أفكار لحملات ديجيتال لزيادة التفاعل على إعلانات رمضان -(1) موبينيل & لمار

شارك على فيسبوك
شارك على تويتر
شارك على لينكدإن
+

شارك فى هذا المقال: محمد عمر ، أحمد سمير


كلنا واخدين بالنا إن رمضان السنة دى مختلف عن كل السنين اللى فاتت لأن نسبة المتابعيين للإعلانات زادت، لكن برغم عدد الناس الكبير اللى تابع TV Ads لاحظنا إن معظم الحملات تجاهلت تماماً الجانب الـ Digital، إنها تعمل تكامل لحملاتها مع السوشيال والديجيتال ميديا (مش بس video ads على يوتيوب وفيسبوك)، رغم إن كل التقارير برة بتتجه نحو تأثير ال digital media الإيجابي على إعلانات التليفزيون وقد ايه هي بتزود التفاعل معاها، وبتحقق أهدافها بنسبة أكبر. 

عشان كدة إحنا قولنا نجرب مع 4 حملات كبيرة على التليفزيون، وحطينا نفسنا مكانهم، ياترى لو كنا هانعمل الجزء الخاص بال Digital activation كنا هانعملها ازاي؟، وده الجزء الأول من المقال، هانبدأ مع أول 2، موبينيل، ولمار:

(1) موبينيل Mobinil

 

لو كنا ماسكين الديجيتال الخاص بحملة #فاعل_خير لـ موبينيل كان نعمل حاجة من الأفكار ديه:

1 – كان ممكن موبينيل تعمل موبيل Mobile App الناس تقدر من عليه ترفع عليه مهام خير عملتها من خلال صور وفيديوهات وكلام على شكل Notes (زي في Google Keep مثلاً ، أو tumblr) .. بحيث يبقى مع موبينيل كمية كبيرة جداً من ال User Generating Content اللي تقدر تستخدمها في نشرها على موقع خاص يبقى زي مجتمع كامل “Fa3elkheir.org” الناس تشوف كل اللي عمله غيرها، ترفعه على صفحتها على فيسبوك أو تويتر أو إنستجرام والقصص اللي هايكون عليها تفاعل كبير كل شهر هاتكرمهم، أو ياخدوا نقط بكمية الـ likes اللي هاياخدوها، وبيها ياخدوا نقط، وكل ما تزيد النقط كل ما ال rank بتاعها يعلى، ويقدروا يبدلوها بجوايز أو يتكرموا زي ما قولنا بشكل دوري من موبينيل، ويبقى في زي دوري فاعل خير، وحاجة شغالة طول السنة مش شهر رمضان بس. 

2 – عدد التويتات اللي اتكتبت على هاشتاج #فاعل_خير حتى الآن: 6963 تويتة، هي رقم كويس بالمناسبة. بس إحنا كنا هانعمل حملة على تويتر مختلفة؛ إن كل تويتة هاتتكتب على الهاشتاج ده هايبقى قصادها مبلغ 1 جنيه مثلاً من موبينيل كتبرعات لمشروع خير معين، ويبقى الهدف إن موبينيل نفسها تخللي الشعب كله يشارك في الخير، يعني لو شارك 1 مليون ، فده مش رقم يعني!، بس تخيل كمية ال engagement اللي هاتحصل.

3 – كان ممكن موبينيل تطلق مع الحملة 30 يوم حدث خير جديد، بحيث الشباب ينزلوا يشاركوا فريق موبينيل في الخير ده، ويرفعوا تجربتهم على الهاشتاج كل يوم، واليوم اللي بعده يبقى فيه حدث جديد، أحداث متنوعة، وبسيطة، مع giveaways من فريق موبينيل، كان هايبقى على الحملة كمية تفاعل كبير أوي. وبكدة إنت هاتكون عملت ميكس بين ال online & offline، وخلقت WOM كبيرة، وحسست الناس بالقيمة مش مجرد إعلان وأغنية ظريفة وخلاص.

(2) لمار Lamar 

 

“500 حقيقة ملهمة”  ده كان عنوان حملة لبن لمار فى رمضان السنة دي، ويالها من فكرة سهلة وجاية على الجاهز 😀 . الإعلانات كانت فكرتها حلوة وكانوا بيعرضوا فيها مميزات لبن لمارعن اى لبن تاني و ده كان كويس جدا فى TV ِAds ، ولو كنا إحنا اللي ماسكين الديجيتال كنا عملنا حاجة من الأفكار ديه:

1-  طبعاً أسهل حاجة إننا ننزل كل يوم بحقيقة من الـ 500 دول ونتكلم عنها شوية، ونخلق نوع من ال shareable content حواليها. يعني معاك 500 يوم كاملين مش الشهر ده بس!. 

2- أو إننا نعمل موقع بـ user experience تكون مجنونة شوية، تعرض فيها ال 500 حقيقة ملهمة بإستخدام الصورة بتاعة المزرعة والبقر ومنتجات لبن لمار على ترابيزة مثلاً ، مع أصوات البقر والجرارات واللبن وهو بينزل في الكباية عشان تشربه، وكل ما تروح لسهم من الأسهم في المزرعة ديه يطلعلك pop-up بالحقيقة، وتقدر تعملها share على فيسبوك وتويتر. وكل ما الويب-سايت كان creative وجميل كل ما هايشد انتباه الناس وهايشجعهم يشيروه ويتكلموا عنه.

** وممكن ندمج ال Gamification هنا، بإستخدام البقرة ومنتجات لمار، وتدور على ال 500 حقيقة، وكل ما تلاقي حقايق أكتر، تاخد نقط أكتر، وبالنقط ديه تقدر تبدلها بهدايا في sales points (زي هايبر – كارفور) من هناك.

3- أو نصمم Vending Machine فيها علب لبن لمار مربوطة بتويتر، ويبقى في هاشتاج زي #500حقيقة_عن_اللبن_الصحي ونكتب عليها احصل على لمار مجاناً بتويتة، واللي يتوييت على الهاشتاج ده، الماكينة تلقط ب technology مستخدمة برة ومعروفة إنها تنزله علبة لبن.

خلصنا الجزء الأول سريعاً، واستنوا مننا الجزء التاني، وقولونا لو كنتوا مكانهم كنتوا عملتوا ايه؟، وأحسن أفكار هانحدث بيها المقال.

 

شارك على فيسبوك
شارك على تويتر
شارك على لينكدإن
+