فيسبوك وتويتر

إعلانات تويتر أرخص من إعلانات الفيسبوك

شارك على فيسبوك
شارك على تويتر
شارك على لينكدإن
+

لو بتقرأ المقال ده عشان توفر كام سنت في سعر الكليك ف انصحك متكملش قراءة 

للاسف أصبح معظمنا يبحث عن سعر أقل ل الكليك أو ال engagement فقط لكن أنصحك بمراجعة نفسك فسعر الكليك أو سعر الأكشن عموما خادع جداً وبيتباهي بَعضُنَا بصورة الكوست القليلة وهتشوف 0.00001$ أو أقل لكن هتشوف إن المعادلة مختلفة تماماً عن كده لما نقارن نتائج الإعلانات علي الفيسبوك بنتائج الإعلانات علي تويتر .

ولو بتحلم بتحقيق نتيجة بالشكل 0.0005$ ده فأنت في الاتجاه الغلط لنجاح ال campaigns . على الفيسبوك او علي تويتر او اي platform اعلانية تانية فأنجح الحملات مردوداً على البيزنس الي بتقوم بالتسويق له عادة ما تصل إلى + 0.07$

لكل أكشن وقد تصل إلى دولار لكل أكشن لكن الحكمة هنا في ال Roi وحجم مبيعات الحملة دي .
أنصحك كمان  بعدم اعتياد نغمة ( احنا في مرحلة الـ
awareness ) المعتادة وإلي في ناس هتلاقيها مقضية حياتها العملية  في مرحلة awareness فقط لكن أي بيزنس عموما بيهدف لزيادة مبيعاته من أي نشاط تسويقي لكن باختلاف الفترة الزمنية طبعاً بين أي نشاط والتاني سواء online أو offline عذراً على المقدمة الطويلة دي لكن وجب تذكيرك وتصحيح مفاهيمنا عن الحملة الناحجة في عالم الدجيتال.

نرجع لموضوعنا الأساسي وهو إزاي تويتر أرخص من الفيسبوك في الإعلانات:

أحب أوضحلك إن تكلفة الكليك في دولة زي السعودية أو الإمارات علي تويتر قد يقل عن 0.05 $ في الحملات إلي بتستهدف تحقيق مبيعات مباشرة وفِي فترة زمنيه قليلة.

وبمقارنة ده بالإعلانات علي فيس بوك  قد تنخدع إن فيسبوك أرخص بكتيير ويمكن بأضعاف الرقم ده أيوة  دي حقيقة فممكن تشوف وتوصل في نفس الدولة سعر 0.005 $ أو اقل للكليك لكن لو رجعت لهدف حملتك والي هو تحقيق مبيعات مباشرة في أسرع وقت  هتلاقي ان فيسبوك لا يرتقي ان يقارن بتويتر من ناحية النتائج والي بتصل الي ٣ أضعاف (Roi) أو اكتر كمان.

يعني مثلا نفترض انك هتبدأ campaign لموقع E commerce بـ 1,000 $
لو قمت بقسمتهم بالتساوي بين فيسبوك وتويتر ففي الحالة دي بافتراض ثبات نفس الإعلان ونفس التارجيتينج من حيث البلد واللغة وكل شيء فلو فيسبوك حققت فيه بـ 500 دولار  200 عملية بيع هتلاقي انك في حالة استخدام ال 500$ الأخري على تويتر فبالتأكيد هتحقق +600 عملية بيع “هذة الأرقام غير حقيقية لكن حبيت اوصل الفكرة”

واسف اني مقدرش اشير معاكم ارقام أو تفاصيل التجارب دي لكن خلينا نقول انها توتال + 50 ألف دولار ولمدة تزيد عن سنه مع أكتر من عميل ووصلنا لنفس النتيجة والنسبة .

وهنا لازم نتطرق لان معظم من يعمل في هذا المجال لدية تقصير في تتبع نتايج حملاته وده مبيرجعش لكسلنا بس لكن كمان الأدوات الي هتقدر تقيس بيها نتايج حملتك غير متاحة بشكل مجاني كمان العميل في ظل غياب أدوات تقيس بيها شغلك بدقة مبيرجعلكش بمعلومات واضحة عن المبيعات او بيخبيها عنك بالقصد ، لكن هنا لما بنتكلم عن نتايج مباشرة وخاصة في مجال التجارة الإلكترونية والي سهل عليك تتراك مبيعاتها فعليا الفرق في العائد عليك من تويتر بأقل تقدير 3 اضعاف  العائد من فيسبوك وكان ليا تجارب من سنه تحديدا وتجربة حديثة خلتني عندي قناعة وانها مش صدفة ان تويتر أرخص من فيسبوك واللي يخلينا نثق في ان النتايج على مدار السنة مع أكتر من عميل وقبل ما تقول انا هاخد حملاتي وبرانداتي وجري على تويتر.

خلينا نفهم الأول طبيعة البلاتفورم مع شوية نصايح سريعة عشان تضمن ان شاء الله نجاح اعلاناتك عليه:

* تويتر مش مكان لتجميع الفلورز وخلاص !!

بمعني ان مش لازم حسابك يكون عليه مليون فلوور عشان ينعكس ده معاك بمبيعات  ممكن حساب يكون عليها 50 الف فللور بس ينعكس معاك بيميعات اكتير بكتير الي هتحققهم ببيج عليها نص مليون فلور على فيسبوك وهنا بنفترض انك في الحالتين متأرجيت الكاستمر الصح.

* اعلانات الفلوور غالية متوسط 0.35 سنت تقريبا.

* الايك هنا مختلف عن الفيسبوك وده معناه ان اليوزر عمل save للتويته وهيقدر هو او اي حد من اصحابه يرجعلها بعد كده.

* متستغربش لما تلاقي يوزر عاملك منشن وبيشتري منك ومش عاملك فلوو اصلا.

* التراكينج بيكسل مش أحسن من فيسبوك وخلي بالك وانت بتعمل حملات كونفيرجن.

* تويتر دلوقتي بقى فيه حملات CPM – كان زمان بيحاسبنا على الكليك او الإكشن بس.

* متقدرش في تويتر تتارجيت الناس بناء على السن وده من العيوب القاتله فيه حتى الأن.

واخيراً مينفعش تكون فيسبوك أدز سبيشياليست وميفنعش تبقى on line spicialist وبتتعامل مع بلاتفورم واحدة في كل شغلك.

ولو عايز تعرف ازاي تعمل حملة على تويتر وبالتفصيل اقرأ المقال ده  إدارة الإعلانات على تويتر

شارك على فيسبوك
شارك على تويتر
شارك على لينكدإن
+