دليل إعلانجي الكامل لإنشاء وإدارة الإعلانات على تويتر

497
shares
شارك على فيسبوك
شارك على تويتر
شارك على لينكدإن
+
What's This?

قبل ما تقرأ المقال هات مج القهوة او النسكافيه في ايدك عشان هنتكلم مع بعض كتير شويه.
إعلانات تويتر ( دي غاليه اوي – 10 ألاف دولار – مينفعش تتارجيت مصر ) أكيد سمعت الكلام ده عنها!

كل الكلام ده كلنا سمعناه وكان من الطبيعي اننا نشوفه ونسمع مسوقين محترفين بيقولوه  او يتجنبوا الحديث عنها من الأساس. لكن ده كان قبل اعلان تويتر على البلوج الرسمية ليهم ( بعد ما اغسطس خلص أخيراً 😀  ) وتحديداً يوم 2/9 ان إعلانات تويتر أصبحت متاحة لأكثر من 200 دولة وإقليم حول العالم. بعد ما كانت متاحة بس لـحوالي 33 دولة. معظمنا فرح جداٌ وهو بيشوف الداش بورد لأول مرة وانا فاكر برضو فرحتي اول ما شوفتها 😀 بعد ما كانت تلك المنصة متاحة لمصر ودول الخليج عن طريق شركة وحيدة في الشرق الأوسط وطبعا كان في بعض القيود الي كان بيتم فرضها عليك واكيد كنت مضطر تقبلها. 

في البداية لو كنت تعاملت مع منصة إعلانات جوجل فهتلاقي بعض التشابه بين المنصتين لكن هي بتختلف اختلاف كبير عن منصة إعلانات فيسبوك وهنعرف ف ده بالتفصيل ان شاء الله .

هنبدأ نتعرف على Dashboard بالتفصيل وبعد كده هنقول ايه افضل طريقة للتعامل مع المنصة ككل وايه سر انك تقدر تحقق نتائج بسعر أقل 

– أولاً ادخل على إعلانات تويتر من خلال الرابط ده ads.twitter.com وتعالى نتعرف سوا على إعلانات تويتر : 

image001

أهلا بيك في عالم جديد من المنصات الرائعة في عالم التسويق الإلكتروني !

image002


لو دي أول مرة هتستخدم Dashboard فيعد التسجل هتظهرلك القائمة دي عشان تبدأ حملتك الأولي:

1- Tweet Engagements 

 النوع الأول من الحملات الإعلانية على تويتر والي هتستهدف من خلاله زيادة التفاعل على المحتوي الخاص بك 

لأن بالتأكيد مش كل الي بنكتبه على الحساب بيوصل لكل المتابعين وبالتألي يؤثر بشكل أو بأخر على تفاعل جمهورك المستهدف معاك 


2- website click or conversions   

والهدف هو زيادة تحويل الجمهور من تويتر الي موقعك سواء للشراء او لتصفح محتوي الموقع والتسجيل او اي هدف تاني . 

3- app installs or app Re- engagements 

والهدف زيادة تحميل التطبيق الخاص بك او توجيه القاريء ونقله لتصفح التتطبيق مرة تانيه

4- Followers 

و الهدف منها زيادة متابعينك بشكل مباشر

5-leads on Twitter 

والنوع ده من الحملات بتخليك تعمل  Database من الناس الي هتتفاعل مع اعلانك عشان تقدر تستخدمهم زي ما انت حابب بعد كده.

twitter2

وهنا أنا لخصتلك 12 خطوة رئيسية وانت بتقوم بإنشاء حملتك الإعلانيه على تويتر .. هناخد مثال لحملة لزيادة المتابعين Followers وبعد كده هنقول الإختلافات لبقي الأنواع:

1- انك تضيف كارت الفيزا الخاص بيك والي هيتم محاسبتك من خلاله 

image003

2- اختار اسم حملتك وده هيساعدك في تنظيم شغلك بعد كده ولما تحب تاخد ريبورت عن الحملة تلاقيها في الداش بورد بسهولة 

image004

3 – اختار حملتك هتبدأ امتى وتنتهي امتي وتقدر تجدول حملة اعلانيه انها تبدأ الأيام الي جاية مفيش مشكلة من خلال الأختيار التاني

image005

4- اختار التويته الي هتظهر مع اعلانك وهيكون عندك اخيارين انك تختار من التويتات الي فاتت او انك تكتب تويته جديدة وهيكون عندك اختيار انك تشوف شكلها هتظهر ازاي للمتابعين على الموبايل او على الديسك توب 

