Voxera

انترفيو: مع عمرو الجبالي مؤسس مشروع “فوكسيرا”

شارك على فيسبوك
شارك على تويتر
شارك على لينكدإن
+

فوكسيرا” واحد من المشاريع الناشئة المصرية اللي بدأت حملة تمويل جماعي على kickstarter الحملة خلال 24 ساعة جمعت أكتر من خمسة آلاف دولار، لما اتواصلنا مع صاحب الفكرة عمرو الجبالي وهدفنا نعرف أكتر عن فوكسيرا كفكرة لمنتج جديد هيستفيد منه الناس اللي بيسافروا خارج دولتهم بشكل مستمر.

في الأول حبينا نتعرف على عمرو الجبالي

عمرو الجبالي

عمرو الجبالي: كنت شغال Linux System Adminstrator لمدة عشر سنين وعندي خبرة في Voice Over IP

فوكسيرا عباره عن ايه ؟

جهاز فوكسيرا

فوكسيرا عبارة عن جهاز حجمه صغير بيدعمه موبايل ابلكيشن هيساعدك تستخدم شريحة الموبايل بتاعك في انك تبعت وتستقبل مكالمات ورسايل وانت مسافر برا بلدك سواء كان سياحة او إقامة او عمل من غير ما تدفع أي مصاريف تجوال.

ازاي بيشتغل ؟!

بعد ما تشتري الجهاز بتركب عليه شريحة الموبايل و قبل ما تسافر بتوصلها بالكهرباء و الانترنت و بيكون ثابت في بلدك الأم ولما بتسافر بتوصل موبايلك بالانترنت اما واي فاي أو بتشتري شريحه ودي مش مكلفة أبدا، وبتنزل ابلكيشن فوكسيرا وبمجرد ما بتدخل اليوزر نيم والباسورد بتشغل الشريحه اللي في بلدك الأم و بكده تقدر تتصل وتستقبل مكالمات و تبعت رسايل بالسعر العادي بتاع بلدك من غير أي مصاريف تجوال أو  روميينج.

الفكرة عظيمة جدا، وكنا حابين نعرف ايه السبب في انك تخترع الجهاز ده ؟

انا مجال شغلي كله تكنيكال ومع السفر خارج مصر ولأني كنت بضطر اشتغل برا كتير، اكتشفت ان المكالمات بتكلف مبالغ كبيرة جداً و دورت على حل لتقليل التكلفة بإستخدام اي تكنولوجي تانيه ملقتش وقتها بدءت افكر في اني اشتغل على Voxera.

ايه الطريقة اللي اعتمدتوا عليها في التمويل ؟

اعتمدنا في تمويل Voxera على منصة التمويل الجماعي Kickstarter لأننا واثقين من إن الناس اللي بتحب السفر سواء للترفيه أو للعمل هيستفيدوا من Voxera و التمويل الجماعي هي أحد الطرق اللي بتلجأ ليها المشاريع الناشئة كطريقة تانية للتمويل بدلاً من المستثمرين، عملنا فيديو بيوضح الفكرة و هدفنا نجمع 20 ألف دولار خلال 50 يوم.

ازاي نقدر ندعم الفكرة؟

لو حد حب الفكرة وقرر يدعمها يقدر يدخل هنا VoxEra – The First Voice Roaming Killer

ممكن تدعمنا عليKickstarter و شارك بأي مبلغ من 1$ وفي حالة لو شاركت بمبلغ 69$ هتكون من أوائل الناس اللي هيحصلوا على الجهاز مع اشتراك مدى الحياة في شهر مايو، بمجرد نجاح الحملة وهو الوصول لمبلغ 20 ألف دولار، وفي حالة ان المبلغ مكتملش الفلوس مش هتتسحب من حسابك، في حالة نجاح الحملة Voxera هتكون متاحة للبيع بتكلفة 150$

فريق فوكسيرا

فريق فوكسيرا

فريق فوكسيرا يتكون من شباب فى مختلف الخبرات والمجالات .. اجتمعوا علشان يحققوا حلمهم فى انهم يخلوا تجربة السفر اقل تكلفة واكثر متعة
شارك على فيسبوك
شارك على تويتر
شارك على لينكدإن
+