أفضل 29 كتاب في التسويق والديجيتال ماركتنج يجب عليك قراءتها قبل نهاية 2016

130
shares
شارك على فيسبوك
شارك على تويتر
شارك على لينكدإن
+
What's This?

القراءة في حد ذاتها مش هاتخلينا لوحدها عبقريين في أي مجال، بالأخص في مجالنا، بس في نفس الوقت، من غير القراءة هانبقى أبعد ما نكون عن العبقرية!. القراءة برضه مش وجبة فطار على السريع يوم نهتم بيها ويوم نكبّر عشان مش فاضيين وورانا مشاغل كتير. القراءة مش بهدف “الشوو الشخصي” برضه، من خلال حفظ مجموعة من الأقوال والحكم ونشيّرها على السوشيال ميديا عشان نقول للي حوالينا: “كم نحن بارعون أيها الحمقى”. القراءة برضه مش إشتراك جيم تدفعه أول السنة وماتروحش غير مرتين تلاتة!. خد النصيحة ديه: اليوم اللي مش هاتقرأ فيه ماتحسبهوش، ماشي؟، بس ماتقعدش طول اليوم في المكتبة خلينا عمليين. بتسأل أعمل ايه؟، أقولك!. بعد رحلة بحث على الإنترنت، لقيت إن جعل القراءة عادة يومية، مع وضع خطة للسنة أو على الأقل للثلاث شهور القادمة هو أعظم حاجة هاتعملها في نفسك في الحياة، وفي التعامل مع هذا النوع من الوجبات المعرفية اللي هاتخليك بالتأكيد أكبر وأقوى وأكثر اطلاعاً ودراية وثقافة، وإلا هاتقع فريسة للتجارب التي مريت إنت بيها بس، هاتبقى بتفكر جوة الصندوق رغم إنك بتقول إنك بتفكر برة الصندوق! ، كمان حكمك على كل شيء حولك هايفتقد الموضوعية والعلم ، واهيتسم بالتسرع والحماقة. عايز تبقى ذا نيكست مارك زكربيرج، أو بيل جيتس أو أو أو يبقى إسمع النصيحة الجاية وطبقها جنب شغلك والتجارب اللي بتعملها:ـ

اقرأ في اليوم الواحد 20 صفحة في مدة من 30-60 دقيقة ، قوم الصبح قبل ميعاد صحيانك المعتاد بساعة واحدة وخليها للقراءة، استغل المواصلات. مارك زوكربج مثلاً بيخلص كتاب كل أسبوعين، وبيخصص ساعة واحدة للقراءة، وساعة واحدة لتعلم اللغة الصينية

ولو إنت سخنت خلاص وناوي تمشي على النصيحة ديه من النهاردة، فأنا جمّعتلك أفضل 29 كتاب رشّحهم خبراء في التسويق والديجيتال ماركتنج من مواقع كتير زي لينكد-إن وكورا عشان تشوفهم وتقرأ عنهم قبل ما تحط خطة السنة أو ال3 شهور الجايين (ملحوظة قد يستغرق ظهور المحتوى التالي ثوانٍ معدودة):ـ

شارك على فيسبوك
شارك على تويتر
شارك على لينكدإن
+