featured snippet

استخدم خاصية Snippet من ضمن استراتيجية المحتوى

شارك على فيسبوك
شارك على تويتر
شارك على لينكدإن
+

حاليًا السوشيال ميديا أصبحت جزء كبير من حياتنا وناس كتير بتهتم تقدم محتوى قوي ويجذب الناس وبأفكار متنوعة ومُختلفة ، كتير منا بيكتب محتوى ويعمل حملات تسويقية وممكن ينسى وجوده على محركات بحث جوجل مع أن جزء من نجاح المحتوى ممكن يوصل عن طريق جوجل ومن غير أي إعلانات مدفوعة ، عشان كده مهم أن تخلي جزء من ضمن استراتيجية المحتوى يشمل  أسئلة وإجابة اللي الناس بتدور عليها فده هيخلي في كميات هائلة من زيادة حركة المرور سواء على موقع الشركة أو مواقع السوشيال ميديا، طبيعي جدًا أن كل أصحاب الأعمال عاوزين يظهروا من ضمن نتائج البحث في جوجل وفي الترتيب الأول فمن العوامل المُساعدة على كده خاصية  snippet  اي مقتطفات من الكلمة اللي بتبحث عنها وهو المربع اللي بيظهر من ضمن نتائج البحث في جوجل.

snippet

ومن مزايا snippet  هي أنك بتاخد كتير من النقرات وبتظهر بوضوح في نتائج البحث وبيزيد معدل الدخول على الموقع وده حلم كل SEO’s  وعشان كده هنتكلم في المقالة دي عن ازاي تحسن المحتوى الخاص بك عشان تستفيد من مزايا الخاصية.

  • لما تكتب المحتوى خلي منه جزء يكون سؤال وإجابة : عشان تظهر في أداة البحث بجوجل وتظهر صفحتك في البحث ، خلي جزء من المحتوى اللي بتقدمه يكون في شكل سؤال وإجابة عشان يظهر في المقتطفات الواردة لأن خوارزميات جوجل  بتظهر  الصفحة اللي فيها الإجابة عن السؤال اللي الجمهور بيبحث عنه ، بكلمة واحدة تخلي صفحتك تظهر في محركات البحث وعشان كده لازم تكون فاهم الأسئلة اللي الجمهور المُستهدف بيبحث عنها على حسب طبيعة نشاطك .
  • ازاي تلاقي الأسئلة الصح اللي الجمهور بيبحث عليها  عن طريق خطوتين :
  1. احصل على جزء من معلوماتك عن طريق قيامك بالبحث ،هتلاقي أن في 19% تامبلت ثابتة من مصطلحات البحث قائمة على سؤال ولها مقتطفات بتظهر خاصة بها ، من مصطلحات البحث كيف، كيفية،  ما هو، ما هي وبالإنجليزي How to ، what is ، How do، How does .
  2. استخدم اداة البحث عن الكلمات الرئيسية وهنا هيكون سؤال البحث هو في الأساس البحث عن الكلمات الرئيسية، والأدوات اللي تستخدمها وتساعدك على كده Google’s Keyword Planner ، SEMrush، Wordstream .

مش معنى أن صفحتك مش رقم واحد في البحث يبقى تقلق من ناحية Ranking لأن صفحة دعم جوجل الرسمية بتاخد النتيجة الاعلى عن الكلمة اللي بتشمل السؤال وبتعرضها وعشان كده صفحتك بتحتاج  تاخد رتبة عالية إلي حد ما عشان يكون ليك فرصة في الظهور وفي حالة أن صفحتك مش رقم واحد في نتائج البحث ركز على أن إجابة السؤال تكون أفضل طريقة صياغة  مُمكنة .

  • أفضل إجابة على السؤال: وجودك من ضمن نتائج البحث معناه أنك عندك إجابة على سؤال المُستخدم بشكل جيد ولكن مش بالبساطة دي مش بمجرد الإجابة على السؤال بصورة واضحة واستخدامك للكلمات الأساسية  في البحث ولكن  لازم تاخد في الحسبان:
  1. وجود الإجابة على الأسئلة بدقة وبالتفاصيل بأكتر من صورة مثلًا في شكل انفوجرافيك، فيديو، GIF  .
  2. عشان تخلي المحتوى الخاص بك أفضل ما يكون وعشان تديلوه فرصة في ترتيبك على جوجل بمكان بارز ومُميز لازم يكون في جزء منه Q &A سواء على مواقع السوشيال ميديا أو قسم على موقع الويب الخاص بك.
  3. تفوق على المنافسين حتى لو كانت المُنافسة استخدام نفس الكلمات الاكثر بحثًا فمتمقدش الأمل اشتغل دايمًا على تحسين وتطوير الإجابات من خلال تصميم مُبدع، تفاصيل أكثر وظهورها بشكل مُبسط.
  • بعض الناس بيشوفوا أن المقتطفات اللي بتظهر لهم في البحث بتديهم إجابة كافية عن السؤال اللي بيبحثوا عنه وده بيقلق المنافسين في انهم هيفقدوا المرور ومش هيظهروا في محركات البحث وعشان تقدر تتعامل مع المشكلة اعمل الخطوتين دول :
  1. اعمل تعريف جذاب ومُفيد وعام : مثلًا “ما هو يوتيوب التسويق” ده بيكون إعلان تسويقي جذاب ويتيح للمُستخدم فكرة عامة عن كيفية التسويق من خلال اليوتيوب.
  2. استخدم كلمة رئيسية قائمة على سؤال بيبحث عنها المُستخدم مثلًا: “What SEO keywords”

وبكده يكون في فرصة أفضل للحصول على عدد كبير من حركة المرور على الكلمات اللي بيبحث عنها المُستخدم وبالرغم من كده دي مش حلول 100*100 ولكن في نفس الوقت أنت مش بعيد عن الظهور في محرك البحث لو كنت بتستخدم الكلمات الصحيحة.

دلوقتي بقى عندك كل الادوات اللي هتحتاجها عشان تعمل إجابات شاملة ومُفصلة على الأسئلة اللي تخص نشاطك واللي متوقع مُستخدمينك يسئلوها ويبحثوا عنها ولكن دي مش وسيلة مؤكدة النجاح لابد من تطوير وتحسين المحتوى مع استخدام طرق التسويق الأخرى و أدوات SEO ولكن خلي الجزء ده من ضمن استراتيجية المحتوى .

شارك على فيسبوك
شارك على تويتر
شارك على لينكدإن
+