رمضان وكهربا في إعلان مان لوك الجديد، والقريب الشبه من إعلان نايك 1996

شارك على فيسبوك
شارك على تويتر
شارك على لينكدإن
+

أطلق مان لوك إعلان جديد في شهر رمضان 2016 حيث يظهر فيه رمضان صبحي وكهربا في مكان مهجور فيه سلاسل وأصوات غريبة ونار، في مواجهة مجموعة من الأشرار (كما شاهدناهم في فيلم Mad Max) حيث يلعبون مباراة صعبة وقوية يعانيان منها في أول الامر ثم ينتصران على فريق الأشرار في النهاية.

الإعلان يذكرنا بإعلان آخر لـ Nike سنة 1996 حيث يظهر مجموعة من اللاعبين أمام مجموعة من الشياطين لينتصرا عليهم في نهاية الأمر:

هناك العديد من المشاهد قريبة الشبه من إعلان Nike وإن كان المنتج مختلف والرسالة أيضًا. أنت هنا قوي ومتمكن بالكرة مع Nike وتنتصر حتى على الشياطين أنفسهم، أما في “مان لوك” فأنت أكثر رجولة وخشونة وقوة حتى في مواجهة أشرار مثل هؤلاء، ومن قوة التثبيت ميتهزلكش شعرة.

في تقييمي لا تعتبر هذه سرقة، فكما تعلمنا من كتاب Steal Like an Artist ، حيث أنك يمكن أن تستوحي أفكارك من أفكار أخرى مع بعض التعديلات البسيطة التي تجعلها مختلفة. فكـ Art Direction هو متأثر به ومستوحى منه بشدة، لكن ك Creative Direction فهو مختلف. نقدي الوحيد أن الإعلان لم يظهر البطلين more tough (يعني كانوا محتاجين مشهد كمان يظهروا فيه شدتهم وقوتهم أكتر) فيوصل الإعلان في النهاية إحساس القوة والرجولة اللي عايز يوصلها مع المظهر الجميل طبعًا خاصةً إن الإعلان بيطلع برة الصورة النمطية لإعلانات الجيل الأخرى حيث تعتمد معظم الإعلانات على المظهر الجميل والـ more sexy ، وده ال direction اللي واخداه “مان لوك” في إعلاناتها دايمًا.

أما الجدير بالذكر إن إعلان Nike كان محاولة فاشلة للدخول في ال European Market حيث تم نقده بشدة وتم منع إذاعته في التليفزيون، إضافةً إلى أنه لم يظهر البراند كأكثر أداءًا وسرعة وإبداعًا بل أظهره كأكثر عنفًا وتعجرفًا ! ، وده علّم Nike إن ال Aggressive Approach اللي كان بينفع في أمريكا مينفعش في أوروبا نظرًا لاختلاف الثقافات، وإن مش كل حاجة بتنفع Local نقدر نطبقها كـ Global Strategy أو العكس. ده نفس النقد اللي قدمناه لكوكاكولا في أول إعلان ليها “دوق اللحظة” لما جابت إعلان Global وقامت بتعريبه فقط، لكن الإعلان في النهاية ماكانش مصري، ولا جاب شخصيات مصرية ولا مشاهد مصرية، فكانت النتيجة في النهاية إن الإعلان محدش إهتم بيه على عكس كل إعلانات كوكاكولا السابقة اللي كان الناس بيهتموا بيها بشكل كبير وبتviral بقوة نظرًا لأنها كانت localized على الثقافة واللون المصري فكان البراند محبوب أكتر.

شارك على فيسبوك
شارك على تويتر
شارك على لينكدإن
+