وفي حالة اختيار من التويتات الي فاتت (وده مفضل ان تحتار تويته عليها تفاعل فعلا )، تقدر تختار اكتر من تويته هيتم التبديل بينهم مع ظهور الإعلان  وهيتم اعتبار كل تويته على انها اعلان منفصل  تحت الحملة في الريبوت 

image006

5- ودي أهم خطوة وهي التارجيت على انت حابب توصله وفيها تفاصيل كتير بتميز تويتر .

تقدر تختار المكان سواء مدينة او دولة بالكامل .

6-  اختيار هل الحملة موجه لكل الناس ولا هتوج لشباب او بنات فقط 

image007

7-  اختيار اللغة والي هيتارجيت بيها  جمهورك في الخليج يفضل اختيار العربي والأنجلش كل واحد في اعلان منفصل وطبعا الأنجلش شويه بيكون أغلى وده هيرجع للمحتوي لو قدرت تتارجيت الأتنين في نفس الأد بمحتوي مناسب هيظبط معاك الكوست كويس 

8-  تارجيت نظام التشغيل ويمكن ده أكثر نقطة هتشوفها مختلفه في الداش بورد لإعلانت تويتر ومنها هتقدر تتارجيت نوع الموبايل  بالتحديد وكمان مزود الخدمة وهناخد مثال  على كل حاله بالصور 

image008

image009

– تقدر تتارجيت كل أنواع ال iPhone -iPad   -وكمان تتارجيت بنظام التشغل من اول IOS 4.0 ولحد IOS 8. 4

* مثال على اختيار مزود خدمة الموبايل في مصر للشركات ال 3 :

image010

طبعا مش محتاج افكركم اد ايه نتايج الموبايل مهمه بالنسبة لينا كلنا وان 79 % من مستخدمي تويتر بيستخدموه من خلال موبايل مش ديسك توب.

9-ازاي تقدر تتارجيت الناس الجديدة على الشبكة او استثنائهم من الإعلان من شهر لحد 13 شهر:

 image011

تقدر تتارجيت نوع الموبايل تحديداُ في نظام تشغيل Android  برضو ويمكن اللعب في الأوبشن ده هيكون فعال مع شركات الموبايل ومزودي خدمات الموبايل بشكل كبير واكيد احنا بنحتاجه لكن طبعا مش مع كل أنواع البيزنس الي بنقابلها . لكن مثال التسويق لأبليكيشن الموبايل . 

image012

طبعا متنساش انك لما تتارجيت داون لود لأبليكيشن موبايل او Update   او Game  انك تتارجيت الناس الي شغالين Wi-Fi لنتائج أفضل سواء في التكلفة او في الكونفيجن 

image013

10- الخطوة العاشرة وفيها هيتم تحديد الشريحة المستهدفة ليك بأكتر من محدد هيخليك بإذن الله توصل للتارجيت بتاعك مظبوط جداً :

image014

* هنا هتقدر تتارجيت العميل بالإهتمامات interests  من بين 350   interest موجودين في الداش بورد Twitter Dashboard

*  هتقدر تتارجيت عن طريق الـ  @usernames  وهنا هتقدر تتارجيت الـ influencers  في انداستري معينه وتتارجت الفلورز الي متابعينهم او انك تقدر تتارجيت المتابعين للمنافس بتاعك .

* وكمان تقدر هنا لو دارس الشريحة الي انت مستهدفها على تويتر كويس هتحقق نتايج مبهرة بإذن الله بإنت تتارجيت البراندات الي عملائك المحتملين ومتابعينهم . متنساش أهمية المتحتوي والصورة الي هتكون في التويته لضمان نتايج كويسه بإذن الله 

* لو عندك داتا بيز لعملائك هتقدر تتارجتهم بسهولة

* كمان تقدر تضيف كود تتبع من تويتر في موقعك وتتارجيت الناس الي زاروا الموقع بتاعك ودي ممكن نتكلم فيها بالتفصيل مرة تانيه.

11-  Add behaviors – Limit targeting by excluding behaviors.

