مواطن ومخبر وحرامي

49
shares
شارك على فيسبوك
شارك على تويتر
شارك على لينكدإن
+
What's This?

 طبعاً بعد العنوان ده جه فى دماغك شعبان عبد الرحيم ” شعبولا”

شايفك يالى بتسئل ايه إلى جاب شعبولا هنا بس الحقيقه أن هو المفروض يجى من بدرى لأن شعبولا مش بس Brand فى سوق الأغانى الشعبية .. وإنما شعبولا بالمزيكا المميزة بتاعته وبطريقه لبسه فهو براند فى حد ذاته! .. الراجل ده عنده نفس طريقة اللبس ونفس النغمة اللى بيغنى بيها في كل أغانيه .. كل ده عمل الشعبولا براند. والسؤال هنا هل هو لما بيقدم نفسه كده إيه انطباعك عنه؟

أهي الصورة الذهنية إلى بتجيلك لما تسمع عن أى براند هو ده اللي بنقول عليه الـ positioning ، وده اللي هانتكلم عليه النهاردة.

تعريف:

الـ positioning هو انك توجد انطباع أو صورة ذهنية عن المنتج بتاعك فى عقول الشريحة اللى أنت بتستهدفها من السوق

positioning_thumbtack

طب هو جى مع مين ؟!

الPositioning  اصلاً جزء من استراتيجية التسويق marketing strategy:

والى هى مختصرة في 3 حروف: STP

1- segmentation – تقسيم العملاء إلى شرائح.

2- Targeting – استهداف شريحة معينة أو أكثر من شريحة

3 – positioning – الصورة الذهنية لمنتجك عند الشريحة المستهدفة

2x_positioningstrategy

طب هو ايه لزمته اصلاً ؟

1 – مهم لانك بتوجد عند العميل معلومات عن المنتج والخدمه الى انت بتقدمها: يعنى لو عربيه فولفو انطباعك عنها انها أمان .. يبقى من غير ما يكون عندك العربيه ف إنت وصلتك معلومة/ إنطباع إن العربية فيها كل وسائل الامان زى الفرامل مثلاً كويسه وهكذا.

2 – مهم لأنك بتخلى قرار الشراء عند العميل اسهل بكتير لانه منها بيقدر يصنف المنتجات حسب احتياجاته: يعنى لو عاوز يشترى عربيه فيها وسائل الرفاهية هيبتدى يدور على البراندات الى بتقدم الانطباع ده من خلال اعلاناتها.

3 –مهم لأنك بتعمل عند العميل ميكس بين الادارك و الشعور و الانطباع ناحيه البراند بتاعك وده بيخليه يعرف يقارن البراند بتاعك بى المنافسين ليك فى السوق

4 – (النقطه دى مهمه جداً) ان العميل ياخد انطباع كويس سواء بمساعدة الماركتيرز أو من غير مساعدتهم.

5 – مهم لانه ماينفعش تسيب انطباع الناس للبراند بتاعك يجى بالصدفه

volvo-logo

* كده إحنا عرفنا إيه الـ positioning .. أشهر مثال فى موضوع الصورة الذهنية هو “سوق العربيات” .. يعنى لو حد سألك عن الانطباعك او الصورة الذهنية عن:

1- مرسيدس: هتقول الوضع الاجتماعى والبرستيج.

2- لادا: هتقول القوة.

3- فولفو: يبقى الامان.

4- BMW: يبقى الرفاهية

5- تويوتا: يبقى عربية سعرها كويس “اقتصادية”

أكيد شوفت شركات بتقول إنها: أسرع ديليفرى فى مصر أو أجمل مكان على البحر أو كلينكس مثلاً بتقول إنها أول مناديل ورقيه أو زيروكس أول آله نسخ أو مواقع التجارة الإلكترونية فى مصر كلهم بيقولو الأول فى التجارة الإلكترونية فى مصر! .. طبعاً استخدام التفضيل زى الأول والأحسن و الأقوى و هكذا مهم، بس الحقيقى إن العميل بيقيم الشركات على أساس: “القيمة بالنسبة للسعر” لو عاوز تعرف أكتر عن سلوك المستهلكين من هنا ، وعلى الأساس ده الشركات بتقارن بينها وبين الشركات المنافسة على أساس الكفاءة والإمكانيات و الخصائص.

