BLCe

ازاي تستخدم ال BLC عشان تعرف انت فين من “قلوب” العملاء بتوعك؟

8
shares
شارك على فيسبوك
شارك على تويتر
شارك على لينكدإن
+
What's This?

ازاي تستخدم ال BLC عشان تعرف انت فين من “قلوب” العملاء بتوعك؟

بداية ال Brand Love Curve كانت من 15 سنة تقريبا, لما حبوا يقيسوا مدي حب الناس لبراند معين, ودي كانت حاجة صعبة جدا ومكانش في شركات كتير بتستخدم فيها خطوات عملية , بسبب طبيعتها العاطفية إلي حد ما, ولكن زي ما احنا عارفين: “Emotion sells”

فا بدأ علماء كتير يستخدموا الconsumer behavior  و حاجة اسمها Neuro-marketing  أو التسويق العصبي (ودي حنتكلم فيها في بريف لوحده) عشان يشوفوا ايه اللي يقدر يقيس الشركة دي فين من دماغ وقلب العملاء, وايه اللي يقول ان الشركة المنافسة متفوقة علينا او متأخرة؟

كانوا بيستخدموا في دة الSales analytics , وكانوا بيقيسوها بعدد المنتجات اللي بتتباع, ودة بيدي انطباع خاطئ عن المنتج أو الشركة, لإن ببساطة ممكن الناس بتشتري منك عشان مفيش حد غيرك بيقدم دة, او انت اقل سعر فا هما مضطرين يشتروا منك عشان يشبعوا احتياجاتهم الاساسية, لكن هما لا فاكرين اسم البراند بتاعك ولا حيفضلوا يشتروا منك لو فجأة طلع منافس ليك بيضربك بالمشاكل اللي كانت مدايقة الناس منك, ودة اللي حصل مع أوبر وكريم لما قدموا نفسهم كحل لمشاكل التاكسي الابيض (لو اعتبرناه كأنه براند واحد).

ودة بيقسم الBLC  ل4 مراحل بيمر بيها أي براند:

مراحل BLC

Indifferent: ودي اول مرحلة, اللي بتقع فيها الشركات الجديدة, أو الشركات المعروفة لكن بقت عندها مشاكل خلتها تقع تاني.

ليه ممكن الشركات تبقي في المرحلة دي؟

  1. الشركات اللي بتهتم بالبيع بنسبة أكبر بكتير من التسويق, التسويق بالنسبالها طباعة ورق حضر موت 😀
  2. الشركات الناشئة, واللي بشكل طبيعي حتبقي في المرحلة دي لإنها مشتغلتش Branding  علي نفسها لسة
  3. الشركات اللي كانت معروفة بشكل معين واختفت لفترة وبقت الاجيال الجديدة متعرفهاش, زي “ويمبي” في مصر لو فاكرينه

ازاي نتأكد اننا في المرحلة دي؟

  1. نسبة الناس اللي بتشتري وبتكرر منك(loyal customer) قليلة مقارنة بنسبة الناس اللي سمعوا عن منتجك(awareness), زي الصورة دي:

Indifferent

كل لما ال funnel  في جزء ال loyalty  تبقي اوسع يبقي ال براند أنجح, كل لما الfunnel تكون ضيقة كل لما البراند يكون مش معروف وفي طريقه للوقوع أكتر لو متمش معالجة الموضوع

  1. لو مفيش نشاطات سيلز, يبقي مفيش بيع, لانه اصلا مش معتمد علي الماركتنج في حاجة, ودة اللي حيخلي الclients بيشتروا من غير ما يستنوا سيلز يكلمهم
  2. الارباح قليلة, حتي لو المبيعات كتير, بسبب عدم وجود براندنج قوي يخلي العملاء يشتروا منك بغض النظر عن سعرك,(زي ايفون اللي حرفيا بيتكلف حوالي 40 دولار كتكلفة انتاج في مصنعهم في الصين وبيبيعوه ب 650 دولار) فا بتفضل انت خايف تحط ارباح محترمة لان لو عليت السعر أكتر من كدة محدش حيشتري منك

ازاي نقدر ننتقل للمرحلة اللي بعدها؟

  1. اسمع للعملاء واحتياجاتهم, افهم ايه اللي بيخليهم يقرروا يشتروا منتجك, او ايه اللي بيخليهم ميفكروش يغيروا منتجهم الحالي
  2. استخدم ال PR عشان تقدر تنشر أخبار جديدة عن منتجك, تنشر حاجات تهم العملاء بتوعك, اشترك في CSR campaigns وخلي المجتمع ياخد باله من القيمة اللي بتقدمها, مش شرط بس في الجرايد, استخدم ال Advocate marketing  انك توصل للناس بطريقة بعيدة تماما عن البيع
  3. غير من نفسك: لو انت براند بقاله فترة وعملت كل اللي تقدر عليه وموصلتش للناس برضه, حاول تغير الconcept اللي بتكلم الناس بيه, متغيرش ال value  اللي انت عامل الشركة عشانها, ولكن غير طريقة توصيل القيمة دي للناس
  4. حاول تكسب فئة معينة, تركز جهدك عليهم, اتكلم بلغتهم وحط الاخبار والمعلومات اللي تهمهم, خلي عندك قاعدة ثابتة من العملاء وابني بعد كدة حوليها وكبر ال audience بتوعك

دي كانت اول مرحلة في ال BLC, استنوا شرح المراحل الباقي ونعرف اكتر ازاي نوصل لمرحلة الBeloved Brand

 

شارك على فيسبوك
شارك على تويتر
شارك على لينكدإن
+