تقرير: إعلانات رمضان الأكثر مشاهدةً وتفاعلًا على السوشيال ميديا

20
shares
شارك على فيسبوك
شارك على تويتر
شارك على لينكدإن
+
What's This?

بأكثر من 30 اعلان للعديد من البرندات والجمعيات الخيرية؛ بدأ السباق الإعلاني في رمضان قويًا في أول 5 أيام منه. النهاردة حضرنالكم التقرير ده اللي رصد: عدد المشاهدات على فيسبوك ويوتيوب – التفاعل على فيسبوك – عدد التويتات التي تحدثت عن كل إعلان. وننوه أننا بدأنا الرصد من ليلة رمضان الأولى وحتى 10/6/2016 في تمام التاسعة مساءًا.

هذا التقرير تم إعداده بالتعاون مع فريق عمل Digital Boom

عدد المشاهدات على فيسبوك:

اتجهت معظم البراندات على عكس السنة اللي فاتت إلى فيسبوك كمنصة لاستضافة إعلاناتها والتركيز عليها وعمل sponsor لها من بعض البراندات. في قطاع الاتصالات telecommunication ؛ حققت فودافون أعلى عدد مشاهدات بأكثر من 8 مليون مشاهدة. وفي قطاع ال FMCG حققت جهينة الأعلى مشاهدة بأكثر من 680 ألف مشاهدة لمجموع إعلاناتها الثلاثة.

Screenshot_72

عدد المشاهدات على يوتيوب:

لم تهتم البراندات زي السنة اللي فاتت بيوتيوب في أول يومين، ثم بدأت بعضها في الاهتمام بها في آخر 3 أيام. فودافون برضه الأعلى مشاهدةً. وفي قطاع ال FMCG حققت جهينة الأعلى مشاهدة بأكثر من 770 ألف مشاهدة لمجموع إعلاناتها الثلاثة، والملفت إن الفرق بين جهينة واتصالات 4 آلاف مشاهدة فقط.

Screenshot_76

التفاعل على فيسبوك

ورغم الانتقادات الكتيرة الموّجهة لإعلان فودافون، ووصف البعض ليها بإنها ميزانية ضخمة وفكرة أكليشيهية؛ لكن لما رصدنا التفاعل على الإعلانات على فيسبوك من حيث عدد الكومنتات، ال reactions ، وكمان الشير، تفوقت فودافون في ال3 معايير بشكل كبير جدًا، لدرجة تصل إلى ضعف مجموع التفاعلات على بقية البراندات مجتمعةَ !. وكانت أغلب الكومنتات على إعلان اتصالات متجاهلة تمامًا الإعلان، وكان أغلبها customer service (السؤال عن العروض والخدمات).

Screenshot_74

عدد التويتات التي تحدثت عن الإعلان:

وعلى منصة تويتر، رصدنا ال conversations (المحادثات) حول الإعلانات الـ6، استخدمنا الkeywords التالية:

جهينة: اعلان جهينة، الدندو
اورانج: اعلان اورنج، orange Ramadan
فودافون: العيلة الكبيرة، اعلان فودافون، فودافون رمضان، فودافون ليلي علوي.
اتصالات: تخيل بكرة، اعلان اتصالات، اتصالات اصالة.
لبنيتا: sawsan w soad، سوسن وسعاد، اعلان لبنيتا، لبنيتا رمضان.
قطونيل: اعلان قطونيل، القاعدة المصري، قطونيل.

 Screenshot_75

وكانت النتيجة تفوّق اتصالات بأكتر من 21 ألف تويتة بفرق عدد صغير من التويتات عن فودافون، ويمكن اللي ساعد كلا البراندين من العدد الكبير ده هو ظهور ليلى علوي في اعلان فودافون، أو أغنية أصالة في اعلان اتصالات. ده قد يثبت إن استخدام الأغنية Music Marketing في الإعلان وخاصةً من مغنية ليها وزنها ومحبيها زي أصالة من العوامل المهمة اللي بتخلق حواليه conversation كبيرة وتخليه يمشي viral. مع ذلك نقدر نقول إن إعلان جهينة قدر يخلق محادثة ليها وزنها في مجموع المحادثات (أكتر من 6400 تويتة) بس بإيفيه “الدندو”، ولولا ليلى علوي وأصالة كان اعلان جهينة هو اللي تصدر المحادثة. وعامةً مع date range اوسع وأكتر من ال 5 أيام دول نقدر نشوف النسب فيها تغير كبير.
الـ Insight الأكثر غرابة هو إعلان “دايس Dice” اللي رغم كونه fontal attack على قطونيل، كان ممكن يحقق أرقام أعلى منه بكتير، بس للأسف أصحاب البراند مالهومش أي تواجد على السوشيال ميديا أو الإنترنت واكتفوا بالـ TV ، وده يخلينا نسأل سؤال مهم جدًا: هو لسه في ناس بتصرف ميزانيات قد كدة على الـ TV ومش عايزة تعمل allocation لحتى 10% من الميزانية للسوشيال ميديا؟؟
ده كان تقريري للأسبوع الأول من شهر رمضان، تحديدًا أول 5 أيام، وانتظروا مني تقرير كل أسبوع عن أكثر الإعلانات مشاهدةً وتفاعلًا على السوشيال ميديا في رمضان.
حقوق الملكية الفكرية للتقرير محفوظة للموقع، ويحظر استعماله تجاريًا دون العودة إلى الموقع من خلال مراسلتنا على: [email protected] وأخذ موافقة كتابية منّا.

 

شارك على فيسبوك
شارك على تويتر
شارك على لينكدإن
+