 الأوبشن ده ممنوع اللمس لانه متاح فقط لأمريكا حالياً:

image015

12- الخطوة الأخيرة والأهم هي تحديد الميزانيه وازاي هيتم توزيها وهنا في نقطة مهمة جدا هتكلم هنا بالتفصيل وبالخطوات  بعد دقيقة واحدة

image016

twitter3

إيه الإختلاف ما بين الحملات الإعلانية على تويتر اللي قولناها في البداية؟:

1-  لو الحمله بتاعتك  الهدف منها tweet Engagements

* هيكون في تارجيت زيادة وهو انك تتقدر تتارجيت من خلال keywords معينه وده بيخليك توصل للزبون المحتمل ليك في الوقت الصح جداً وقت ما بظهر اهتمانه بكلمة من الكلمات المرتبطة بالبيزنس بتاعك 

الكلمات دي مش لازم تكون مكتوبه في التويته بتاعتك لكن هي كلمات عملائك المحتملين  بيستخدموها سواء في التويتات بتاعتهم او بيعملوا سيرش عنها 

image017

 * هيظهر معاك اوبشن Add TV targeting  وده متاح لـ 17 دولة في العالم مصر مش من ضمن الدول دي حتى الأن

* وهتقدر تحدد اعلانك يضطر للناس في Users’ timelines   و لو هو بيزور بورفايل حد او انك تختار اوبشن من الأتنين 

image018

2- لو الكامبين  WEBSITE CLICKS OR CONVERSIONS

هيكون شكل التويته مختلف وبتكريت  Website card ويفضل انك تكريته الأول وتنشره ياخد تفاعل وتعمله بيه اعلان بعد كده لكن مفيش مشكلة انك تعمله مباشرة ووهيحتاج انت تحدد اللينك الي هيروح اليوز عليها لو ضغط على الكارت  تحدد الكول تو أكشن من بين 22 اختيار الي هيظهر مع التويته وتكتب 140 حرف + عنوان هيظهر مع الصورة  الصورة لازم تكون على الأقل 320* 800 

هتزود اسم للكارت عشان تقدر تعمل سيرش عليه وتلاقيه بسهولة في الداش بورد بعد كده 

image019

3-  لو الكامبين APP INSTALLS OR APP RE-ENGAGEMENTS  

هتكون نفس الأوبشن الموجوده في WEBSITE CLICKS OR CONVERSIONS لكن هنا يفضل انك تتارجيت بـ conversion tracking وتتارجيت العملاء الي بيزوروك لتحقيق نتايج أفضل بإذن الله 

ايه الفرق ما بين تويتر والمناصات التانيه :

انا بحب اسمى الأدذ عامة Game  بنلعب مع كل سيستم ومنافسين عليه بهدف اننا نجيب جون بأقل تعب ومصاريف خلنا نشوف هنلعب تويتر ازاي

* – الإختلاف الجوهري ما بين تويتر ومنصة زي فيس بوك او جوجل هو ان في أي منصة من دول لو زودت البادجيت  الريتش المحتمل لإعلانك بيزيد في تويتر الباديجت ملوش أي أهمية او تأتير على الريتش المحتمل ليك 

لكن هنا اللاعب الأساسي هو الـ BID  ودي المفاجئة هي ان منصة إعلانات تويتر بتجبرك بشكل او بأخر انك لو حابب نتايج سريعة تدفع أكتر وده مثال 

1- image020

2- 

image021

وطبعاً الفرق واضح ومتعتمدش اني كاتب 1ولار الماكسيم بيد انا كاتب بس أرقام صحيحة عشان تبان المقارنه وده مثال لو خلينا الماكسيمم بيد 25 سنت مثلا 

image022

لو بتقول في سرك ان إعلانات تويتر غالية اوي كده فبلاش تتصدم بالموضوع ده احنا متفين انها Game  والشاطر الي يجب جول بأقل تكلفة تويتر منصة بتجبرك انك تشتغل بميزانية كبيرة لأنك لما بتشتغل بـ Bid  قليل بيخنق جدا على ريتش الإعلان وانت تقدر تتغلب على الموضوع ده بأكتر من طريقه: 

أولا: تقدر تزود البادجيت اليومي كتير يعني مثلا خليها 100 دولار وقلل البيد هتلقي صرف تقريبا 25 دولار في اليوم بس الكوست قليلة طبعا وده بيتناسب مع ال انت مقلل ال Bid  لحد كام.