– الصورة إلى جايه بتوضح كل Brand  من العربيات مكانه فين فى السوق وبيسعى انه ياخد اكبر مساحه فيه:

trew002.png

1- هتلاقى فى الصورة فى أول جزء على اليمين فوق إنه BMW و MAZDA بيشتغلو إنهم يعملو براند لنفسهم إنهم عربيات رياضية وفى نفس الوقت شكلها حلو.

2 – فى تانى جزء تحت على اليمين هتلاقى Hyundai و Nissan بيعملوا لنفسهم براندنج إنهم عربيات شكلها رياضي وسعرها كويس.

3 – فى تالت جزء على الشمال فوق هتلاقى ان Mercedes و jaguar بيقدموا نفسهم انهم عربيات بتجمع بين الشكل الحلو و والحمايه الى بتوفرها ليك. لو عاوز تعرف الحرب اللي حصلت بين مرسيدس وجاجوار من هنا

4- فى رابع جزء هتلاقى FORD  و Volkswagen بيقدموا نفسهم إنهم عربيات سعرها كويس وفى نفس الوقت بتوفرلك حمايه كويسه.

– الصوره إلى جايه بتوضح الاستراتيجيات إلى بتستخدمها الشركات فى إنها تقدم نفسها فى السوق على أساس السعر أو القيمة:

trew001

*الصور دى بتقدم أكتر من استراتيجية:

1 – اللون الأحمر: متروحش عندها لأن دى استراتيجيه فيها إنك بتقدم منتج سعره عالى وبيقدم منفعه زى الى بيقدمها المنافسين بسعر أقل، وبالتالي مفيش منطق يخللي المستهلك يروح ليك ومايروحش لغيرك.

2- more for more: ودى بتقدم فيها الشركه سعر عالى مقابل منتج عالى الجودة زى اديداس او مرسيدس مثلاً.

3- more for the same: ودي الشركة بتقدم فيها منتج بجوده عاليه بنفس سعر المنافسين زى لينوفو ممكن تلاقى سعر laptop  مناسب وفيه مميزات اكتر من اللى فى الشركات التانيه.

4- more for less:  ودى الشركة بتقدم فيها منتج فيه مميزات كتير وبسعر اقل من المنافسين ودى حاجه زى الفل بس لو عرفت تطبقها صح زى الصين مثلاً.

5- The same for less: ودى الشركات فيها بتقدم نفس المميزات الى بيقدمها المنافسين بس اقل منهم فى السعر زى كارفور مثلاً.

اختصاراً لكل الكلام الى قلناه:

فى حاجه اسمها The Brand Positioning Statement .. ودى تقدر تقول انها استماره انت بتكتبها بناءً على الدراسات والاستراتيجيات الى انت عملتها والنتائج كلها بتجمعها هنا علشان تطلع بجمله مفيدة، فى النهايه اهم حاجة انك تحدد القيمة والميزة الى انت بتقدمها للناس وده حسب الشريحة الى انت بتستهدفها.

trew

اقرأ كده الجملة دى عن بلاك بيرى Blackberry:

To busy, mobile professionals who need to always be in the loop, Blackberry is a”

Wireless connectivity solution that gives you an easier, more reliable way to stay

“.Connected to data, people, and resources while on the go

BlackBerry-Logo

وده كان مثال من كتاب كوتلر بتلخص فيها الاستراتيجية التسويقية بجملة واحده: لـ (الشريحة المستهدفة من المنتج اوالخدمة)  المنتج  (اسم المنتج)  بيقدم (ايه هو المنتج وبيقدم ايه بالظبط ) بميزةتنافسية  (نقطة التميز والاختلاف اللى هتتكون عند الناس عن المنتج).

شاركنا برأيك هل الـ Brand Positioning  مهم بس في الـ offline Marketing  ولا كمان فى الـ online Marketing؟




شارك على فيسبوك
شارك على تويتر
شارك على لينكدإن
+