآمن ، ويعطي مذاق السكر لاستخدامه في المياه الغازية، أما الجائزة فهي 1 مليون دولار! وستنتهي المسابقة في أكتوبر 2018.
سلوك المستهلكين الجديد اللي بيحب السكر لكنه في نفس الوقت بيبعد عنه من أجل لايف ستايل صحي أكتر وسعرات حرارية أقل وضع سوق المياه الغازية أمام تحدي كبير، ورغم إن ايجاد مركبات مستخلصة من النباتات زي السكر قد تعتبر من الوهلة الاولى تحدي سهل، لكن الحصول على تركيبة فيها “كل” المزايا اللي بيديها السكر صعب جدًا من الناحية العملية، وسؤال يستحق مليون دولار فعلًا، فهل هاينجح العلماء انهم يجاوبوا على السؤال ده؟ وهل هاتنجح كوكاكولا في العبور لبر الأمان؟
يمكن التقدّم للمسابقة من هنا ، وشاركنا توقعاتك حول المنافسة بين بيبسي وكوكاكولا من خلال هذا الاستفتاء التفاعلي:
