إسمي محمود صالح، أعمل في مجال الديجيتال ماركتنج Digital Marketing منذ 8 سنين، ومتخصص اكتر في الـ Media Buying منذ 4 سنين. 90 % من شغلي موجه للخليج بس والنسبة الأكبر للسعودية. عيشت فترة في السعودية وعرفت اكتر عن الـ online Behavior بالنسبة لمنطقة الخليج، واشتغلت مع براندات multinationals في مجالات الـ Automotive , Technology , FMCG, Healthcare , Furniture وغيرهم بميزانيات تفوق الـ 1.8مليون دولار على مدار السنين اللي فاتت. تقدر تعرف اكتر عني من لينكد-إن بتاعي من هنا .. ومن خلال السلسلة ديه “دليل إعلانات سنابشات للمبتدئين على إعلانجي هاشرح إزاي ممكن تلاقي بديل قوي وموفر لفيسبوك وإنستجرام، وخصوصاً لو إنت شغلك معتمد اعتماد كبير على سوق تاني غير مصر بالذات: أمريكا – أوروبا – الخليج.
مع ذلك سنابشات موجود في مصر بشكل مقبول، وبدأت الفترة الأخيرة شركات كبيرة وصغيرة إنهم يعلنوا عليه:
سناب شات مبهر ك traffic source ولما تجرب تعلن عليه هتتفاجئ بحجم الترافيك اللي موجود عليه وهتقول ازاي الخطوة دي كانت متأخرة! .. وممكن يكون الكلام اللي هقوله مش جديد بالنسبة لبعض الناس بس هاحاول أخلي الناس تجرب البلاتفورم ده لاني فعلا شايفها أفضل من انستجرام على الاقل لو اشتغلت عليها صح.
إيه هو سنابشات Snapchat ؟
بداية لازم تعرفوا إن سناب شات زي انستجرام هو Mobile Platform ONLY مينفعش يتفتح من ديسكتوب (في برامج بتفتحه أكيد) ولكن المقصود إنه تم تصميم تجربته علشان يكون سريع وسهل ومن الموبايل بس.
عدد مستخدمي سنابشات تقريبًا 306 مليون يوزر بشكل يومي. وهو تطبيق اتعمل لمشاركة الفيديوهات والصور لفترات معينة. وهو من بدايات الشبكات الاجتماعية اللي عملت الـ Story ومن بعدها قلدها انستجرام وفيسبوك ولينكدين ويوتيوب وواتساب. الموضوع اتطور لحد ما ضاف ميزة انك تعمل كاركتر/ايموجي لنفسك وتشاركه في محادثاتك مع أصحابك.
أكتر من مجرد وسيلة تواصل إجتماعي أخرى!
توسع سناب شات وارتباط الناس بيه يدعو للتأمل، لأن في ناس كتير جداً بالنسبالها سناب شات أكثر من مجرد برنامج بيكلموا عليه صحابهم. فتطوره السريع للكاميرا وخصائصها خلى ناس كتير تستخدمه كـ حل أساسي و افتراضي لما يحبوا يصوروا اي حاجة. يعني بدل ما تروح تفتح الكاميرا من موبايلك طبيعي ، هتفتح الكاميرا بتاعت سناب شات وتتصور!
فلسفة الإعلانات على سناب-شاب:
في جملة مشهورة جدا وذكية جدا قالها الـCEO بتاع سناب شات Evan Spiegel بتوريك فلسفة الإعلانات على سنابشات وهي:
“Social media shouldn’t be a competition”
وبناءا على تجربتي الشخصية، فنتائج سناب شات في الإعلانات ومردودها جبار أيا كان ايه الهدف اللي انت عايزه من الاعلان.
كيفية الإعلان على سنابشات
𝐎𝐰𝐧 𝐭𝐡𝐞 𝐜𝐚𝐦𝐞𝐫𝐚
وعامةً، هنتكلم في الموضوع ده بالتفصيل في المرات الجاية ان شاء الله.
𝐎𝐰𝐧 𝐭𝐡𝐞 𝐜𝐨𝐧𝐭𝐞𝐧𝐭
- Website Clicks
- Awareness
- App install
- Video Views
- Lead Generation
سناب شات البلاتفورم الوحيدة اللي لما يقولك impression يبقى فعلا impression مش مجرد اعلانك ظهر في النيوز فيد وانا حسبته عليك وخلاص حتى لو محدش لمحه زي فيسبوك! يعني فنقدر نقول ان الـ impressions في سناب شات .، هي Guaranteed Impressionsي
سياسات الإعلان في سنابشات
هحاول اقول السياسات والقوانين اللي قابلتها في تجربتي واللي مكانتش موجودة بشكل واضح في صفحة قوانين الاعلان سنابشات. سناب على ما قد ماهو يوحي لك إنه بلاتفورم funny و light على قد ما هو صارم جدا في قوانين الاعلان!
1- من أهم قوانين الاعلان على سناب شات هو انك تكون براند!
مش مقصود انك تبقى براند كبير، ولكن سنابشات مش زي فيسبوك تعمل صفحة بأي اسم وتشتغل وتغير اسم صفحتك براحتك وهكذا، هو بعيد كل البعد عن السبام -لحد دلوقتي-
علشان تعمل اعلان على سناب شات لازم يكون الCreative بتاعك عليه اللوجو بتاعك. يعني سواء كان الكريتيف ده صورة أو فيديو. ومينفعش تتحايل عليه وتحط كريتيف بدون لوجو معظم الرفض في الاول بيكون بسبب اللوجو.
2- تاني اهم خطأ الناس بتقع فيه في قوانين سناب شات هو الـ Shorten Link ، سناب شات مش بيقبل ان اللينكات تبقى مختصرة وبيحب الموضوع يكون واضح وصريح ودايركت.
3- سناب شات بلاتفورم اناني مش عايز تشير بأي حال من الاحوال لأي بلاتفورم تانية يعني مينفعش تخلي اللينك بتاعك يودي على فيسبوك او تويتر او حتى خريطة جوجل!
مينفعش تحط في الكريتيف بتاعك اي لوجو من لوجوهات السوشيال نتوركس التانية.
مينفعش تخلي لينكات/لوجوهات السوشيال نتوركس التانية واضحين و كبار في اللاندينج بيدج بتاعتك اللي هتستخدمها لاعلانات سناب شات.
4- ضبط تاريخ و وقت الاعلان: معظم الناس بتخلي الكامبين انها تبدأ immediately وده بيكون واخد اصلا تاريخ وتوقيت أمريكا الشمالية وساعتها انت تقعد تستغرب ازاي الاعلان approved بس مش شغال!
فلازم تخلي بالك من نقطة وقت الاعلان دي وان سناب شات ليه وقتين ، وقت الكامبين و وقت الاد سيت و علشان تريح دماغك خلي الوقتين زي بعض ( هنشرح الحتة دي باستفاضة في البوست الجاي )
تقدر تشوف باقي سياسات الاعلان من هنا
يتبقى لمقال النهاردة سؤال أخير هاجاوب عليه:
ايه الدول اللي اقدر استفاد منها واعلن لها على سنابشات؟
والإجابة وفقًا لآخر إحصائية موثقة من سنابشات دول شوية دول بالترتيب:
- أمريكا ، 94 مليون يوزر
- فرنسا ، 18.5 مليون يوزر
- بريطانيا ، 17.5 مليون يوزر
- السعودية ، 𝟏𝟒 مليون يوزر
- مصر ، 3 مليون يوزر
انتهى مقال النهاردة اللي كان يعتبر مقدمة للسلسلة، وفي المرات الجاية إن شاء الله هنعمل سوا أول كامبين وهنقول ايه رينج الاسعار لكل هدف objective موجود على سنابشات.
