كمل كرمك .. أفضل حملة على السوشيال ميديا في رمضان 2016

195
shares
شارك على فيسبوك
شارك على تويتر
شارك على لينكدإن
+
What's This?

أطلق كل من كنور وليبتون في السابع رمضان السنة ديه حملة جديدة على السوشيال ميديا استكمالًا لحملة #كمّل_كرمك اللي بدأتها من سنتين .. الحملة اعتمدت على ال Click Funding (اتكلمنا عن النوع ده من الحملات قبل كدة من هنا) للتوعية بإعادة استخدام الطعام وعدم إهداره، نظرًا لأن بنك الطعام المصري أكد أن 30% من الأطعمة يتم إهدارها والتخلص منها في مصر والعالم وتصل النسبة إلى 60 % في شهر رمضان، في حين يعاني أكثر من 3.5 مليون مصري من الجوع. هنا ليبتون وكنور بيقولوا للفانز بتوعهم ساعدونا نوصل للهدف ده ، ومع كل شير share للفيديو  حملة “كمّل كرمك” هاتوصل لحد محتاج جديد.

الحملة محققة أرقام خرافية:

في صفحة ليبتون : أكثر من 4 مليون مشاهدة ، أكثر من 28 ألف مشاركة ، وأكثر من 134 ألف لايك.
وفي صفحة كنور: أكثر من 3 مليون مشاهدة، وأكثر من 12 ألف مشاركة ، وأكثر من 70 ألف لايك.

يعني مجمل فوق ال 7 مليون مشاهدة وفوق ال 200 ألف تفاعل.

تعاون مع UBER:

ثم إن الحملة حصل فيها تطور يوم 15 رمضان ، لما أعلنت ليبتون وكنورعن تعاون مع Uber ووسّعوا نطاق ال ClickFunding من خلال “رحلة كمّل كرمك”، الفيديو حقق أكتر من مليون مشاهدة وأكتر من ألف شير، وأكتر من 14 ألف لايك.

تعاون مع CAIRORUNNERS:

وفي يوم 17 رمضان أعلنت ليبتون وكنور عن تعاون مع CAIRORUNNERS لنقل الحملة من السوشيال ميديا إلى الأرض onLINE TO oFFLINE عن طريق جرية الكرم وربطها برضه بالتبرعات والخير:

وده يخلينا نختارها كأفضل حملة على السوشيال ميديا السنة ديه لعدة أسباب:

1- الأرقام اللي حققتها الحملة، احنا بنتكلم في أكتر من 7 مليون مشاهدة في خلال أسبوعين بس.

2- استخدام تكنيك ال ClickFunding المناسب جدًا لرمضان والتبرعات والخير، ورغم إنه بدأ مع UN لكن ملقيناش براندات استخدمته في رمضان رغم إن كانت توقعاتي الشخصية عكس كدة. انت هنا بتحقق Win-Win Situation، بتكسب تفاعل على السوشيال ميديا و brand loyalty والمجتمع بيكسب تعاون منك من خلال ال CSR (المسئولية المجتمعية).

3- تكملة لحملة السنة اللي فاتت، وواضح الفرق الكبير بين السنة ديه والسنة اللي فاتت. وكمان إضافة جيّدة لحملة “حريفة الشاي” اللي كانت branding & positioning جدًا، وحملة “كمل كرمك” كانت engagement جدًا، ال 3 خطوات الأساسية لأي branding campaign متكاملة.

4- التعاون مع شركاء آخرين زي UBER و CAIRORUNNERS والاستفادة من ال community بتاعهم لتحويل الحملة من أونلاين لأوفلاين وجعلها متكاملة.

وباستثناء مأخذين على الحملة .. وهو التارجت الكبير “3.5 مليون محتاج” .. واللي أشك الوصول إليه من خلال ال Shares أو UBER او جرية الكرم بس .. وإن فريق السوشيال ميديا كان ممكن يتضمن معاه ال Views كمان + تجاهل تويتر .. بعيدًا عن الاستثنائين دول بس .. فبراندات كتير للأسف كانت محتاجة تتعلّم من ليبتون وكنور السنة ديه .. وأتمنى نشوف في الأيام الجاية مفاجآت جديدة .. والسنة الجاية تكون أفضل على السوشيال ميديا من السنة ديه.

شارك على فيسبوك
شارك على تويتر
شارك على لينكدإن
+