Gamification كل ما يجب أن تعرفه عن الجايميفيكايشن

شارك على فيسبوك
شارك على تويتر
شارك على لينكدإن
+

اللعب مالوش كبير، من زمان وكلنا بنحب نلعب، سواء لوحدنا أو مع أصحابنا في البيت أو حتى في الشارع. فكرة اللعبة نفسها كانت بتشدنا حتى ساعات كان ممكن نلعب لعبة مع حد مانعرفوش ونتصاحب بعدها وكنا دايماً بنحب فكرة المنافسة ومين هيكسب ومين هيخسر علشان كده ابتدا استخدام فكرة الألعاب مش علشان اللعب بس. سمعت عن مصطلح الـ Gamification قبل كدة؟

صورة

تعريف الـ Gamification:
هو استخدام الألعاب بس مش لللعب وبس، وإنما توظّف لعبة ما لأهداف ترويجية وتسويقية؛ مثلاً تزود بيها اهتمام أو ولاء العملاء ليك.

ليه نستخدم الـ Gamification ؟
لأنك ببساطة تقدر:

  1.  Increase loyalty: تزود ولاء العملاء للمنتج أو الخدمه بتعتك.
  2.  Increase awareness : تخلي ناس أكثر تعرف المنتج أو الخدمه اللي أنت بتقدمها.
  3.  Increase participation: بتزود المشاركة بينك وبين العميل.

صورة2

الـ Gamification بتتعمل على أساس ايه ؟

على أساس حاجتين: Game dynamics & Game mechanics

(1) Game dynamics

الإنسان دايماً بيبقى عنده أهداف معينة من كل لعبة بيلعبها ودا اسمه:
 Human Needs او game dynamics

وهي:

  • Reward: يكون في مكافأة أو جائزة.
  • Status: ترتيبه إيه يعني .. واخد مثلاً  وسام ذهبي أو برونزي أو فضي.
  • Achievement: يكون عارف هو حقق إيه أو المستوى اللى هو فيه.
  • Self-expression: يقدر يكون مميز في إيه أو عمل حاجة تعتبر إنجاز و تخليه مميز.
  • Competition: لازم يكون فيه منافسة في اللعبة بينه وبين أصحابه.
  • Altruism: هي جاية من فكرة الإيثار و معناها تفضيل الاخرين على النفس وده معناه انك تبعت دعوة لى اصحابك و اصحابك يبعتوا دعوة لأصحابهم
    و هكذا مش انت لوحدك بس.
    فيه جزء بيبقى عارفه الـ Game Designer إنه مش معنى إنه عاوز يعمل لعبة فيها إثارة، يعمل لعبة تفضل طول اليوم تلعبها.. الموضوع ده بيتظبط بأنه مثلاً يحدد عدد نقط معين تقدر يجمّعه المستخدم في اليوم الواحد.

(2) Game mechanic

وهي:

  • Points: يكون في نقط بتكسبها.
  •  Levels: يكون في مستويات.
  • Challenges: فكرة المنافسة في اللعبة نفسها هل هي بتعتمد على المهارة ولا الحظ ولا الاتنين مع بعض؟
  • Virtual goods and spaces: عبارة عن الحاجات اللى بيشتريها في اللعبة بتخليه مميز وده بيساعد في إنه يعمل community أو مجتمع جوه اللعبة.
  • Leaderboards: دى بتعرف منها مين الأول و مين التاني و انت ترتيبك الكام ومين قبلك ومين بعدك.
  • Gifts and charity: ممكن تبعت لليوزر هدية علشان بعت دعوة لأصحابه أو وصل لمستوى معين

ونيجي بقى لنقطة مهمة إسمها: Game Mechanics Motivate Behaviors

فده جدول بيوضح العلاقة بين الـ Human Needs و Game mechanic

يعني: إيه اللي الإنسان بيحتاجه من أي لعبة (ال7 نقط اللي قولناهم في ال Dynamics) ؟ ، في المقابل إيه اللى المفروض يكون في اللعبة (اللي قولناهم في ال mechanics) علشان يشبع الاحتياج ده؟

صورة3

وده graph بيبن أكتر 3 مجالات بيتم استخدام الـ Gamification فيهم ، وهم: مجال الإعلانات والتسويق – مجال الترفيه – مجال التكنولوجيا.

