تقرير: إعلانات رمضان الأكثر مشاهدةً وتفاعلًا على السوشيال ميديا (2)

28
shares
شارك على فيسبوك
شارك على تويتر
شارك على لينكدإن
+
What's This?

قارب شهر رمضان علي الانتهاء ومعه اقتربت نهاية السباق الاعلاني. واستكمالا للتقرير اللي نزلناه عن أكتر الاعلانات مشاهدةً وتفاعلاً علي السوشيال ميديا في ال 5 أيام الاولي من رمضان. (من هنا)  .. النهارده و بعد مرور 20 يوم من رمضان و معظم ال brands نزلت بحملاتها الإعلانية .. رصدنا اكتر اعلانات الناس تفاعلت معاها و شافتها علي السوشيال ميديا:

 

الأكثر مشاهدةً على FACEBOOK:

– استطاعت اتصالات ب 4 أعلانات تحت شعار “تخيل بكرة” انها تحتل المركز الاول ب 20 مليون مشاهدة علي الفيسبوك متفوقة علي فودافون الي حققت بإعلان واحد 18 مليون مشاهدة بفارق 2 مليون لصالح اتصالات.
– أما كنور وليبتون و حملة “كمل كرمك” اللي أطلقوها علي السوشيال ميديا حصلت على إجمالي نسبة مشاهدة أكثر من 7 مليون مشاهدة.
– وجاءت حملة اوارنج الجديدة “من المدفع للمدفع” ب 3 اعلانات في المركز الرابع  محققة نسبة مشاهدة 5 مليون و 360 الف.
– أما المركز الخامس فكان من نصيب جهينة بإجمالي 5 أعلانات حققت نسبة مشاهدة 4 مليون و 901 الف وكان أكتر اعلان محقق نسبة مشاهدة هو إعلان الدوندو

Screenshot_26

وأحب أقول 3 ملاحظات هنا:

– بالرغم ان فودافون حصلت علي المركز الثاني الا ان من الملاحظ ان إعلان العيلة الكبيرة كان بيحقق يوميا نسبة مشاهدة 900 الف و دي اكبر نسبة مشاهدة يومية إلى الان في السباق الرمضاني.
– كان من المفترض إن إعلان مؤسسة مجدي يعقوب أرسم قلب يكون معانا في أكثر أعلانات مشاهدة علي الفيسبوك الا أن تأخرهم في رفع الفيديو علي الفيسبوك الي اليوم الثاني من بعد اطلاق الاعلان علي التلفزيون فوت فرصة كبيرة في أن الاعلان يحقق نسبة مشاهدة أكبر من الي حققها الان وهي 422 ألف مشاهدة.
– كوكاكولا وبيبسي للأسف برة السباق تمامًا على عكس السنة اللي فاتت ، ودخولهم كان هاديء جدًا ويمكن هانتكلم عنه بالتفصيل في مقال آخر.

*اقرأ أيضاً:
إعلان مجدي يعقوب “ارسم قلب” يحقق رقم قياسي في أقل من 4 ساعات
إعلان مجدي يعقوب يتفوق على فودافون واتصالات

 

الأكثر مشاهدةً على YOUTUBE:

النتائج علي يوتيوب اختلفت شوية عن فيسبوك:
– على يوتيوب احتلت أورانج المركز الاول بنسبة مشاهدة 7 مليون و 600 الف متفوقة علي فودافون اللي حققت 5 مليون مشاهدة و اتصالات اللي حققت 5 مليون 792 الف.
– ونال المركز الثاني اعلان جهينة بإجمالي 5 مليون و897 الف مشاهدة لل 5 أعلانات وكان أكثرهم مشاهدة هو إعلان الدوندو بعدهم إعلان إتصالات بنسبة مشاهدة 5 مليون و 792 الف مشاهدة لل 4 إعلانات كان أعلاهم مشاهدةً هو إعلان “تخيل بكرة”.
– رغم أرقام بيبسي القليلة على فيسبوك إلا إنها كانت زي أورانج محققة أرقام كبيرة ومنافسة على يوتيوب، وكوكاكولا خارج السباق تمامًا.