– الأول كان عندنا ليمتيد تايم المفروض الميزانيه بتاعتك تخلص فبه وبتالي بتشتغل بميزانيه كبيرة فوقت قليل  لكن مع فتح الإعلانات لمصر وباقي الدول عامل الوقت بقى في ايدك انت تقدر تلعب  بإحتراف بس في وقت الماتش برضو متنساش احنا بيكون عندنا وقت الكامبين بتخلص فيه 

ثانياً: ممكن تجزأ الحملة بتاعتك لأكتر من حملة وكل واحدة فيهم تعلي البادجيت وتقلل ال Bid فا بالتالي توصل لمعدل صرف يومي كويس لكن بسعر مناسب .

twitter4

قبل ما تبدأ حملتك الإعلانية الأولى على تويتر خد بالك من النصايح ديه:

1- استخدم فيديو وصور Gif  تويتر بتدعم ال Gif من زمان وبتحقق نتايج كويسه جدا 

2- خلي بالك ان تويتر  جمهورة سريع ومتعود على الإختصار اختصر في المسدج وهات من الأخر مع صورة ملفته ومناسبة.

3- في في تويتر:  parroted trends  لكن لسه مش عارف دي هيتم التعامل معاها ازاي بعد فتح الإعلانات في الدول دي.

3-  بلاش تزود التارجيت بتاعك بالكلمات و @usernames  الغير مهمة عشان تزود عدد الريتش وتقع في فخ انك تظهر لناس مش مهمه بالنسبة لتويتر منصه بتساعدك توصل للعميل في الوقت الي هو بيظهر اهتماماته فخليك محدد أفضل.

4- توتر بيجاسبك بالـ objective  بس مش أي حاجه تانيه  يعني لو التارجيت WEBSITE CLICKS هتتحاسب بس على ال CLICKS مش هتتحاسب على التفاعل من الإعلان ولا على الريتش لكن مش محتاج افكرك ان الـ CTR بيأثر على coste   ونفس الكلام لو التارجيت Followers هتتحاسب على كل Follower بس مش أي حاجه تايه وقيس على كده باقي أنواع الحملات

5- تقدر ترفع فيديو على تويتر وتعمل كامبين بالفيديو فيوز لكن ده لازم تبعت بيه ريكويست في البدايه لتويتر

6-  هل الأن اصبح الجميع يستطيع ان يقوم بالإعلان عن محتواه على تويتر الأشهر في دول الخليج بين منصات التواصل الاجتماعي ايوة لكن للأسف لسه في مشكلة وهي انك مجبر على الإعلان عن محتواك باللغة الإنجليزية فقط

في كل الدول الي تم اضافتها لكن أتوقع ان كلها أيام والمشكلة دي هتنتهي .

7- تقدر تعلن عن محتواك العربي لمصر وكل دول الخليج لكن ده لازم تتعامل فيه مع الشركة الي تملك حق الإعلان في الشرق الأوسط قبل اعلان إضافة الدول الجديدة

8- كل ما ورد في المقال قابل للنقاش والتعديل طبقاً لخبراتك وتجربتك احنا هدفنا في الأخر اننا نفيد بعض وننجح كلنا سوا بإذن الله فمبتبخلش انك لو وصلتت لمعلومة جديدية تشيرها معانا عشان نستفيد كلنا بإذن الله ويبقى معى القاريء دليل كامل لإنشاء وإدارة الإعلانات على تويتر.

9- تويتر من فترة صغيرة ضاف Tool جديدة وهي Ads Editor  وهوانك بتحمل شيت تقدر تعدل فيه او تنشأ حملات جديدة وترفعها كلها في نفس الوقت وده طبعا هيوفر وفت كبير جداُ عليك.

9- في بعض النقاط الي متعرضتش ليها كتير في المقال زي الـ  Lead Generation و الـ reports  ودي هنتكلم عنها بعد كده ان شاء الله اكيد انتوا تعبتوا وتأثير القهوة راح.

نرجوا إن الدليل يكون أفادكم، وشاركونا بتجربتكم مع إعلانات تويتر 😀

شارك على فيسبوك
شارك على تويتر
شارك على لينكدإن
+