صورة4

ودول شوية أرقام عن الـ Gamification:

صورة5

كفاية نظري بقى ، تعالوا ندخل في العملي:

أمثلة عن الـ Gamification

Duolingo

Duolingo بيستخد الـ Gamification علشان يخلى الناس تحب تتعلم عليه اي لغه هما عاوزين يتعلموها.

Microsoft Code Hunt

مايكروسوفت علشان الناس اللى بتحب تتعلم برمجة بس بتزهق من فكره الشرح العاي مايكروسوفت عملت الموقع ده Microsoft Code Hunt
فكرته إنك بتدخل تلعب بكود يا إما JAVA or C وتتعلم برمجة عن طريق اللعب. وكمان كل مرحلة بيبقى فيها مشكله برمجية معينه ولما أنت بتحلها بتاخد نقط عليها.

Nike +

هو أبلكيشن طبق فكرة الـ Gamification على الجرى بيكون فيه نقط على حسب المسافه اللى انت بجريها، تقدر من خلال تحسب المسافة اللى أنت بتجريها وكمان بيقولك ترتيب إيه بين وبين الناس اللى جرى فيكم مسافه أكتر.

Zombies Run!

ده أبلكيشن تاني للناس اللي بتحب الجري فكرته مختلفة شوية عن اللي قبله. بيدخلك في قصه إنه hungry zombies هيغزو الأرض وإن أنت المفروض تهرب منهم

Google Ingress

لعبة جديدة عملتها جوجل بتعمل فيها مزيج بين الواقع والخيال وبتستخد فيها الـGamification

Foldit

FOLD IT اللعبة دى اتعملت فى 2008 من جامعة واشنطن من قسم علوم الحاسب الآلي والهندسة والكيمياء الحيوية. اللعبة دي بتجسد المشكلات العلمية المتعلقة ببناء البروتينات والأنزيمات في أشكال ثلاثية الأبعاد. ناس كتر جداً بتلعبها في محاولة لبناء البروتين بالطريقة الصحيحة والحلول اللي بتاخد درجات عالية.. بتبقى علاج يتم بيه علاج المرضى. وكمان لقوا ناس تقدر تحل مشاكل كتير أخدت من 10–13 سنة علشان الأطباء والعلماء يقدروا يحلوها.

The Speed Camera Lottery

فكرتها تحفة وياريت تطبق فى مصر واستخدم فيها الـ Gamification. هى ببساطه واحد عمل كاميرا بتصور الناس المخالفين للسرعة والغرامة اللى بياخدوها منهم بيدوها للناس الملتزمة بالسرعة.

Carrot

فكرته ببساطة أن Carrot بيكون سعيد لما بتنجز المهمات اللي أنت حددتها لى نفسك خلال اليوم To Do list وبيزعل لما ما تكون ما أنجزتهاش.

Starbucks

McDonald’s

Coca-Cola’s Shake It

انت ممكن كمان تستخدمه فى الإعلانات زى ما كوكاكولا عملت

Samsung Galaxy S4

Code Academy: Badges + Day Counter

موقع ممكن تتعلم منه لغات كتير للبرمجه ، وكل ما بتخلص مستوى وتتعلم لغات أكتر من عليه بيديك أوسمة أكتر:

صورة6

صورة7

M&M: Facebook Game Ads

ممكن كمان تستخدم الـ Gamification زى ما M&M علمت:

صورة8

فالـ Gamification ممكن تطبقه فى كل حاجة زى ما حاولت اوضحلك بالامثلة، بمجرد إنك تعرف هو بيتعمل على اساس ايه وده فى الجزء النظرى اللى فى الأول. ده Course Gamification من موقع coursera:

 https://www.coursera.org/course/gamification

ولو عاوز تعرف تاريخ الـ Gamification ايه ده إنفو-جرافيك عنه:

صورة9

في النهاية حاولت على قد ما أقدر أكون لميت حاجات كتير فى المقال ده بحيث ممكن ترجعلها بعد كده علشان تساعدك فى شغلك في المجال ده. منتظر تعليقاتكم 🙂

شارك على فيسبوك
شارك على تويتر
شارك على لينكدإن
+