عن إعلان رينو الجديد: #العربية_الفرنسية

161
shares
شارك على فيسبوك
شارك على تويتر
شارك على لينكدإن
+
What's This?

النهاردة صفحة Renault Egypt  نزّلت إعلان براندنج عظيم ليها تحت شعار #‏العربية_الفرنسية‬ من شغل Leo-Burnett Cairo.

(الفيديو نزل فيسبوك بس مش يوتيوب – والفيديو اللي على يوتيوب منزلش من الصفحة الرسمية)

1- وفقاً لـ AAKER Model in Branding Identity : من الحاجات المهمة اللي ممكن نشتغل عليها في البراندنج في جزء: brand as a product هي ال country of origin “بلد المنشأ” زي مثلاً لما أقول عربية فرنسية – ماكينة ألمانية – ساعة سويسرية .. إلخ ، لأن في دماغ المستخدمين بتعكس البلد ديه هوية معينة (زي الأناقة – مستوى مثالي من الجودة – القوة – التكنولوجيا .. إلخ) أقدر أستخدمها في البراندنج لنفسي، وبالتالي هاختصر كلام كتير عايز أقوله عن نفسي.

ديه صورة مبسطة للموديل:

2- من الحاجات المهمة برضه في أي إعلان إنك تستخدم الحقايق (قولنا المعلومة ديه كذا مرة وبنكررها)، لأن الناس بتحب تسمع 3 حاجات: قصص – نكت – أرقام(حقايق) ، وإستخدام حقيقة: العربية الفرنسية الأولى في مصر والعالم ، برضه بتختصر كلام كتير معناه: إن هي عربية مش هاتضيع فيها فلوسك، وأكتر عربية فرنسية غيرك إشتراها، وبالتالي ديه حجة قوية ودافع يخليك تروح تشتريها زي ما عمل غيرك (في علم النفس لما تبقى عايز تخللي حد يعمل حاجة معينة زي إنه يقف في طابور في مول في إنتظار هدية عظيمة، هاتله ناس كتير قدامه يعملوها ويقفوا، وهو بتلقائية هايروح يقف وراهم في الصف). ده غير كمان إستخدام بعد تاني في الموديل اللي قولناه في النقطة اللي فاتت وهو Brand as an organization: في نقطة إن ده براند مش بس Local لأ، ده: Global وكمان محقق إنه الفرنسي رقم واحد في العالم.

3- برضه عظمة الفكرة هنا هو بساطتها في إن المصطلحات اللي بنستخدمها في العربيات أصلاً فرنسية، وديه من الحاجات اللي بتدفع المستخدمين في عالم الديجيتال إنهم يشيّروا أي محتوى هو إنك تعلمهم معلومة جديدة ماكانوش يعرفوها قبل كدة to educate وإستخدام طبعاً facebook videos هايديها فيراليتي viralty حلوة. بس لازم رينو تنزل الإعلان ده برضه على قناتها الرسمية على يوتيوب.

4- اللي ناقص الحملة ديه (وأي حملة براندنج) (وأكيد ده هانشوفه قدام لمدة شهر على الأقل): هو ال Positioning وربط العربية بهويتها الفرنسية والأفكار في المحتوى هنا كتير جداً، بعديها social media engagement activation وبرضه تكون مربوطة باللغة الفرنسية والهوية الفرنسية، زي مثلاً أبليكاشن: قد ايه انت تعرف فرنسا؛ مع شوية أسئلة عن معالم وتاريخ ولغة ليه علاقة بفرنسا. أو الحاجات المتشابهة بين المصريين والفرنسين، أو أي فكرة تانية ممكن تتنفذ على السوشيال ميديا المهم إن الجايزة تبقى “رحلة كام يوم لفرنسا” (وديه مفيش أسهل منها)، هاتسمّع بقوة.

عن نفسي أحب الجايزة تكون إني أتصور مع الراجل العظيم ده 😀 :

مرة تانية، الله ينور يا رينو – ويا ليو بيرنيت، فعلاً على رأي مولانا بروسلي: الـ simplicity is the key of brilliance

شارك على فيسبوك
شارك على تويتر
شارك على لينكدإن
+