تاريخ إعلانات بيبسي من رمضان 2007 وحتى رمضان 2015

422
shares
شارك على فيسبوك
شارك على تويتر
شارك على لينكدإن
+
What's This?

إشترك في كتابة هذا التقرير: أحمد خالد – أحمد سمير

رمضان ، فرصة حلوة لكل الشركات إنهم يظهروا حملاتهم واعلاناتهم فيه، سواء الهدف بيعي بحت driving sales سواء بالعروض أو غيره، أو هدف تعريف بمنتج جديد creating awareness أو زيادة ولاء وارتباط العملاء بالبراند growing loyalty .. بيبقى فرصة حلوة لقيم زي اللمة والمشاركة وفعل الخير. وبتبقى فرصة للحروب بين البراندات زي ما حصل بين اتصالات و فودافون (اقرأ التفاصيل من هنا).


ورمضان 2015 الناس فيه متحمسة بشكل كبير للاعلانات وبعض التقارير قالت إن نسب المتابعة بقت موازية بل أعلى من متابعة المسلسلات والأعمال الفنية.
عدى اليوم الأول، التاني، التالت، كل الناس مستنية تشوف كوكاكولا وبيبسى -بالذات- هيعملوا ايه فى رمضان السنة دي. والسؤال الأكثر انتشاراً على السوشيال ميديا أصبح: هم هينزلوا باعلاناتهم امتى بقى لدرجة؟ .. لدرجة إن في مجموعة كبيرة من ال comics اتعملت على السؤال ده:


coke

فتعالوا نستعرض مع بعض حملات بيبسي في رمضان من 2015 وحتى 2011:

r1

– نزلوا ب teasing campaign في الأول من خلال:
1- تغيير ال cover photo على كل صفحات بيبسي وشيبسي:

pepsi4 

2- وفى نفس الوقت انتشر فى الشوارع زينة رمضان شبه اللى موجودة فى صورة الـ cover ومكتوب عليها نفس جملة “خيوط من نور تجمعنا ” :

11206107_10153490408313489_3529623697802619530_n 14397_10153490412708489_6003183677742249676_n

3- مع فيديو teaser على صفحتهم على فيسبوك وكمان على يوتيوب (حقق مشاهدات في 3 أيام فوق ال 1,300,000):

4- وامبارح بالليل (قبل إطلاق الإعلان بليلة) نظمت بيبسي حفل جمعت فيه مجموعة كبيرة من ال influencers & partners للحملة وعرضت عليهم الإعلان وكرمت بعض الشخصيات:

pepsi2 pepsi1

– ثم أطلقت إعلانها النهاردة الصبح على الديجيتال ميديا (فيسبوك – يوتيوب) ومنها للتليفزيون طبعاً: واللي اعتمدت فيه على النوستالجيا على خطى رمضان 2014 بس بتطوير أكتر للفكرة، استخدام “حسين الجسمي” ولاعب الكرة “جمال باجندوح” وصور من “دبي” دليل على إن الحملة موّجهة إلى الشرق الأوسط كله مش بس لمصر.


نتعلم: في رأيي إن ال teasing من أكثر التكتيكات اللي بتشد الإنتباه grab attention أكتر من لو نزلنا بال branding campaign على طول.


– وفي تفاعل أكتر مع الحملة activation هايتعمل بالتعاون مع مؤسسة مصر الخير (هانحدث بيه المقال أول ما يكون في معلومات رسمية كافية).

r2

الحملة دى برضه من الحاجات اللى معلقة مع ناس كتير وده لأن بيبسى مش بس اعتمدت على فكرة اللمة لأ ده كمان الحتة بتاعة الذكريات اللى بتجذب ناس كتير. ويمكن اكتر حاجة مميزة فى الحملة دى هى ظهور ( جورج سيدهم ) و كمان صوت حميد الشاعرى اللى مرتبط مع ناس كتير بذكريات كتير:

 

r2013

فى السنة دى كانت أول مرة بيبسى تعمل فكرة إن رمضان بيكمل اللمة مع شيبسى و كانت الحملة دى عبارة عن فيلم قصير مدته 3 دقايق ورابط لمة العيلة بذكريات رمضان زمان بشكل مبهر من رأيي. ويمكن اكتر حاجة علقت مع الناس هى ظهور شخصيات زى عمو فؤاد و نيلى:

 

r4

السنة دى كانت تانى سنة بيبسى تستعين فيها بدنيا سمير غانم عشان تكون الموديل بتاع اعلاناتها ويمكن كانت تانى سنة بيبسى تركز على ” الكرم ” بتاع رمضان. الحملة كانت خفيفة وبتحس على التبرع فى رمضان لبنك الطعام ممكن نشوفها من هنا: 

 

r5

فى السنة دى بيبسى عملت حاجة زى فوازير بسيطة جدا قدمتها دنيا سمير غانم وعملت 3 شخصيات مختلفة. كان فكرتها مين يستحق البيبسى من ال 3 شخصيات دول :

والناس عملت vote وعلى اخر الشهر قالوا على الشخصية اللى تستحق البيبسى من خلال التصويت بتاع الناس. وقالوا ان بيبسى هتوفر هدوم لـ  150,000 محتاج بالتعاون مع جمعية رسالة:

 

2009

السنة ديه بيبسي استعانت بالشخصية الكوميدية “أحمد مكي” في حملة بعنوان “جدد رمضانك”، طلعت منه أكتر من شخصية: الأمين – الكريم – الهادي – الصادق، وهي بتعكس الشخصيات اللي بنحاول نكون عليها في رمضان، وخلق قصة حول حب كل شخصية للبيبسي. تقدر تشوف الإعلانات من هنا:

 

 

 

 

2007

السنة ديه بيبسي عملت حملة تحت عنوان “سلي فطارك مع بيبسي” ، بما إننا بنقول على طول “سلي صيامك”، واستخدمت شخصية “أحمد حلمي”. شوفها من هنا:

 

 

*وبكدة نكون حاولنا إننا نجمع تاريخ إعلانات بيبسي في رمضان من 2007 وحتى 2015. وهانحدّث الموضوع بإحصائيات عن تفاعل الناس خلال اليومين الجايين مع حملة بيبسي في رمضان 2015 وآرائهم.

شاركنا رأيك في التعليقات:

إيه أنجح حملات بيبسي في رأيك، وهل هاتقدر السنة ديه تعمل حاجة أفضل من السنة اللي فاتت، ويا ترى كوكاكولا هاتعمل ايه؟ 😀

شارك على فيسبوك
شارك على تويتر
شارك على لينكدإن
+