لماذا لم تظهر إعلانات كوكاكولا على التليفزيون هذا العام؟

9
shares
شارك على فيسبوك
شارك على تويتر
شارك على لينكدإن
+
What's This?

أعلنت كوكاكولا السنة ديه إن حملتها الإعلانية #ثانية_تفرق مش هاتظهر في التليفزيون وهاتكتفي بإن إعلاناتها هاتظهر على يوتيوب وفيسبوك، وهاتتبرع بتكاليف الحملة لدعم 100 قرية صغيرة.

ده كان البعد من وجهة نظر القيم اللي بيدعمها البراند Brand Values كنوع من المسئولية المجتمعية CSR ، واللي تركت بيه انطباع ممتاز على السوشيال ميديا. وبعد آخر ليه علاقة بإن معظم البراندات بدأت تقلل من مصاريف إعلاناتها Cutting Advertising Cost الفترة الأخيرة، وبالتالي ده قد يكون فرض تحدي كبير قدام كوكاكولا إنها تعمل فكرة تفرقع وفي نفس الوقت بفلوس أقل، فكانت الفكرة ديه. لكن .. في بعد تاني بيتعلق بأهمية الأونلاين فيديو والتريند اللي اتجه ليه العالم مؤخراً ! .. عشان كدة رصدت ليكم مجموعة من الأرقام والإحصائيات في 3 أسباب أساسية شايف إنها قد تكون وراء اتجاه كوكاكولا إلى الأونلاين فيديو مش الإعلان على التليفزيون السنة ديه:

السبب الأول: الأونلاين الفيديو لا يقل تأثيراً عن إعلانات التليفزيون!

وفقاً لاستفتاء قامت بيه BritRoll بين مجموعة كبيرة جداً من ال agencies  سألتهم فيه عن مين أكثر تأثيراً: إعلان التليفزيون أم الأونلاين فيديو ، فكانت النتائج كالتالي:

– 41% قالوا إن الأونلاين الفيديو أكثر تأثير.

– 31% قالوا إن الأونلاين الفيديو = تأثير إعلانات التليفزيون.

– 18% قالوا إن إعلانات التليفزيون أكثر تأثيراً.

– 10% قالوا: ميعرفوش.

يعني 72% قالوا إن تأثير الأونلاين الفيديو مش أقل من إعلانات التليفزيون.

 

Screenshot_4

السبب الثاني: الزيادة الأكبر في الميزانية والإستثمار Spending هاتكون على الأونلاين فيديو.

– وفقاً لنفس الإستفتاء السابق؛ فال agencies  بيتوقعوا إن أكبر زيادة في الإستثمار/ الصرف على الإعلانات Ad Spending السنة ديه هاتكون على الأونلاين فيديو سواء على الموبايل أو ال Desktop.

– ووفقاً لمقال نشر في موقع DigiDay لقوا إن 40% من البراندات بدأت تقتطع من ميزانية إعلانات التليفزيون عشان تستثمرها في الأونلاين فيديو، مقارنةً بـ 10% بس في السنة اللي قبلها. يعني في سنة 2014 حصل الإتجاه ده على زيادة 3 أضعاف.

shifting-budgets

– وده مثلاً chart بيقولنا إن 60% من ال agencies اللي اتعمل عليهم استفتاء عشان يقولوا إيه أكتر جزئية شايفين إن هايحصل فيها زيادة في مجال ال Digital Media كانت إجابتهم: الأونلاين فيديو على الموبايل.
Screenshot_6

السبب الثالث: الأونلاين فيديو يحقق توعية awareness وتفاعل engagement أكبر!

– في دراسة قامت بيها emarketer.com  لقوا إن 47% من الماركتييرز بيقولوا إن الأونلاين فيديو بيحقق توعية أكبر من إعلانات التليفزيون، وإن 58% قالوا إنها بتحقق تفاعل أكبر.

158476

-في نفس الدراسة كانت أكبر سبب هايأثر على زيادة التوجه إلى الأونلاين فيديو هو الإستهداف الأفضل better targeting  عن إعلانات التليفزيون اللي بطبيعتها بتخاطب دايماً الـ Mass، وتاني سبب كان الإمكانيات اللي بيتيحها الأونلاين عشان تقيس نجاح الحملة بتاعتك من فشلها، زي ما بنشوف في معايير كتير منها المشاهدات video views أو التفاعل engagement بكل ما تحمله مع بيانات وإحصائيات بتقدر تعرفها من الأونلانين ومش بيتيحها التليفزيون.

158474

Leading Advantages of Digital Video Ads According to Video Advertising Decision-Makers in North America, Sep 2013 (% of respondents)

-وفي دراسة تانية في 2013 قامت بيها Interactive Advertising Bureau لقوا إن 60% بيفتكروا الفكرة الأساسية بتاعة الأونلاين فيديو في مجال المواد الغذائية food & Beverage  ومنتجات التجميل، بينما 46% بس لو اتفرجوا على نفس الإعلان على التليفزيون. و45% يقدروا يفتكروا رسالة البراند لو شافوا أونلاين فيديو في مجال الصحة والجمال Health & beauty  بينما 19% لو شافوا نفس الإعلان على التليفزيون.

online-ad-v-tv

onlinevideo-vs-tv

– وفي نفس الدراسة السابقة: لو أخدنا من ميزانية إعلانات التليفزيون 15% وحطيناها في الأونلاين فيديو هاتزود الوصول reach  بنسبة 4.2%. 

Screenshot_7

ولما تعرف كمان إن دراسات كتيرة قالت إن الإستثمار في الأونلاين فيديو هايزيد بنسبة 40% فيما يعادل أكتر من 4 بليون دولار، هانعرف ليه مؤخراً بدأ يكون فيه اهتمام كبير بالأونلاين فيديو، وأكيد كوكاكولا بالحركة ديه بتؤسس لتريند لنفسها قبل غيرها، هاتمشي عليه الفترة الجاية.

شارك على فيسبوك
شارك على تويتر
شارك على لينكدإن
+