ماذا تستنتج من إعلان اتصالات: تخيل بكرة؟

97
shares
شارك على فيسبوك
شارك على تويتر
شارك على لينكدإن
+
What's This?

بدأ السباق الرمضاني باطلاق إتصالات لإعلانها الجديد “تخيل بكرة مع اتصالات” ، الإعلان من غناء الفنانة أصالة واللي بيبدأ مطلعها بـ “حياتي وحياتك مواقف كتيرة وحاجات ، لما بنفتكرها بنفرح ونضحك ساعات”. الإعلان مبهج بألوانه والحيوية اللي فيه، وكمان جو النوستالجيا اللي طاغي عليه، وصوت الفنانة أصالة الغني عن التعريف، وكأنها أجواء احتفالية حقيقية:

اللقطة الأهم في الإعلان كانت الرسالة اللي اتصالات بتوصلها وهي إنها بقت 30 مليون عميل!. اممم .. بس فين الأهمية هنا؟

الأهمية بتيجي لو رجعنا بالزمن لورا (5 سنين ورا) واتفرجنا على الإعلان اللي احتفلت فيه اتصالات ب 15 مليون عميل “قالوا مجنون” :

لأ مش بتكلم على إن اتصالات تخلّت فكرة ال celebrities ومركزة مع الشباب وال teenagers ، واللي بقى كتير أدركه دلوقتي إنك مش محتاج celebrities كتير عشان تعمل إعلان حلو، يكفي الإخراج والسكريبت والرسالة. لكن بتكلم عن حاجة تانية أهم .. افتكر في 2010 وقت إعلان ال 15 مليون .. إن NTRA طلعت بيان وكذّبت الرقم ده وإن الرقم الصحيح 7 مليون (ده حسب ما أذكر يعني بس مش معايا مرجع) ، ووقتها أعتقد إن أورانج(موبينيل سابقًا) كانت 30 مليون، وكانت فودافون 33 مليون. بينما بعد مرور 5 سنين وبالعودة إلى سنة 2016، فأغلب الظن، إن عدد عملاء فودافون هم 38 مليون، بينما أورانج(موبينيل سابقًا) هم 35، و اتصالات 30 مليون.

فبنظرة خاطفة بحتة للأرقام هانلاقي في 5 سنين، كان نمو كل من فودافون وموبينيل هو فقط 5 مليون، بينما منافستهم الشرسة اتصالات كانت 15 مليون أخرى (200% – حسب الإعلان الأولاني) أو 23 مليون (+300% – حسب بيان ال NRTA).

*ملحوظة: الأرقام المذكورة في الأعلى من مصادري الشخصية، وقد تكون غير دقيقة إلى حد ما

واللي يدعم الأرقام  ديه مقال نشر في جريدة الوطن في 02-08-2015  بيقول:

كشفت مؤشرات وزارة الاتصالات وتكنولوجيا المعلومات عن زيادة طفيفة فى عدد مشتركى الهاتف المحمول بلغت نحو 365 ألف مشترك ليبلغ إجمالى عدد المستخدمين نحو 96 مليون عميل بنهاية أبريل الماضى. وأوضحت المؤشرات أن شركة «فودافون» احتفظت بصدارة السوق بإجمالى عدد مشتركين نحو 39.88 مليون مشترك بعد أن فقدت 132 ألف مشترك خلال أبريل، لتستحوذ على 41.5% من سوق المحمول فى مصر، وقال المهندس خالد حجازى مدير العلاقات الخارجية بشركة «فودافون»، إن السبب وراء فقدان الشركة عدداً من عملائها يرجع إلى الخطة التى وضعتها «فودافون» لتحديث بيانات العملاء، مؤكداً أن الخطوط التى أوقفتها الشركة ترجع إلى أن بها بيانات غير دقيقة. بينما جاءت «موبينيل» مستحوذة على المرتبة الثانية فى سوق المحمول بعد إضافتها 182 ألف عميل جديد فى نفس الشهر لتبلغ حصتها السوقية نحو 34.9% من السوق بإجمالى عدد مشتركين 33.5 مليون مستخدم. وتناولت المؤشرات عدد مشتركى «اتصالات مصر» الذى بلغ 22.58 مليون مشترك، بحصة سوقية نحو 23.5% من السوق بعد أن فقدت نحو 350 ألف عميل.

ومقال تاني نشر في جريدة المصري اليوم في 27-10-2010 بيقول:

وقال المسؤول في تصريح خاص لـ«المصري اليوم»: إن عدد عملاء شركة فودافون وفقا لأرقام الربع الثالث من العام الجاري وصل إلى 28.8 مليون عميل، بينما بلغ عدد مشتركي «موبينيل» نحو 28.4 مليون مشترك، واتصالات مصر نحو 14.5 مليون مشترك، لافتا إلي تجاوز مستخدمي المحمول نحو 71 مليون عميل.

وإن كنت بشك إن معدل نمو أورانج(موبينيل سابقًا) بنفس نمو معدل فودافون، لكن الأكيد إن استراتيجية إتصالات في الدعاية والخدمات خلال الـ 5 سنين اللي فاتت فرقت بشكل كبير في عدد المستخدمين واللي ركزت على الـ offensive attack لمنافسيها عشان تقدر تاخد من market share في وقت قصير، عرض أسعار دقايق أقل، وعروض وخدمات جريئة، وسخرية واضحة من المنافسين والتريقة عليهم في الإعلانات. *وإن كان أكيد الشركات التلاتة بيبصوا لعوامل تانية وكوني بعيد عن الصناعة ديه* فمقدرش أكتر من إني أشير للفكرة ديه ونفتح باب النقاش حولها.

انت ايه رأيك؟ ، مين من الشركات التلاتة كان الأنجح خلال ال5 سنين اللي فاتوا؟ ، وهل اتصالات بتقولنا تخيل بكرة إنها هاتبقى الـ Market Leader ؟

شارك على فيسبوك
شارك على تويتر
شارك على لينكدإن
+