كيف حققت حملة الكليك بتوصل مياه أكثر من مليون مشاهدة في 3 أيام فقط؟

شارك على فيسبوك
شارك على تويتر
شارك على لينكدإن
+

أطلقت منظمة يونيسيف مصر حملة جديدة ” الكليك بتوصل مياه” لتوصيل المياه لـ 1000 بيت في مصر. إعلان الحملة من إخراج عمرو سلامة وتمثيل الفنان ماجد الكدواني وتصميم ملابس لينا علي وموسيقى هاني عادل.

الإعلان فكرته حلوة وتصويره وإخراجه حلويين ومفيهوش غلطة، والأجمل كمان هو إستخدام فكرة الـ ClickFunding عشان ينتشر الإعلان بشكل viral على السوشيال ميديا وهي تشجيع المستخدمين للتفاعل زي المشاهدة واللايك والكومنت والمشاركة وكأنهم هم اللي بيتبرعوا بكليك صغيرة لتحقيق هدف محدد من التفاعل عنده يدفع الممولين تبرعاتهم للحملة. يعني كمان أسهل من تكنيك الـ SMS ومش بيكلفهم فلوس بل بيكلف الممولين للحملة.

وكما توقعت من أول ما شوفت الإعلان، الحملة حققت هدفها في 3 أيام بس:

UNICEF

والسر في موديل الـ Clickfunding !

موديل الـ Clickfunding من ابتكار شركة صاعدة مصرية خرجت للنور في 2014 إسمها: بسيطة Bassita والحاصلة على جائزة: Young Innovative Award. وأول جملة هاتلاقيها لما تدخل الموقع: “نقرتك ليها قوة خارقة”. الموقع محطوط فيه فكرة وروح حلوة ومعمول أعتقد بستايل الـ parallax scrolling وهو من تصميم Kijami.

Screenshot_79

وزي ما هو واضح من إسم الشركة، مهمة “بسيطة” إنها توفّر منصة تقدر إنها تبسّط تحقيق الأهداف التنموية والإرتقاء بالمجتمعات من خلال الإنترنت. والفريق ليه قصص نجاح كتيرة آخرهم كان حملة #الكليك_تساوي_مياه ، تقدر تشوف بقية القصص الناجحة من هنا

Screenshot_78

ومن تقييم الحملة الناجحة ديه ، فكل اللي مهتمين إنهم يعملوا مبادرات اجتماعية يقدروا يتعلموا إنهم يقدروا يحققوا نجاح قوي بإستخدام:
1- قوة الفيديو: إعملوا إعلان بالفيديو يكون مبدع ومؤثر ولو مبادراتك فكرتها حلوة وليك علاقات كويسة تقدر تقنع فريق عمل كامل من المحترفين إنه يشتغل من غير ما ياخد أجر، أو بأجر أقل بكتير من العادي في مقابل شكرهم لمساهمتهم في عمل الخير على السوشيال ميديا من خلال حملتك.
2- قوة السوشيال ميديا: تقدر تستخدم منصة “بسيطة” وموديل الـ ClickFunding زي ما كوكاكولا عملت حاجة شبيهة بس على فيسبوك وتويتر في رمضان الحياة في مشروع تطوير الـ 100 قرية. وده سحر السوشيال ميديا، وطبيعة المستخدم المصري اللي بيحب يساهم في أي مبادرة فيها خير وإحسان.

وبذكر مشاريع التنمية المجتمعية في مجال المياه ، اتصالات في 2014 عملت حملة إسمها “الماء أصل الحياة” اللي مدت أكثر من 3000 وصلة لربط المنازل بشبكة المياه العمومية لإنقاذ الأهالي من تلوث الطلمبات في محافظات المنيا و بني سويف و سوهاج لخدمة آلاف الأسر، وتم  إنشاء 8 محطات تنقية مياه الآبار و المياه الجوفية في محافظات الجيزة و بني سويف و طنطا و المنوفية و المنيا توفر لأكثر من 45000 مستفيد مياه شرب نقية يوميا.

وخللونا نبقى نتكلم بشكل مُوّسع أكتر في مقال تاني عن أهمية “المسئولية المجتمعية” وفوائدها للبراندات وإيه هو التريند الجديد في المجال ده.

شارك على فيسبوك
شارك على تويتر
شارك على لينكدإن
+