Screenshot_27

الاكثر تفاعلًا على FACEBOOK:

– بأكثر من مليون ( لايك و كومنت و شير ) علي فيسبوك حجزت فودافون موقعها في المركز الاول بلا منازع بفارق أكتر من نصف مليون interaction عن اتصالات الي حصلت علي أكثر من نصف مليون تفاعل على 4 أعلانات.
– كنور و ليبتون وحملة “كمل كرمك” حصلوا علي تفاعل كبير جعلهم يحصلوا علي المركز الثالث بجدارة متفوقين علي جهينة و الدوندو باكتر من 60 الف interaction حيث حصلت كنور و ليبتون علي 254 الف interaction بينما حصلت جهينة علي 5 أعلانات 196 الف interaction.

الإعلانات الأكثر تفاعلا على فيسبوك في رمضان - إعلانجي

* ولو بصينا على معدلات المشاركة Shares على فيسبوك ، هانلاقي إن فودافون حصلت على 299 ألف Share وهو ما يمثل نسبة 66% من مجموع ال Shares اللي حصلت عليه البراندات ال8 .. يعني ضعف عدد الshares اللي حصلت عليه بقية إعلانات رمضان تقريبًا:

الإعلانات الأكثر تفاعلاً ومشاهدة في رمضان - إعلانجي

وحتى على مستوى ال Likes ، كان مجموع ال likes اللي حصلت عليها فودافون أكتر من 925 ألف لايك (هايبقى أول براند يحقق مليون لايك الشهر ده) يساوي مجموع اللايكس اللي حصلت عليه بقية البراندات:

Screenshot_30

الاكثر تفاعلًا على TWITTER:

وأخيرًا ، رصدنا عدد التويتات زي المرة اللي فاتت اللي اتكلمت على كل البراندات، فوجدنا فودافون متفوقة على بقية البراندات ب أكتر من 42 ألف تويتة، تلتها اتصالات، ثم مؤسسة مجدي يعقوب ، ثم حملة جهينة.

وهنا في ملاحظتين:
1- تصدر مؤسسة مجدي يعقوب المركز الثالث على تويتر إلا إنها محققتش نفس المرتبة على فيسبوك وتويتر وذلك لإنهم اتأخروا يوم كامل في رفع الإعلانات، فاتخلقت المحادثة على تويتر والمؤسسة ماستفادتش على ال Platforms بتاعتها على فيسبوك ويوتيوب بالوجه الكافي.
2- رغم تحقيق مؤسسة مجدي يعقوب أرقام قياسية في أول 24 ساعة على تويتر متفوقة على فودافون واتصالات إلا إن في المجمل لاحظنا تفوق فودافون.

Screenshot_31

في النهاية نقدر نلخص التقرير ده بإن في سيطرة السنة ديه للTelecom Industry ، حيث أن فودافون هي الأكثر تفوقًا على فيسبوك وتويتر تليها اتصالات، بينما كانت أورانج الأكثر تفوقًا على يوتيوب تلتها اتصالات.

ده كان تقريري الثاني ، واللي شمل أول 20 يوم من رمضان (نتائج هذا التقرير من 1 رمضان وحتى 19 رمضان الساعة 11:30 ليلًا.) .. وانتظروا مني تقرير أخير عن أكثر الإعلانات مشاهدةً وتفاعلًا على السوشيال ميديا طوال شهر رمضان آخر الشهر.

حقوق الملكية الفكرية للتقرير محفوظة للموقع، ويحظر استعماله تجاريًا أو من قبل الصحفيين أو الإعلاميين دون العودة إلى الموقع من خلال مراسلتنا على: [email protected] وأخذ موافقة كتابية منّا.

شارك على فيسبوك
شارك على تويتر
شارك على لينكدإن
+