وسع_للقطة

تقرير عن حملة NRJ Egypt “وسع للقطة”

شارك على فيسبوك
شارك على تويتر
شارك على لينكدإن
+

بدأت إنرجي اف ام  Teasing campaign ” الحملة التشويقية اللى بتكون قبل الحملة الأساسية” بشكل مختلف وكان عنوانها “وسع للقطة” و  #المزيكا_لعبتها 😀 اللى كتير مننا جه فى دماغه Brands تانية كانت قريبة من فكرة القطة


ودي بعض ردود الناس لما سألناهم تفتكروا ده إعلان ايه 😀

تخمينات حملة وسع للقطة

بعد شهور من التحضير، بدأت إذاعة إنرجي في مصر بأيفينت كبير كان فيه عدد من النجوم المعروفين على مستوي الإذاعة،
الإذاعة دي مختلفة من نوعها لأن هدفها انها تقدم محتوى مناسب للشباب وبالتالي هتكون منصة كويسة لشركات الإعلانات اللى عايزه توصل للشباب أو بتستهدفهم في إعلاناتها.




بدأ حفل الافتتاح مدير الإذاعة في مصر الدكتور وليد مصطفى واتكلم عن ” أن الإذاعة فى مصر هتكون بتخدم الشرق الاوسط كله و هتبقى متخصصة في الموسيقى باللغتين الإنجليزية والعربية وهتكون بستهدف الشباب من 13 و30 سنة.

NRJ OPENING

Publié par NRJ Egypt sur dimanche 2 avril 2017



وقالت عايدة سعودي، العضو المنتدب، إن “إذاعة إنرجي هتقدم 22 برنامج في مصر واللى هيكون فى اختلاف وتنوع كبير فيهم بحيث انها تكون بتناقش كل المواضيع اللى الشباب مهتم بيها والبرامج هيكون ليها ذوق مختلف عن البرامج الإذاعية اللى الناس اتعودت عليها، وقالت أن الإذاعة دي هي الأولى من نوعها في مصر وأن تنوع البرامج اللى فيها هتعجب قطاع كبير من الشباب.
تقدروا تتابعوا إذاعة إنرجي اف ام هتكون على تردد 92.1 اف ام تقدروا تتابعوها

Energy FM opening event #NRJ

Publié par Digital Boom sur dimanche 2 avril 2017


وفي نفس الحفلة اتكلم عن أن السوق المصري فيه فرصة كبيرة للمنافسة و انهم يقدروا يقدموا محتوى مناسب للشباب وبعد كده الإذاعة هتبدأ التوسع فى الشرق الاوسط وافريقيا بعد كده.


بشكل عام الإذاعة هتكون منصة ممتازة ومختلفة لـ Brands وشركات الإعلانات اللى بتقدم منتجاتها للشباب لأن وجود الإعلان فى منصة أو قناة بتستهدف الشباب بس ده هيساعد بشكل كبير ان المنتج يوصل للتارجت المناسب ليه، طبعا اختلاف والتنويع بين القنوات اللى انت بتعمل عليها الإعلان بتاعك زي ان المستخدم يشوف الاعلان مرة ويسمعه مرة وممكن يجربه مرة فى اي ايفينت بيساعد بشكل كبير انه ياخد قرار الشراء.

 

شارك على فيسبوك
شارك على تويتر
شارك على لينكدإن
+