قائمة بأسوأ 10 إعلانات في رمضان 2015

106
shares
شارك على فيسبوك
شارك على تويتر
شارك على لينكدإن
+
What's This?

“هذا المقال ساخر ، غير مهني ، غير موضوعي ، غير محايد ، لا يهدف لنقل المعرفة ، وحتى سارق تيمة التحذير من باسم يوسف نتيجة لحالة فقر الإبداع اللي بيعبر عنه المقال” 😀

رمضان بيبقى الموسم اللي بنستناه عشان نشوف أكبر الحملات الإعلانية طول السنة، وما بين تحليل الإعلانات، أو الكلام عن نجاح وفشل الحملات الدعائية اللي بتحاول إنها تبذل قصارى جهدها عشان تكون الأفضل، وبغض النظر عن الحملات الدعائية الحلوة اللي منجحتش في تحقيق أهدافها ، كان في على الجانب الآخر من الكوكب منافسة من نوع آخر .. ونجاح من نوع آخر .. منافسة ونجاح على “الأسوأ” .. بقيادة مجموعة من الإعلانات والبراندات المصرية السنة ديه. المشكلة إن نفس الوكالات اللي عاملة بعض الإعلانات ديه عاملة إعلانات تانية مفرقعة وناجحة جداً، والمشكلة التانية إن بعض البراندات ديه عملت حملات إعلانية رائعة السنين اللي فاتت، وبدون الخوض في تفاصيل تحليلية وتقنية، جمّعتلكم ليستة بأسوأ إعلانات رمضان 2015 -من وجهة نظري الشخصية- :

1- قطونيل:

ودول على طول إعلاناتهم سيئة، وأصلاً السلوجان: القطن بيتكلم مصري ده سخيف ومالهوش أي معنى. لأ وكمان بيعلّوا في السخافة!

 

2- قطونيل تاني:

مش عارف ليه حسن حسني عمل في نفسه كدة!، ليه ليه *بصوت أحمد شوبير*

3- يونيفيرسال:

عه !

 

4- يونيفيرسال تاني:

موسيقى وستايل وصوت من أيام دقلادنيوس!

 

اللي يزعلك إن يونيفيرسال قبل كدة كانت عاملة حملة جميلة جداً:

 

5- يونيفيرسال تالت:

كفاية يا جماعة!

6- العربي جروب:

طب واللي مبيثقش فيكم بتقولوله ايه؟

7- مستشفى 57357:

الجرافيك حلو، والتنفيذ جميل، بس السكريبت غلط تماماً، تماماً، يعني أنا تعاطفت مع الخلية السرطانية مش العكس!

 

8- كوفرتينا:

الولا حاجة حرفياً ! .. بس نحييهم على ال casting .. مايجيش على بال حد خالص.

9- فوكس:

رغم إني لسه متأكد إن الفكرة ديه تحديداً مسروقة من فيلم أجنبي بس مش عارف أفتكره حتى الآن، لكن الإعلان ده (بخلاف بقية إعلانات حملة فوكس) يستحق لقب أسوأ إعلانات رمضان 2015 ، حاجة كدة مالهاش أي معنى ولا مبنى، زي السلوجان بالظبط: “طعمه حلو أوي”، اللي هو فاهم الـ simplicity غلط تماماً.

وحتى لما الإعلان اتمنع قرر إنه يقلش على حاجة قالشة أساساً، فطلع أقلش من اللي قبلها:

10- أم حسن:

أتراجع عن الكلام اللي قولته في النقطة اللي فاتت، وأدي إكليل أسوأ إعلانات رمضان لأم حسن، اللي بيحموا البشرية، وبيحاربوا الفضائيين، وبيحرسوا مدخل مجرة درب التبانة.

وده اللي هايحصل لما نشوى مصطفى تتقابل مع حارس مدخل مجرة درب التبانة، اللي هو أنا أم حسن جنبي 2 متر، وال1% تفكير اني أجرب من عندهم اتنسفوا تماماً في رمضان ده، وحتى تحترق النجوم، وحتى تحترق الملوخية اللي في الكون كله على دماغكم.

لو عندك إعلان تاني حابب تضيفه في القايمة شاركني في التعليقات. ونتمنى إن النوع ده من الإعلانات مايتكررش رمضان اللي جاي.

شارك على فيسبوك
شارك على تويتر
شارك على لينكدإن
+